ღ صدفه ومن بين كل الناس ع ـلقني ღ

[مرو]

الجزء الأول



شهد : " متى أشوف نفسي بالفستان الأبيض وقاعده على الكوشة مع بدر ... آه .... حلم هذا وما اظنه يتحقق "
نزلت شهد للصالة :
شهد : مساء الخير
الكل : مساء النور
أبو ماجد : وينج عاد ما تدرين ان احنا بنروح الحين ؟
شهد : أدري يبه عاد شدعوة ما تأخرنا وايد ...!
ام ماجد : يالله عاد مو وقته هالكلام خلونا نروح
ابو ماجد : يالله توكلنا
شهد : وماجد وأحمد وينهم ؟
ام ماجد : طالعين مع ربعهم
شهد : اهااا .. اوكي


في بيت أبو عادل
عائلة أبو ماجد : السلام عليكم
عائلة أبو أحمد : وعليكم السلام
ابو عادل : هلا والله .. بأخوي الغالي تو ما نور البيت والله
ابو ماجد : تسلم يا الغالي البيت منور بأهله والله

شهد في غرفة ريناد
شهد : هااااااي
ريناد : أهلين
شهد : شفيج ؟ صاير شي
ريناد : لا عادي ليش ؟
شهد : ما ادري شكلج فيج شي
ريناد : لا عادي
شهد : رينادوو اعرفج انا قولي فيج شي ؟
ريناد بعصبية : أقولج ما فيني شي ما تفهمين انتي ؟
شهد : انزين يبه اعصابج ترى انا مالي ذنب والله
ريناد : انا اسفه شهودة والله انا تعبانه وحاسه إني بموت
شهد : ليش حياتي شفيج ؟ قولي عاد ترى انا بعد بموت
ريناد : .........
شهد : ريناد واللي يسلمج قوليلي شفيج ؟
ريناد : خطوبة فيصل الإسبوع الياي
شهد : شنوووووووووو !!!!
ريناد : شفتي .. مو من حقي إني أموت .. والموت شوي عليّ
شهد : لحظة لحظة .. خلج من هالكلام اللي ما منه فايده قوليلي ليش ومنو اللي بيخطبها ؟
ريناد : وحده معانا في الجامعة
شهد : ونسى حبج بهالسهولة
ريناد : حقه .. ما يدري بالعشق اللي قاعده اقص على روحي واحبه وهو ولا عمره تكلم معاي
شهد : انتي الغلطانه انا من زمان قلت لج قوليله اعترفيله بس انتي مو راضية
ريناد : شهد بس الله يخليج
شهد : انزين يلاا قومي خلينا ننزل
ريناد : ما أبي
شهد : انتي وبعدين وياج ؟ الولد ما يحبج خلاص اصلاً انتي ما تعنيله شي
ريناد والدموع تتناثر بعيونها : ......
شهد تحضن ريناد : يلا عاد ريناد ما خلصت الدنيا في غيره ملايين ليش تدمرين حياتج عشان شخص ما يحبج ؟!
ريناد : مو قادره انساه يا شهد والله هو يمشي بدمي ما أقدر اتخيل انه بيصير لغيري
شهد : بس هو بيصير لغيرج وترى اذا اتمين بهالحالة انتي الخسرانة وبتدمرين حياتج عشان شي ما يسوى
ريناد : ودي أنساه بس مو قادره .. يلا قومي ننزل
شهد : يلا حبيبتي



شخصيات القصــة

عائلة أبو ماجد
أبو ماجد : رجل عمره 45 سنة حنون وطيب ويحب دائماً ينفذ أوامر عائلته ويحب دائماً يشوفهم فرحانيين وما ينقصهم شيء
أم ماجد : ام حنونة وطيبة لكنها عصبية عمرها 40 سنة عصبيتها أحياناً تسبب لها مشاكل مع عائلتها
ماجد : شخص حنون والكل يحبه ويتمنى مساعدته ورضاه عمره 27 سنة عنده ماجستير علوم حاسبات
علي : شخص ما يهتم للحب .. وسيم وايد لكن الحب ما يعنيله شي وبرأيه انه الحب شي تافه عمره 22 سنه اخر سنه له في الجامعة يدرس تخصص تكنلوجيا المعلومات والاتصالات
شهد : البنت الوحيده للعائلة .. بنت رومانسية وحنونة وقلبها طيب أكثر مما تتصورون عمرها 19 سنه اول سنة لها في الجامعة وتحب ابن عمها بدر وهو بعد يحبها وصديقتها المقربة ريناد بنفس العمر وتدرس علوم حاسبات


عائلة أبو عادل

أبو عادل : شخص عصبي جداً ومن أبسط الأشياء يعصب لكن سرعان ما ينسى الأمر .. عمره 47 وهو العم الأكبر للعائلة عنده شركة كبيرة ولها اسمها في البحرين
ام عادل : شخصية حنونة وطيبة وما يهمها شي أكثر من عيالها عمرها 42
عادل : الإبن الأكبر عمره 26 سنة عنده ماجستير حقوق
بدر : الشخصية المرحة واللي الكل يعتبرها مرحة يحب شهد أكثر من نفسه عمره 23 سنة وعنده دبلوم في العلوم التقنية
ريناد : بنوتة طيبة تحب تهتم بشكلها أكثر مما تتصورون كانت تحب واحد بس للأسف يمكن ما يصير من نصيبها اللي هو فيصل عمرها 19 نفس عمر شهد ونفس قسمها بالجامعة

عائلة أبو ناصر
أبو ناصر : عمره 40 سنة رجل يحب الخير دائماً ويحب عياله لكنه مو متفاهم مع زوجته بعض الأحيان
ام ناصر : ام طيبة لكنها ما تهتم لأولادها أكثر من ربعها عمرها 37 سنة .
ناصر : عمره 25 سنة مو محسوب للعائلة لانه ما ينشاف وأكثر الأوقات مسافر . هو خريج من قسم العلوم التكنلوجية ودائماً يسافر يقيم دورات بدول الخارج
روان : عمرها 20 سنة أكبر من شهد وريناد لكنها مو متفاهمة وياهم
محمد : عمره 14 سنة مشاكله كبيره وابوه دائماً يحله كل المشاكل وامه للأسف ما تدري عنه


نهاية الجزء الأول ..

][ دموووع وذكريات ][

الجزء الثاني


في اليوم الثاني

بيت أبو ماجد

شهد تصحى على صوت الموبايل

شهد : هلا ريناد
ريناد : شهد لحقي عليّ
شهد : خرعتيني اشفيج ؟
ريناد : شهد بدر عمل حادث كبير والحين هو في المستشفى
شهد : شنووو .. لا بليييز ريناد انتي اكيد تضحكين عليّ إي انا اعرف ههههه
ريناد تعيط : انتي اشفيج استخفيتي اقولج والله
شهد بصدمة : مستحيل مستحيل .. لا حول ولا قوة إلاّ بالله .. وهو شلونه الحين ؟
ريناد : ما ادري انا رايحة الحين المستشفى
شهد : لحظة أي مستشفى ؟
ريناد : البحرين التخصصي


الكل سمع خبر حادث بدر وطبعاً أثر على الكل ومحد قدر يصدق الخبر .. بدر الحنون والطيب .. اللي يتأثر على أي شي بسيط يصير لأي شخص .. بدر اللي دائماً يحاول يكون مقرب للكل .. بدر اللي سوالفه ما تنمل .. بدر المرح واللي عنده الحياة شي عادي وما تستحق ان الواحد يدمرها عشان شي ما يسوى .....


في المستشفى

الكل قاعد يدعي لبدر ان الله يقومه بالسلامة

الدكتور يطلع والكل إيده على قلبه
أبو عادل : بشر يا دكتور ولدي شفيه
الدكتور : للأسف الحادث أثر بشكل كبير على بدر وبدر عنده كسر كبير برجله
الكل : ...................
ام عادل بصدمة : لا حول ولا قوة إلاّ بالله .. ..
ريناد : لا تقولين جذي يا يمة ان شاء الله يقوم بالسلامة
الدكتور : على العموم خليناه يرتاح الحين وبعد كم يوم ان شاء الله راح نحوله للعلاج الطبيعي

شهد ما قدرت تستحمل هالموقف وانهارت بالصياح وتعبت وما قدرت تتحمل الموقف ... حبيبها احتمال كسره يكبر وما يقدر يمشي على رجله ...
شهد تروح عند ريناد : ريناد حبيبتي بس كسرتي خاطري ادعيله وصليله وان شاء الله يقوم بالسلامة انا شنو أسوي .. اللي أحبه راح مني
روان بعصبية : انتي الحين هذا اللي هامج اللي تحبيه راح ..
شهد : طبعاً هذا اللي يهمني .. انتي ما تدرين بدر شنو بالنسبة لي ... بدر الهوا اللي أشمه كل يوم .. بدر اللي لولاه كانت حياتي حياة أي انسانة عادية لكن بدر خلا حياتي كلها فرح وابتسامات .. فديته والله
روان : اففف ... انتي وبعدين معاج ترى بدر لي وانا له واذا مو عاجبج طقي راسج بالطوفة
ريناد : انتو بس عاد والله تعبتوني بدر ما يحب ولا وحدة فيكم ادعوله يقوم بالسلامة بدل هالكلام الفاضي
شهد وروان : ............
ريناد : شهد قومي روحي لاخوج علي تراه كسر خاطري مسكين والله
شهد تروح لعلي : خلاص يا علي بس ادعيله وان شاء الله يقوم بالسلامة ويرجع لنا .. انت صديقه وانا حبي ... وتسكت شهد لان لو قالت حبيبته علي راح يزعل منها
علي : شنو ؟
شهد : ولا شي ... انزين ناصر درى عن الخبر ؟
علي : لا ما درى .. وانا مادري شلون بقوله

(( ناصر الحين بدبي عنده دورة وهو اللي بيرأسها وناصر متعلق ببدر وايد ومتربي معاه ))

شهد : لا تقوله خليه لما يرجع قوله مسكين الحين راح يتأثر بالخبر ويأثر على دوراته
علي : الله كريم ................

نهاية الجزء الثاني

الجزء الثالث




بعد مرور إسبوع

ناصر رجع للبحرين وعرف حادث بدر وتأثر وايد حتى طلب من المسؤولين يلغون دوراته هالشهر عشان يبقى مع بدر

وشهد تعلقت ببدر أكثر وخصوصاً وهو في هالحالة
وروان زاد ولها على بدر ووايد متضايقة من شهد لان ما عندها سالفة إلاّ بدر

بدر بدأ بعلاجه الطبيعي وحالته قاعد تتحسن شوي
والعائلة دائماً تزوره

بدر اشتياقه زاد لشهد لكن ما يقدر يقول لأحد إلاّ ريناد

ريناد تروح لغرفة بدر : بدر حبيبي شلونك
بدر : بخير الله يسلمج وانتي شلونج
ريناد : تمام بشوفتك يا الغالي .. وشلون رجلك الحين
بدر : الحمد لله بديت احس فيها لكن للحين مو قادر احركها
ريناد : ان شاء الله راح تحركها عن قريب وتمشي مثل ما كنت وتركض بعد
بدر : ههههههههه خلني أمشي أول بعدين أركض
ريناد : انزين شرايك نروح البر الجو حلو ترى
بدر : ياريت بس المشكلة
ريناد : شنو المشكلة يا حلوو
بدر : انا مشتااااق
ريناد : وأنااا أكثر
بدر : شنو
ريناد : هههههههه ولا شي قولي لمنو مشتاق
بدر : لوحدة أحبها
ريناد : الله الله .. اخوي طلع يحب وأنا مادري
بدر : تدرين منو أحب عاد
ريناد : منو
بدر : شهد
ريناد شهقت : يؤيؤيؤ شنو ؟ شهد ؟ معقولة ؟
بدر : أي شهد شفيها يعني ؟!
ريناد : ما فيها شي بس انا ادري ان شهد ما تطيقك
بدر : ههههههههههههههههه
ريناد : اشفيك تضحك بعد
بدر : مثلت قدامج بس
ريناد : شلون يعني ما فهمت ؟!
بدر : يعني يا الحولة شهد تحبني بس لو انتي عرفتي بحبها لي راح تصيرين طفلة وفتانة وهي ما حبت تخليج تعرفين
ريناد : والله وطلعت شاطرة شهد وانا ما ادري عنها لا وكنت بعد دائماً أهاوشها واقولها هذا اخوي واذا تكرهيه معناها تكرهيني
بدر : هههههههههههههههه
ريناد : المهم الحين يلا قوم خلنا نروح
بدر : خلنا ناخذ شهد معانا
ريناد : احلم
بدر : خلاص ماني رايح
ريناد : ليش يعني انا ما اسوى وشهد تسوى ؟
بدر : طبعاً
ريناد : لا وقوي عين بعد
بدر : هههههههه يلا قومي اتصلي فيها بليييز
ريناد : عشان خاطر رجلك بس ههههه
بدر : انزين مو مشكلة عشان خاطر أي شي بس المهم شهد تكون معانا



شهد : شنوو ..! أروح وياكم وشنو صفتي ؟
ريناد : صفتج انج تحبين بدر يا الدلخة والخبلة
شهد : انتي شلون عرفتي ؟
ريناد : مافي شي يتخبى عني .. المهم يلا تحضري بمرلج الحين اوكي
شهد : اذا بدر يكون معاي كل شي أوكي
ريناد : خلني أشوفج بس بقطع شعرج
شهد : ههههههه مالت بس يلاا باااي
ريناد : فارقي


في البر

ريناد : عطشااانة
شهد : وشنو أسويلج ؟
ريناد : مادري امممم بروح اشرب ماي من السيارة
شهد : طيب
بدر : فكة .. افتكينا منهاا
شهد : هههههههه
بدر : فديت هالضحكة
شهد : تسلم لي حبيبي المهم شلونها رجلك ؟
بدر : دام شافتج أكيد بخير
شهد : دووم يارب
بدر : وعد مني يا شهودة إذا رجعت أمشي على رجلي نعجل شوي بزواجنا هذا وعد ووعد الحر دين
شهد : انا ما يهمني اني اتزوجك المهم انك تمشي
بدر : ان شاء الله

ويرن تليفون بدر
بدر : مرحبا
روان : هاي
بدر : اهلين .. منو انتي ؟
روان : افااا ما عرفتني يعني
بدر : لا والله منو ؟
روان : بنت عمك يا حلوو
بدر : اهلين روان شخبارج
روان : بخير الله يسلمك وانت شلونك
بدر : تمام الحمد لله
روان : وشلون حالتك تحسنت ؟
بدر : الحمد لله
شهد : ............
روان : انزين حبيبي حبيت اسلم عليك بس واعرف اخبارك
بدر : مشكورة روان
روان : يلا قلبي باي
بدر : باي

بدر : شفيج معصبة ؟
شهد : سلامتك
بدر : زعلتي من روان ؟
شهد : انا ازعل من روان وليش بالله
بدر : ما ادري عيل شفيج ؟
شهد : ما فيني شي
بدر : عليّ آنا يا شهد
شهد : ليش كلمتك
بدر : حرام يعني
شهد : لا يعني مستانس على مكالمتها
بدر : شفيها يعني بنت عمي هي مو غريبة
شهد : خلاص خليها تنفعك عيل
شهد كانت بتقوم بس بدر مسك ايدها : تعالي
شهد : خير
بدر : انا ما ابدلج بكنوز الدنيا كلها والله
شهد بابتسامة : طبعاً
بدر : واثقة بعد
شهد : اكيد لان عمرك ما بتحصل وحدة تحبك أكثر مني
بدر : فيه وايد
شهد : منو بالله
بدر : روان أول وحدة
شهد : بس انا احبك أكثر من روان
بدر : لا روان تحبني أكثر منج
شهد : شدراك ؟
بدر : على فكرة هذي مو أول مرة تكلمني روان
شهد : ما شاء الله
بدر : والله من سنة تقريباً وهي تكلمني بس انا ما اعطيها ويه
شهد : قوية عين بعد والله انها ما تستحي
بدر : عيب يا شهد هذي بنت عمج
شهد : ولو هي تدري اني احبك اكثر من نفسي شلون تتحداني فيك معناها هي تكرهني وحاقده علي
بدر : لا يا شهد روان انسانة طيبة لكنها تحبني وانا ما ادري شنو أسوي
شهد : قولها انا ما احبج وخلاص
بدر : ما أحب أجرحها
شهد : والحل ؟!
بدر : مع الأيام راح تعرفين الحل
في بيت أبو ناصر

محمد : يبة انا بروح السيف اليوم
ابو ناصر : مع منو ؟
محمد : مع ربعي أكيد
أبو ناصر : روح لكن اذا سويت مشكلة والله اني ما راح أسامحك
محمد: أفا عليك يبه انا عمري ما سويت مشكلة
ابو ناصر : خلينا نشوف اليوم
محمد : انزين يبة محــ...
أبو ناصر : كم تبي ؟
محمد : ما ادري انت كيفك
أبو ناصر : امرنا لله
محمد : مشكور يبه الله يطول لي بعمرك




في اليوم التالي
والصبح تحديداً
بدر يصحى على صوت التلفون
بدر : هلا ناصر
ناصر : هلا والله بالقاطع اللي ما يقدر
بدر : ما أقدر شنو ؟
ناصر : ما تقدر الشخص اللي يحبك واللي أجل كل دوراته على شان يقعد معاك ويواسيك
بدر : ومن قالك انا ابي أحد يواسيني ؟!
ناصر : خخخخخخخخخخخخ انزين شخبارك
بدر : تمامو وانت شلونك ؟
ناصر : ماشي الحال يا عمي وشلون حالتك الحين
بدر : تمام قاعده تتحسن والحمد لله
ناصر : يلا ان شاء الله نشوفك تمشي بأقرب وقت
بدر : الله يسمع منك
ناصر : انزين يلا ما أبي أطول انت شكلك نايم صح
بدر : ههههههههههه توك عرفت
ناصر : يس
بدر : يلاا خلصنا
ناصر : باي
بدر : بايات



في بيت أبو ماجد

شهد تدخل لغرفة علي
شهد: هااااي
علي : نعم
شهد : اففففففف ودي أعرف انتو ما ادري شفيكم اذا اختكم تحبكم وتقولكم كلام حلو وبطريقة لطيفة ما تحترمونها مادري ليش
علي : لوووووووووووول
شهد : المهم ما بعطيك ويه بس لا تنسى الهدية
علي : أي هدية
شهد : هدية عيد ميلادي
علي : هههههههه ومتى عيد ميلادج ؟!
شهد : اخوي وما يدري بعيد ميلادي منو اللي يدري عيل ؟!
علي : تعرفين يا رنوده انا مشغول
شهد : مشغول ويه ويهك انت اصلاً ما تحب
علي : ما أحب شنو ؟
شهد : ما تحب بنوتة
علي : تدرين ان في الجامعة وايد بنات احسهم يحبوني بس انا حرت منو اختار
شهد : تدري اتمنى شي يصير
علي : شنو هو
شهد : اتمنى تحب ريناد
علي : قصدج بنت عمي
شهد : أي ومنو غيرها
علي : وليش هي بالذات ؟!
شهد : احسها تناسبك وهي بنت عمك
علي : بس الانسان مو مغصوب ياخذ بنت عمه
شهد : انا ما قلت انت غصبن عنك بتاخذها بس يعني انت ما تحس بأي شعور تجاها ؟!
علي : لا والله
شهد : بس اعتقد هي تبيك
علي : شنو هي لعبة آراء الناس تبيك وما تبيها
شهد : ههههههههههه لا بس أحس انها فعلاً تبيك وتحبك
علي : شلون يعني ماني فاهم
شهد : يعني دائماً تسألني عنك ويوم حادث بدر قالت لي روحي لأخوج تراه كسر خاطري
علي : انزين عادي !
شهد : عادي !!!
علي : إي عادي يعني دامها قالت جذيه معناها معجبة فيني ؟!
شهد : تعرف ليش انت تقول جذيه ؟
علي : أي ادري لان فيه وايد بنات بحياتي
شهد : عفية عليك
علي : ما يندرى يمكن تكون من نصيبي في المستقبل
شهد : آمين يارب العالمين
علي : ........


في بيت أبو عادل

أبو عادل يدخل لغرفة عادل
ابو عادل : عادل ولدي أبيك في موضوع لما تكمل انزلي في الصالة
عادل : إن شاء الله يبه


بعد ما نزل عادل في الصالة
عادل : هلا يبه
ابو عادل : هلا فيك يا ولدي
عادل : تفضل
ابو عادل : انا بصراحة ناوي أكلمك بموضوعين مو بموضوع
عادل : تفضل يبه
ابو عادل : الموضوع الأول ان ابيك تداوم معاي في الشركة بدل منت قاعد في البيت بين النوم والتلفزيون والانترنت يعني ما تشوف الشغل احسن لك ؟
عادل : مادري يا يبه بس انا ما أحب قعده الصبح والالتزام و ما احب الـ ...
ابو عادل يقاطعه : بس يا ولدي انت اذا بتتزوج لازم تشتغل وتصرف على عائلتك وما اعتقد زوجتك بتتقبل هالكلام منك
عادل : صح يا يبه بس كل شي بوقته
ابو عادل : على العموم براحتك
عادل : مشكور يبه .. وشنو الموضوع الثاني ؟
ابو عادل : الزواج
عادل : الزواج !!
ابو عادل : أي شفيك مستغرب ؟
عادل : مادري بس تو الناس
ابو عادل : يا حبيبي انت عمرك 26 سنة يعني مو شي قليل واللي قدك تزوجوا وجابوا عيال وعيالهم الحين في مدارس
عادل : بس انا مو مغصوب اتزوج يا يبة !
ابو عادل : لا يا ولدي انا اتمنى أشوفك متزوج واحضن عيالك ان شاء الله ترى هذي هي سنة الحياة .. انت في وحدة بحياتك ؟!
عادل : لا !
ابو عادل : طيب حلو انت سهلت عليّ طريق طويل
عادل : ..!!!
ابو عادل : شرايك في روان بنت عمك ؟!
عادل : روان !!!!!
ابو عادل : أي روان فيها عيب ؟
عادل : لا يبه بس انا اعتبرها مثل اختي
ابو عادل : انت تعتبرها مثل اختك لانك ما حبيتها وقعدت معاها بس ان شاء الله مع الأيام راح تشوفها حبيبتك وزوجتك وأم عيالك وكل شي
عادل : ...........
ابو عادل : على العموم انت خذ وقتك في التفكير وانا ودي ترتبط فيها لان ما بتلاقي أحسن منها
عادل : ان شاء الله يبه افكر وارد عليك .. تامر على شي بعد
ابو عادل : حياك الله يا ولدي وبارك الله فيك



عادل يروح لغرفة بدر
عادل : شخبارك يا حلو
بدر : تمام وانت شلونك
عادل : مصدوم من الدرجة الأولى
بدر : ليش !
عادل : أبوي قالي أبيك تتزوج
بدر : انزين شفيها ؟
عادل : المشكلة مو في الزواج المشكلة في الزوجة
بدر : ومنو سعيدة الحظ هذي ؟!!
عادل : روان بنت عمك
بدر : معقولة
عادل : شفت شلون
بدر : انزين عادي ما فيها شي
عادل : بس انا اعتبرها مثل اختي وما أفكر فيها كزوجة
بدر : دائماً الشخص يقول جذيه بس مع الأيام راح تتعود عليها
عادل : هههههههه نفس كلام الوالد بالضبط
بدر : انت توكل على الله وان شاء الله بتكون سعيد معاها
عادل : مادري أنا راح أفكر وأشوف
بدر : الله يوفقك
عادل يحب بدر على راسه : ويوفقك يارب ويسلمك
ان شاء الله عجبكم
:) :) :) :) :) :) :)

[مرو]

اليوم التالي :

عادل يروح على غرفة أبوه

عادل : صباح الخير يبة
ابو عادل : هلا والله صباح النور
عادل : شلونك يبه
ابو عادل : تمام .. وانت شخبارك ؟
عادل : الحمد لله .. انزين يبة انت رايح الشركة
ابو عادل : أي نعم .. ليش ؟!
عادل : أنا قررت أداوم معاك
ابو عادل : هههههههه ... بيوم واحد فكرت ؟!
عادل : إي .. صراحة انا بعد مليت من قعده البيت
ابو عادل : براحتك يبة .. يعني اليوم تبي تداوم ؟!
عادل : أي .. ليش مكتبي مو جاهز ؟!
ابو عادل بإبتسامة : لو ما جاهز اعطيك مكتبي
عادل : هههههههههه تسلم يبه .. يلا انا نازل
ابو عادل : اوكي ثواني وأكمل


على مائدة الفطور
ام عادل تدخل الصالة وهي مستغربة
ام عادل : عادل !! شتسوي قاعد
عادل : ههههههه ... صباح النور
ام عادل : صباح الخير .. بس قولي ليش قاعد
عادل : يعني ما تشوفين الكشخة بداوم اليوم مع ابوي
ام عادل : ههههههههههه
عادل : شفيج تضحكين بعد
ام عادل : ولا شي .. بس ترى ما حسبت حسابك على الفطور
عادل : أي عادي انا مو محسوب منكم
ام عادل : ههههههه .. الحين اروح واجهزلك تامرني
عادل : تسلميلي يمه



طلعوا أبو عادل وابنه للشركة
في الطريق
عادل : يبة خلاص اللي تشوفه
ابو عادل : ما فهمت
عادل : على موضوعي انا وروان خلاص انا قررت
ابو عادل : وشنو قرارك ؟!
عادل : اللي تشوفه
ابو عادل : انا يا عادل ما أبي أغصبك على شي انت ما تبيه
عادل : لا يبه انا مو مغصوب ولا شي وبعدين ماكو بحياتي شخص عشان ارفض الزواج
ابو عادل : يصير خير ان شاء الله .. انا اليوم أحاول أكلم بو ناصر
عادل : ان شاء الله


بدر يكلم شهد
بدر : هلا والله بالعسل
شهد : انت شعندك متصل
بدر : هذي بدل ما تقولين صباح النور حبيبي ولا شي تقولين انت شعندك متصل ؟
شهد : صباح النور .. بس انا نايمة الحين
بدر : ادري .. وانا حبيت أقعدج
شهد : انت ليش خبيث ؟
بدر : هههههههههههههههههههههه
شهد : ههههههههه مالت على هالضحكة
بدر : انزين سمعي بقولج شي ما تصدقين
شهد : خير ان شاء الله
بدر : تصدقين عادل بيتزوج روان
شهد : لحظة لحظة !! عادل أخوك ؟! وروان بنت عمي ؟؟!!!!!
بدر : أي
شهد : فكه .. بنفتك من روانوو
بدر : يا شهد هذي بنت عمج
شهد : وانت ليش تدافع لها دائماً ؟
بدر : انا ما دافعت بس عيب تتكلمين عنها
شهد : المهم ومتى هالكلام ؟!
بدر : عادل كلمني أمس وقالي أبوي قالي هالكلام وانا ابيك تداوم معاي بالشغل وابيك تتزوج روان بنت عمي
شهد : اشوه انه ما قاله شهد وقتها شكنت بتسوي ؟
بدر : انتحر شنو أسوي بعد .. وبعدين عادي اقول لأبوي انا احب شهد ومستحيل احد يتزوجها غيري
شهد : يا خوفي من هالمستحيل
بدر : شقصدج ؟!
شهد : ما اقصد شي .. المهم يلا روح بكمل نومي
بدر : لا عاد لا تصيرين دلوعة
شهد : اللي تنام يسمونها دلوعة
بدر : طبعاً دلوعة ايام زمان كانت البنت ما تن..
شهد تقاطعه : خلاص بدر لا تقعد تعطيني محاضرة
بدر : هههههههههه يلا فارقي
شهد : باي يا الدب
بدر : باي يا الدفشه
شهد : انا دفشه يا .... بااااااااااااااي
بدر : ههههههههه بايااات


في بيت أبو ماجد
ماجد : يمه بكلمج بموضوع
ام ماجد : هلا يمه
ماجد : انا أبي أسافر
ام ماجد : شلون يعني تسافر ؟!
ماجد : يعني أسافر .. عمرج ما سمعتي بالسفر ؟!
ام ماجد : امبلى .. بس شنو تسوي ووين تسافر
ماجد : بروح اوروبا
ام ماجد : وليش ان شاء الله لا يكون الديرة مو عاجبتك؟!
ماجد : يمه فيه واحد ما يحب ديرته ؟!
ام ماجد : مادري عنك عيل ليش تبي تسافر ؟!
ماجد : ابي اغير جو
ام ماجد : بس انت راح تبتعد عن اهلك وديرتك
ماجد : ماني مطول كلها سنة بس
ام ماجد : وان شاء الله السنة برآيك قصيرة وتمر بسرعة ؟!
ماجد : يمه انا مليت احس نفسي وحيد في الدنيا ابي اطلع هناك اغير جو واشتغل هناك وانا اكيد راح ازوركم باستمرار
ام ماجد : مادري شقولك سببك مو مقنع شنو يعني انت وحيد انت طفل تبي واحد يدلعك وتلعب معاه
ماجد : ههههههههههههههههه
ام ماجد : انا مو قاعدة اضحك .. انزين لحظة .. انا كم مرة طلبت منك انك تتزوج وكل مرة كنت ترفض الفكرة صح ؟!
ماجد : صح ومو ناكر هالشي
ام ماجد : انت للحين ما نسيتها ؟!
ماجد : يمه انا عشت مع أمل 5 سنوات ومو بسهولة انساها بسرعة
ام ماجد : بس البنت صار لها سنتين وهي متزوجة والسنتين مو قليلة
ماجد : على العموم هذا الموضوع ما يحتاج ندش فيه
ام ماجد : يعني للحين مو ناوي تتزوج ؟!
ماجد : يمه حتى لو أبي أتزوج منو بتكون ؟!
ام ماجد : انا ادورلك وحده
ماجد : .............
ام ماجد : شفيك ما ترد ؟
ماجد : يمه مو وقته هالكلام
ام ماجد : عيل متى وقته ؟ كلها كم شهر وعمرك بيصير 28 سنه !
ماجد : يعني اللي عمره 28 سنه شايب ؟!
ام ماجد : انا ما قلت جذي .. بس اللي قدك تزوجوا وجابوا اكثر من ياهل !
ماجد : الله يوفقهم
ام ماجد : لو الله اخذ عمري ترى انا مو راضيه عليك
ماجد : يمه وبعدين ؟!
ام ماجد : ما ارتاح اذا ما تتزوج
ماجد : ان شاء الله بتزوج ولا يهمج
ام ماجد : احلف
ماجد : شنو قاعد اكذب عليج يعني
ام ماجد : كل شي يطلع منك
ماجد : افاا .. والله بتزوج .. وانتي بتختاريلي اللي تبينها اوكي ؟
ام ماجد : هذا الكلام العدل
ماجد : هههههههه .. يلاا انا طالع
ام ماجد : الله وياك


ابو عادل يكلم ابو ناصر
ابو عادل : السلام عليكم
ابو ناصر : هلا والله وعليكم السلام شلونك ياخوي ؟
ابو عادل : بخير الله يسلمك وانتم شخباركم ؟
ابو ناصر : بخير الحمد لله
ابو عادل : اقول اخوي انت اليوم مشغول العصر ؟!
ابو ناصر : لا ما عندي شي .. ليش ؟
ابو عادل : انا حاب اكلمك بموضوع
ابو ناصر : حياك الله
ابو عادل : يالله أشوفك على خير .. مع السلامة
ابو ناصر : حياك



ابو عادل : يرجع البيت
ابو عادل : عادل ... وينك يا يبه
عادل : انا هني في الصاله يبه تفضل
ابو عادل : شلونك يبه
عادل : بخير الله يسلمك
ابو عادل : انا اليوم كلمت عمك بو ناصر وجهز نفسك ترى اليوم بكلمه بموضوعك انت وروان
عادل : اوكي !
ابو عادل : ساعه 6 خلك جاهز اوكي
عادل : ان شاء الله


عادل يروح لغرفة بدر
عادل : اقولك شي ما تتصوره
بدر : في هالحياه ما في شي مستحيل او ما يخش العقل
عادل : ابوي اليوم بيخطبلي روان
بدر : هههههههه احلف
عادل : والله
بدر : عادل لا تاخذ الموضوع بتفاهه ترى هذي حياتك وبعدين اذا صار شي بينك وبين روان بتتندم
عادل : ما فهمت
بدر : يعني ما أشوفك وايد مهتم بالموضوع ماخذه كأنه نكته
عادل : لاني عادي عندي اذا تزوجت روان او غيرها
بدر : يعني انت ما تحس بأي مشاعر تجاه روان
عادل : انا كنت اعتبرها مثل اختي بس الحين لازم اغير نظرتي فيها لانها بعد ايام بتكون زوجتي يمكن
بدر : الله يوفقكم
عادل : ويوفقك يارب .. شخبار علاجك
بدر : الحمد لله .. الدكتور قالي فيه امل انك تمشي على خفيف الإسبوع الجاي
عادل : الله يسمع منه .. عاد انا ما أبي اتزوج وانت على الكرسي
بدر : ودي أقوم منه اليوم قبل باجر بس شسوي هذي إرادة الله
عادل : ونعم بالله .. يالله انا ماشي .. تامر على شي
بدر : سلامتك يا الغالي


بدر يروح لغرفة ريناد
بدر : مرحبا
ريناد : هلا بدر
بدر : شلونج حبيبتي
ريناد : بخير
بدر : انا حاس انج وايد متغيره هالإسبوع واللي قبله اشصاير ؟!
ريناد : مو متغيره ولا شي ليش انت شايف شي ؟
بدر : اكيد .. لو مو شايف شي ما سألتج
ريناد : لا عادي ماكو شي
بدر : تخشين بعيني يعني ؟!
ريناد : بدر قلت لك ما في شي خلاص
بدر : متأكدة !
ريناد : إي متأكدة
بدر : طيب على راحتج .. اذا حبيتي أساعدج انا موجود في أي لحظة تبينها
ريناد : تسلم


في بيت أبو ناصر
ساعة 3 العصر
محمد يدخل لغرفه روان
محمد : روان ممكن تساعديني
روان : انا كم مره قلت لك تطق الباب قبل لا تدخل
محمد : يلا عاد شنو عندج أسرار يعني ويه ويهج
روان : كلمني عدل ترى بتشوف شي ما شفته انا اختك الكبيرة
محمد : انزين انزين تعالي طقيني بعد
روان تروح وتمسك اذنه : يعني ما أسويها
محمد : خلاص عوفيني عرفنا انج قويه
روان : خير شتبي ؟
محمد : عندي واجب ممكن تساعديني فيه
روان : ومن متى انا احلك واجباتك ؟! كل مرة ناصر اللي يحلك واجباتك
محمد : نصوور طلع
روان : وامك
محمد : رحت لها قالت لي مو فاضيه ابي اطلع
روان : لا حول ولا قوه الا بالله
محمد : ليش ماما ما تحبني ؟!
روان : .....
محمد : اكلمج
روان : ومن قالك انها ماتحبك ؟!
محمد : انا ما قلت ما تحبني هي ما تحبنا كلنا
روان : ماكو ام ما تحب عيالها
محمد : امبلاا فيه
روان : ومن بالله
محمد : امج اول وحده
روان : عيب تقول جذي هذي امك يا غبي المهم يلا روح جيب كتابك
محمد : مشكوره
روان بابتسامه : روح يلا روح
محمد : ما عليه انا مستحملج عشان الواجب بس
روان : هههههههه


ابو ناصر يدخل لروان
ابو ناصر : شلونج يبه
روان : بخير الله يسلمك يبه وانت شخبارك
ابو ناصر : الحمد لله .. اقول روان
روان : هلا
ابو ناصر : اليوم عمج بو عادل عنده موضوع حاب يكلمني فيه بيزورنا اليوم
روان بصيغة تعجب : حياه الله
ابو ناصر : وامج كالعاده راح تطلع ان شاء الله
روان : I think
ابو ناصر : انا ودي اعرف ما تمل من هالطلعات والربع
روان : ما ادري والله يبه .. انزين شالمطلوب مني ؟!
ابو ناصر : انج تكونين موجوده يمكن تقدمين لنا عصير او شي
روان : انزين الخدامه موجوده ؟!
ابو ناصر : ادري انها موجوده بس عمج مو غريب
روان : ان شاء الله
ابو ناصر : هم ساعه 6 ان شاء الله بيوصلون
روان : اوكي
ساعه 5
في بيت أبو ماجد
شهد تدخل لغرفه علي
علي : اوكي بعدين اكلمج .. باي
شهد : الله الله اخوي طلع يحب
علي : ما ادري يعني اذا واحد يكلم وحده يحبها يعني !
شهد : عيل ليش صكيت التليفون ؟!
علي : كيفي
شهد : المهم .. ما رديت علي ؟!
علي : على شنو ؟
شهد : على ريناد ؟
علي : شفيها !!!
شهد : ما تحبها
علي : شهد تراج مللتيني كل ما تشوفيني تقوليلي ما تحب ريناد ترى الحب مو غصب وانا ما اؤمن بالحب
شهد : يعني فيه ملايين قاعدين يحبون الحين هذيلا اغبياء ؟!
علي : أي
شهد : يعني انا غبية ؟!
علي : ليش انتي تحبين
شهد : ولا يكون الحب عيب ولا حرام ؟!
علي : ومنو ان شاء الله تحبينه
شهد : مو شغلك .. المهم يا علاوي انا ودي ريناد تكون زوجتك لان عمرك ما بتلاقي احلى واحسن منها
علي : انا ما انكر انها حلوة لكن مو لازم اتزوجها
شهد : يعني انت تحب وحده غير ريناد
علي : قلت لج لا شنو انا اخاف منج يعني
شهد : المهم انا خلاص ما بكلمك في هالموضوع مره ثانيه لانك مللتني
علي : احسن
شهد : بس اتمنى انك تفهم مشاعر ريناد تجاهك
علي : شقصدج يعني
شهد : افهمها بروحك عاد .. سي يووو
علي : تعالي لحظة
شهد راحت وما عطته ويه
علي : مالت عليها



الساعة 6 ونص العصر
بيت أبو ناصر
ابو ناصر : ما ادري والله شقولك يا اخوي
ابو عادل : شنو بتقولي يعني ؟ يا أي يا لا !
ابو ناصر : انا اكيد اتشرف فيك وعلى الأقل ماخاف على مستقبل بنتي مع عادل بس لازم اخذ رأي البنت
ابو عادل : أكيد طبعاً هذا لا بد منه
تدخل روان للصالة وتقدم العصير
روان : السلام عليكم
الكل : وعليكم السلام
روان تحب راس عمها : شلونك عمي
ابو عادل : بخير الله يسلمج وانتي شلونج ؟!
روان : تمام ... شلونك عادل
عادل بخجل واضح : بخير الحمد لله وانتي
روان : ماشي الحال .. تامرون شي ثاني
ابو ناصر : مشكوره روان


روان تصعد لغرفتها
روان بقلبها : فديته والله عدووول شكله وايد متغير وصاير أحلى بس يا ليت اخوه قلبه طيب مثله


في بيت أبو ماجد

علي يدخل غرفه شهد
علي : هاااي
شهد : اهلين
علي : شفيج زعلانه
شهد : ومنو قالك زعلانه ؟!
علي : ليش عبالج ما اعرف ؟
شهد : انا مو زعلانه بس زعلانه
علي : هههههههه
شهد : انا ودي ريناد تكون من نصيبك
علي : يا شهد كل شي بالنصيب يمكن انا احبها ويمكن اموت ويمكن هي تموت ويمكن يصير شي يمنعنا كل شي متوقع بهالحياه
شهد : على كلامك محد بيتزوج
علي : انا ما قلت جذي بس انا ما احس بأي حب تجاها
شهد : والله تعبت .. كل مره اقول ما اكلمك بهالموضوع وما اقدر اوفي بوعدي
علي : على العموم عطيني رقم ريناد
شهد : بل !! شتبي فيه
علي : وانتي شعليج .. عطيني رقمها
شهد : ما اعطيك ليما تقولي
علي : شهد
شهد : علاااوي لاوي لاوي
علي : ما عليج انتي عطينياه وبعدين بتعرفين
شهد : ما
علي : والله بزعل عليج
شهد : ما ما ما
علي : مالت عليج قلت لج عطيني
شهد : انزين بس لازم اعرف
شهد عطته الرقم : يلااا فارج
علي : مشكوره


علي يدق على ريناد
ريناد : الووو
علي : السلام عليكم
ريناد : وعليكم السلام .. منو معاي ؟!
علي : أفا ما عرفتيني يعني ؟!
ريناد : سوري بس منو ؟
علي : انا علي
ريناد : اهلين علاوي شلونك
علي يستغرب من كلمة علاوي : شلونج ريناد
ريناد : بخير الله يسلمك .. وانت شخبارك
علي : ماشي الحمد لله .. وشلون الدراسه ؟!
ريناد : تمام .. وانت ؟
علي : الحمد لله .. اقول ريناد
ريناد : هلا
علي : انتي عندج إيميل ؟
ريناد : يس
علي : اوكي بعطيج ايميلي ممكن تسويلي آد ؟!
ريناد : اوكي



سوت ريناد إضافة لعلي
ريناد : هااي
علي : هلا والله
ريناد : هههههههههههههه
علي : اشفيج تضحكين
ريناد : انزين شدراك ان قلبك طيب ؟!
علي : ما فهمت
ريناد : نك نيمك ( قلبي طيب ) شدراك ان قلبك طيب
علي : ههههههههه تدرين ما انتبهت صارله زمان هالنك
ريناد : وشخبارك بعد
علي : تماموو .. المهم ريناد انا عندي بروجكت لازم اسمله بعد اسبوع كـحد أقصــى عن الكمبيوتر والحاسبات فبما انج في هالقسم أبيج تساعديني
ريناد : من عيوني
علي : فديتج والله تسلمين
ريناد (فديتج)!! : الله يسلمك .. يلا انا اروح الحين
علي : اوكي .. ثانكس ريناد
ريناد : بااي


في بيت أبو ناصر
ابو ناصر يكلم روان
ابو ناصر : روان
روان : هلا يبه
ابو ناصر : اليوم عمج طلب إيدج لعادل
روان بصدمه واستغراب وتعجب ... : شنو ؟!!!
ابو ناصر : شفيج مستغربه
روان : يبه عيد اللي قلته ؟!
ابو ناصر : عادل يبي يتزوجج
روان : عادل ولد عمي ؟!!!!
ابو ناصر : عيل فيه غيره يعني ؟!
روان : ما ادري بس استغربت
ابو ناصـر : ما يحتاج تستغربين .. على العموم انا قلت له بشوف رأي روان .. شنو رايج
روان : طبعاً لا يبه .. عادل اعتبره مثل ناصر حتى قبل شوي بقلبه قلت فديته يهبل صاير
ابو ناصر : من كلامج معناها انج تحبيه
روان : احبه نفس اخوي مو شي ثاني
ابو ناصر : هذا الكلام تقوليه الحين بعدين بتتعودين عليه وراح تحبينه وتقوليله هالعباره بنفسج
روان : هههههههههههه
ابو ناصر : على العموم يبه اخذي راحتج بالتفكير ورديلي قرارج
روان : يبه انت من صجك تتكلم ؟
ابو ناصر : لا أمزح وياج .. شرايج ؟!
روان : يبه انا ما افكر بالزواج أصلاً
ابو ناصر : مو على كيفج انتي .. لما كنتي صغيره وعمج حاط عينه عليج ويقولي ما بتكون إلاّ لولدي عادل
روان : يعني غصب الزواج
ابو ناصر : أي غصب وانا عطيته كلمه لعمج
روان : يبه لا تكون قاسي
ابو ناصر : انا مو قاسي وهذي مصلحتج
روان : يبه
ابو ناصر : على العموم فكري عدل وبتعرفين مصلحتج وين .... سلااام
روان : ..........


روان ضلت منصدمه من الكلام اللي قاله أبوها


بيت أبو ماجد
ماجد يدخل لغرفة شهد
ماجد : اقول شهد
شهد : بسم الله .. يطقون الباب أول
ماجد : ههههههه سوري .. اقول
شهد : قول
ماجد : انتي مو قلتي قبل اسبوع تقريباً أبي هدية لعيد ميلادي ؟!
شهد : أي
ماجد : انزين متى هالميلاد السعيد
شهد : هههههههههههههههه
ماجد : والله
شهد : بعد شهر وشوي تقريباً
ماجد ما قدر يمسك نفسه من الضحك : هههههههههههههههههههههههههههههههههههههه
شهد : اشفيك تضحك بعد
ماجد : هههههههههههههههههه
شهد : اشفيييييك
ماجد : ههههههههههههههههه
شهد : مللتني انت قولي شفيك تضحك
ماجد : اه ياربي ماني قادر امسك نفسي والله من الضحك .. عيل اشفيج مستعيله وتقولين عيد ميلادي جيبولي هدايا ههههههههههه
شهد : أي لاني أبي أضمن الهدايا وانت ما يبتلي هديه السنه اللي راحت
ماجد : ههههههههه إلاّ كم بيصير عمرج يعني ؟
شهد : لااااا .. انت رايحه عليك كلش فيه اخ ما يعرف عمر اخته
ماجد : اظن والله اعلم 20 صح
شهد : شطوووووووووووووور
ماجد : امي قاعده تحن علي
شهد : وليش بالله
ماجد : تبيني أتزوج
شهد : انزين شفيها
ماجد : شنو شفيها ما عندي وحده احبها
شهد : يعني انا ما تحبني
ماجد : ههههههه يا الخبله اقصد ماكو وحده اعيش معها الحب الرومنسي
شهد : نعم نعم قال الرومنسي
ماجد : هههههههه انزين قوليلي شسوي
شهد : ما تسوي شي تزوج وخلاص قريب عمرك بيصير 30 وما تبي تتزوج
ماجد : زين شفيها
شهد : وشفيها لو تزوجت ؟!
ماجد : ما فيها شي
شهد : خلاص عيل
ماجد : بس تعرفين انا كنت احب امـــ...
شهد تقاطعه : خلاص عاد انت مو ناوي تنساها .. تلاقي الحين ولدها الصغير قدي
ماجد : ههههههههه
شهد : تزوج ترى فيه وايد ناس يتمنون يتزوجون
ماجد : وان شاء الله انتي مثلهم
شهد : يس
ماجد : شنو !
شهد : عيب ولا حرام البنت تتزوج
ماجد : انا ما قلت جذي بعدين تعالي منو اللي تحبيه
شهد : مع الأيام راح تعرف
ماجد : اهااا .. على العموم الله يوفقج
شهد : وانت بعد




شهد تكلم بدر
شهد : مالت عليك
بدر : ههههههههه ليش
شهد : والله وحشتني يا القاطع صاير لا تسأل ولا شي
بدر : لان لو تعرفين راح تعذريني
شهد : ما فهمت
بدر : انا فكرت امس وقلت انا ما بصلحلج
شهد : ليش !
بدر : محد يضمن ان راح أقدر امشي من جديد
شهد : يا بدر
بدر يقاطعها : شهد بليييز
شهد بعصبية : مثل ما انت كملت كلامك انا بعد أبي أتكلم .. بدر انت لا سمح الله مو مشلول علشان تقولي ما اضمن اني امشي على رجلي مره ثانيه هو مجرد كسر وان شاء الله حالتك تتحسن وانت بنفسك تقول الدكتور قالي هالإسبوع فيه أمل انك تمشي
بدر : بس الأمل ممكن يكون ضعيف
شهد : ولو .. هذي إراده ربك وانت لازم ترضى فيها
بدر : ونعم بالله .. بس يا شهد
شهد : لا بس ولا شي خلاص اسكت وغير هالموضوع التافه .. انت شلون تفكر بهالطريقة اصلاً .. مالت عليك بس بعد احبك
بدر : هههههههههههههههههههههههههههه
شهد : اشفيك تضحك
بدر : ههههههههههههههههههههههههه
شهد : وجع ان شاء الله قولي عاد شفيك
بدر : قدرت اخليج تنفعلين وتتعصبين
شهد : مو فاهمه يعني شنو ؟!
بدر : يعني يا الغبيه انا الحين صرت شوي أقدر أتحرك
شهد : .........
بدر : شهد شفيج ساكته
شهد : انت كذاب وانت .....
بدر : شهد شفيج
شهد : ترى انا للحين مو قادره افهمك
بدر : تبيني اييج البيت ؟
شهد : بدر قولي الصج
بدر : والله العظيم قمت امشي شوي واذا مو مصدقه بتصلج الحين video call واخليج تشوفيني اوكي
شهد بفرحه : اوووووووووووووووووكي



اتصل بدر بشهد وخلاها تشوفه وهو يمشي بس على بطيء وفرحت واااااااايد

شهد راحت تركض لغرفة علي

شهد : علاااااااااااااااوي علااااااااااااااااااااااااااوي
علي : بسم الله خرعتيني شفيج
شهد : علي بدرررررررررر مشى
علي : ؟؟؟!! ما فهمت ؟؟؟!!
شهد : بدر رجع يمشي على رجله
علي : صج والله .. الحمد لله .. انزين انتي شدراج !
شهد ارتبكت : هااا .. أي ريناد قالتلي
علي : وأشوفج وايد فرحانه
شهد : مو من حقي أفرح لولد عمي
علي : امبلا من حقج .. انزين بروح اكلمه
شهد : اوكي

[مرو]

الجزء السادس

بعد مرور إسبوع تقريباً

يوم الخميس

الكل متجمع عند بيت ابو عادل

في الحديقة

البنات متجمعين وقاعدين يسولفون

شهد : ترى انا قاعده احضر حق عيد ميلادي يعني شوي ساعدوني
ريناد : هههههههه أي صج تدرين انا نسيت اسوي عيد ميلادي
شهد : هههههههه احسن مو لازم كل شخص يسوي عيد ميلاد
ريناد : لا والله .. وانتي شنو تسوين عيد ميلاد ؟ اصلاً انتي وين والعيد ميلاد وين ؟
شهد : ههههههههههه بس سكتي ما ابي اتهاوش مالي خلق

طبعاً روان بهالوقت ساكته ما تقول شي وفي بالها عادل بس وما تدري شنو تسوي عشان تتخلص من موضوع زواجها منه

روان : اقول بنات
شهد وريناد : هلا
روان : تدرون إني بتزوج ؟
ريناد : انا بالنسبة لي ادري
شهد : امممم .. وشنو قررتي ؟
روان : صدمة
ريناد : شنو صدمه يعني اخوي مو عاجبج ؟
روان : اول شي عدلي اسلوبج معاي .. انا ما قلت جذي .. بس انا اعتبر عادل مثل اخوي
شهد : وييي على البنات .. لازم تقولين جذي بالاول .. شوفي حبيبتي .. انا لما كنت صغيره كنت العب مع بدر وكنت اعتبره الصديق والاخ .. وشوفي الحين حالنا .. هو يحبني وانا احبه
روان بـ قلبها ( اف .. ما ابي اتذكر بدر .. ابي انساااه ) : امممممم
ريناد : انا ما اقدر اغصبج وما اقدر افيد اخوي واضر بنت عمي .. القرار لج بالأول والأخير

يقطع عليهم الحديث الشباااب

عادل : سلااااااااااام
البنات : وعليكم السلام
بدر : قلنا نخليكم تستانسون معانّا شوي
روان : أي صج بدر حمد لله على سلامتك
بدر : الله يسلمج يا بنت عمي
علي : اقوول .. شرايكم نطلع ؟
ريناد : وييين ؟؟
ناصر : امممم .. أي مكان .. انا عاجبني نروح لـ الحديقه المائية شرايكم ؟
شهد : الجو حر وما يشجع
ماجد : يلا عااد .. يعني باقي الايام الجو بيكون حلو وبارد ؟
روان : لا يا حســره .. امم يلا خلونا نروح .. نغير جو بعد
واتفقوا ان يروحون بعد ما خبروا اهلهم

في مجلس أبو عادل

أبو عادل : ها يا بو ناصر ما رديت علي ؟
ابو ناصر : والله انا كلمت البنت ياخوي وقالت بترد لي خبر
ابو عادل : خير ان شاء الله ...


في الحديقة المائية

شهد : اف روان يلا عاد كلنا بنركب السفينه إلاّ انتي ؟
عادل : لا مو بس هي انا بعد ما احب اركبها
ماجد : ههههههه خلكم بروحكم عيل .. احنا رايحين

روان بقمة الخجل لان راح تضل مع عادل

عادل : اممم .. للحين تفكرين ؟
روان : في شنو ؟
عادل : تسوين نفسج ما تعرفين
روان : والله ما اعرف
عادل : موضوع زواجنا
روان : .....
عادل : روان شفيج اكلمج انا
روان : انا اصلاً نسيت الموضوع ولا فكرت فيه
عادل : مشكوره عيل
روان : سوري عادل بس ما اقدر اتخيل إن آنا زوجتك
عادل : انتي في بالج شخص معين تبين تتزوجينه ؟
روان خافت لا يكون عرفت من بدر : لا
عادل : لو فيه قوليلي وخليني اسحب نفسي من حياتج
روان : عادل لا تحن قلت لك ما فيه .. وموضوع زواجنا انساه .. انت مثل اخوي
عادل : هذا الحين .. بس لما نتزوج يتغير كل شي
روان : .....
عادل : شفتي انتي ما عندج سبب عشان ترفضيني
روان : افف .. عادل انا يايه هني عشان استانس مو عشان افكر بموضوع صعب ويقرر مصير حياتي
عادل : زين خلاص .. شرايج نروح نشتري بوب كورن
روان : اممم .. اوكي


بالسفينه
ريناد : انا قلت المفروض ما اركبها بس مادري شاللي خلاني آيي معااكم
علي عيونه على ريناد وما وده ينزلها

ويمشون بالحدايق
علي : ريناد شنو سويتي على البحث ؟
ريناد : قريب بخلصه لك ان شاء الله وبطرشه على الإيميل
علي : كلج ذوق ما تقصرين والله
ريناد : افا عليك بس
علي : نردها لج في عرسج ان شاء الله
الكل : هههههههههههه

ويردون حق روان وعادل
شهد : الله شريتوا بوب كورن ولا قلتوا
روان : اشدعوه روحو اشتروا انتوا ما تعرفون
بدر وهو يناظر شهد : انا عاجبني اشتري كاكو منو يبي
شهد : اكييييييد انا
بدر : ههههههه انزين

شهد كانت بقمة سعادتها لان بدر الحمد لله تحسنت حالته وقدر يمشي من الأول بعد ما فقدت الامل انه يرجع يمشي بس مافي شي بعيد عن رب العالمين .

بعد مرور كم ساعة

روان حست ان عادل متضايق منها بس بنفس الوقت ما كنت حابه تفتح السيره هذي الحين وتحس ان موضوع اصلاً ما يحتاج انه تفكر فيه


روان : تدرون ، خاطري اصعد بالجوكر .
ريناد : ويييييع ،، والله مستحيل اركب اي لعبه بعد خلاص احس اني دايخه
عادل كان يبي بعد يركب الجوكر بس ما حب ان يبين لروان انه لازق فيها
محد رضى طبعاً انه يروح مع روان
عادل : انا احبها بس مالي مزاج اركبها
روان : يلا عادل بلييز
عادل حب يقهرها : قلت لج مزاجي ما يسمح سوري
روان ودها تنفجر : خلاص ما ابي اصعد ، مالت عليكم وعلى اللي يطلع معاكم بعد
الكل : هههههههه

بدر رجع وهو رايح لشهد : ترى جبت وايد واختاري اللي تحبيه
شهد وتناظر الكاكوات اللي بيده : جالكسي اكيد مايبيله كلام .
روان وهي مقهورة وتقول بقلبها : حظج يا شهد بتاخذين شخص تحبينه ويحبج ، مو مثل حظي شكلي باخذ واحد وبنغصب عليه وبتصير حياتي كلها نكد وهم وغم وحزن .
سرحت روان وتفكر شلون حياتها بتكون مع عادل ؟؟؟ هل راح تقدر تتأقلم معاه ولا حياتهم تنتهي بسرعة وما يكون بينهم أي نوع من التفاهم والمودة والإحترام .

ناصر حس انه اخته متضايقه فحب يروح يمها ويكلمها بهمس : شفيج روانوو ؟ من صجج زعلتي انتي ؟
روان : اي صج زعلت ، شنو هذي محد يبي يركب معاي اللعبه
ناصر : يه ،، شفيج روان ؟ انتي مو يهالوو عشان لازم تركبين
روان : خلاص سكر السالفه

***

ابو ناصر : لا تخاف ياخوي ان شاء الله اول ما ترجع روان راح اكلمها بخصوص زواجها من عادل وما يكون بخاطرك إلا طيب
ابو عادل : تسلم لي ، يا ليت نعجل في الموضوع شوي خير البر عاجله .. وعادل وروان ما ينقصهم شي
ابو ناصر : ان شاء الله خير


***

راجعين الشباب والبنات من الحديقه المائية إلا تلفون شهد يرن ويوصلها مسج من ( حبيبي ) :
( شهد ، ما اقدر اوصف لج سعادتي اليوم ، صج استانست ، الله لا يحرمني منج ، ويا ليت نعجل بالزواج ما اقدر اتحمل اكثر .. حبيبج )

شهد تبتسم وترد عليه تبي تقهره :
( امم ،، انا مو وايد استانست عادي )

بدر انصدم ، معقولة رد شهد يكون جذي !!
رد عليها :
( خلني اوصل للبيت واعلمج منو بدر )

شهد ضحكت وما ردت عليه

بعد مرور يومين

في بيت ابو ناصر

ابو ناصر يطق باب غرفة روان : روان يبه وينج ؟
روان : تفضل يبه كاني موجوده
روان تقوم من الكمبيوتر : امر يبه ؟؟
ابو ناصر : ما رديتي علي بخصوص موضوع عادل ؟
روان بقلبها ( افف ،، ياربي شلون اطلع من هالسالفه ) : يبه بقولك رايي من الآخر بدون لف ولا دوران .
ابو ناصر : قولي ؟؟
روان خايفه : ما ابيه
ابو ناصر : نعم نعم ؟؟ شنو ما تبيه ؟ قولي غيرها .. وانتي مستحيل تاخذين غير عادل .
روان : يبه بلييز ...
ابو ناصر يقاطعها وبعصبية : انتي شفيج هبله ؟ نسيتي يوم فلست ومحد وقف معاي غير ابو عادل ؟ والحين الحمد لله رجعت مثل اول وشركتي ماشيه تمام ، واقل شي اقدر اقدمه لبو عادل هو انتي .
روان بتلقائية : يعني انا مثل الجميل اللي تبي ترده لعمي .. حرام عليك يبه انا ما احب عادل
ابو ناصر : شوفي روان ، انتي مو ياهل عشان تقولين وتخربطين في الكلام .. ليش ما تبين عادل ؟
روان : يبه انا مو ما ابيه بس ما احس بأي شعور تجاهه ،، يبه خلاص انا ما ابيه
ابو ناصر : مستحيل اقدر ارد اخوي ابو عادل واذا ما تبينه مو لازم المهم تتزوجينه غصب عنج فاهمه
روان تبي تصيح : يبه انت ليش تبي تظلمني ؟ شنو سويتلك انا
ابو ناصر : لا تقعدين تتدلعين .. انا خلاص باجر برد على ابو عادل واقوله حياكم
روان : مشكور يبه .. ما بسامحك طول عمري
ابو ناصر بعصبية : انتي شقااعده تقولين ؟ الأبو يسامح بنته ولا البنت تسامح ابوها ؟
روان : ............
روان ردت بعدين بعصبية : خلاص يبه زوجني انا اصلاً خلاص الحين صرت جسد بلا روح زوجني يلا
ابو ناصر : تعالي طقيني بعد
روان : ..............
ابو ناصر قام يبي يطلع منها : انا طالع ، ومثل ما قلت لج باجر ان شاء الله برد على عمج .. بس صدقيني يا روان انا ما ابي إلا مصلحتج ومصلحتج راح تكون مع عادل .


***

بعد مرور إسبوع :

ابو ناصر بلغ اخوه ابو عادل بانه موافقين ، عادل فرح بس حس ان روان مغصوبه .. صارت بينهم حفلة خطوبة صغيرة رسمية بين العائلة

روان بغرفتها تكلم نفسها : ياربي والله بموت ، انا ليش وافقت ! شلون بعت بدر بهالسهوله ؟ ليش اعيش مع عادل ؟؟ وشلون راح اقعد معاه واخوه معانا بعد ؟! خلاص .. أنا متأكده ان حياتي تدمرت وكل شي فيني انتهى .. حسبي الله ونعم الوكيل .. والله بخلي يومك اسود يا عادل

يقطع كلامها تلفونها
روان ما حبت ترد عليه ، بس :
روان بدون نفس : هلا
عادل : هلا والله
روان : نعم ؟؟
عادل : روان شفيج ؟ احد يكلم خطيبه بهالشكل ؟
روان : والله هذا انا ، اعجبك خير ما اعجبك كيفك
عادل : روان انتي تكرهيني صح ؟
روان : .........
عادل حب يغيّر السالفة : على العموم ترى حضري نفسج حق الملكه بعد شهرين ان شاء الله
روان : خير ان شاء الله ؟ وانت منو قالك اني موافقة
عادل حب يقهرها اكثر : غصبن عنج توافقين
روان : هي انت لو سمحت احترم شوي
عادل : ليش يعني متى تبيها ان شاء الله ؟
روان : خلها بعد رمضان
عادل : مستحييل شنو بعد رمضان .. احنا تونا بشهر 7 وباقي على رمضان شهرين ونص تقريباً .. وانا وحيد واحس حالي لا شيء بدونج عمري
روان : ........
عادل : روان شفيج ردي .. ترى هذي مشاعر واحاسيس
روان لا ارادياً : هههههههههههههههههه
عادل : فديت هالضحكه والله
روان : هي انت ترى عطيتك ويه وايد اليوم ،، يلا روح خلاص موافقه روح عساني افتك منك
عادل : ان شاء الله نتزوج واموت بحادث بسيارتي وتصيرين ارمله وتفتكين مني .
روان بعصبية : انت شقاعد تخربط ؟ والله لو سمعت هالكلام مره ثانيه منك بتشوف شي عمرك ما شفته ؟
عادل ما حب يزعجها : خلاص انا اسف ، اكلمج بعدين .. مع السلامة
روان ما ردت وصكته على طول وقعدت تفكر .. شنو هذا الغبي اللي من بعد خطوبتهم قاعد يدعي لها ان تكون ارمله .. لا يارب ما يصير هالشي !!!

***

في اليوم الثاني

شهد تصحى على صوت التلفون المزعج
ما انتبهت للمكالمه بس اللي عرفته انها من بدر
شهد : يا بدر ما عندك وقت تتصل فيه الا الصبح
شهد انصدمت لانها شافت صوره بدر وعرفت انها video call عاد بدر مات عليها من الضحك لان شكلها معفس وشعرها خرابيط صاير وعفسه من فوق لي تحت هههههههه
شهد : صج تافه
وصكته بويهه
بدر : هههههههههههههه حتى وانتي نايمه تهبلين يا شهووده !

***

ريناد : هلا والله
روان : هلا فيج ريناد شخبارج ؟
ريناد : بخير الحمد لله .. غريبه اليوم شعندج داقه
روان : خلاص مع السلامه
ريناد : افاا يا مرت اخوي
عادل كان مار من الصاله وسمع مرت اخوي وعرف انه ريناد تقصد روان
روان : عاد ابيج في سالفه خطيره حدها
ريناد : احب السالفات الخطيره ،، قولي يلاا
عادل يقعد يم ريناد : سلمي عليها
ريناد : ترى عادل لازق فيني يقولي سلمي عليها
روان : ما ابيه ولا احبه قوليله خله يروح عندي موضوع معاج وبلا لقافه زايده منه
ريناد : سمعت الحين ؟ يلا قوم عاد تبيني بسالفه خاصه
عادل : ما بقوم عناد
ريناد : خلاص خلك انا رايحه غرفتي
عادل انقهر وقال لها : مالت عليج انتي وروان .
روان سمعته بس ما كانت تبي ترد وما كانت تبي مشاكل .
روان : اشوه ،، افتكينا .. المهم رينادووه سمعيني
ريناد : هلا
روان : تعرفين انا الملكه على اخوج بعد شهر ونص تقريباً
ريناد : سوو ؟؟
روان : ابي اسافر اي مكان عشان اجهز .. وابيج معاي
ريناد : وااااااااااااااو ونااسه بساافر ... انزين بروحنا ؟
روان : سؤال غبي .. ما يبيله كلام .. اكيد مع اخوج
ريناد : هههههههههه مالت عليج محترمتج عشان انج مرت اخوي بس
روان : المهم .. شنو قلتي ؟
ريناد : ما عندي أي مانع .. بس وين تبين تروح ؟
روان : اممم .. ما نبي نروح بعيد .. انا خاطري لبنان .. بس اتوقع انك اخوج ما راح يرضى .. بس اذا ما رضى نروح الشرقيه او دبي او الكويت .. ما ادري بس المهم ابي اشياء حلوه لان الاشياء اللي في البحرين الحين مو وايد عاجبتني
ريناد : امممممممممم .. خلاص عيل شوفي مع اخوي وانا ما عندي مانع معاج اني وير
روان : زين الحين بكلمه رغم اني ما اطيق اسمع صوته
ريناد : هههههههههههه روان انتي ليش جذي مع اخوي ؟
روان بمزاج : بس .. على حسب برستيجي الخاص
ريناد : ههههههههههههه قالت برستيج قالت .. يلا عمه باايوو
روان : بااي ^ __ ^


***
عادل بدون نفس : زعلان وما ابيج
روان : لا والله احلف ؟ يعني الحين انا اللي ابيك
عادل : .........
روان : المهم كنت بقول لك ان ابي اسافر معاك انت واختك
عادل : وين ان شاء الله وليش ومتى ؟
روان : شوي شوي علي شفيك داخل تحقيق انت .. عشان اجهز حق الملكه وابي اروح لبنان ويا ليت الاسبوع الجاي
عادل : وليش لبنان في الذات ؟
روان : خاطري فيها وانواع الموضه هنااك
عادل : نو وي ..!
روان : اشفيك عادل ؟
عادل : عادي ما فيني شي !
روان : ليش لا ؟
عادل : اللي موجود في البحرين حلو وما يحتاج تسافرين
روان : عادل انت ريال .. يعني انت غير عني .. بلييز
عادل : نو وي روان
روان : عادل تكفى طلبتك
عادل : قلت لا يعني لا
روان : خلاص انا اللي غلطانه اني دقيت عليك .. بااي
عادل كان يبي يرد بس ما عطته فرصه

***


علي يرد على التلفون : هلا والله
ريناد بخجل : شلونك علي
علي : بخير الله يسلمج انتي شخبارج
ريناد : الحمد لله تمام .. امم كنت بقولك
علي : هلا
ريناد : البروجكت مالك كملته بس المسنجر مادري شفيه ما يشبك .. فشلون تاخذه مني الحين ؟
علي : خلاص انا العصر راح ايي وخلي الخدامه تطلعه لي
ريناد : اوكي
علي : تسلميلي بعد عمري والله تعبتج معاي
ريناد : لا عادي .. تامرني على شي
علي : مشكووره والله
ريناد : يلاا باي
علي : بايات

ريناد استغربت من كلمة يا عمري بس علي طبعه جذي مع الكل يعني مو بس لريناد

***

عادل حاول اكثر من مره انه يدق على روان بس للأسف ما ترد عليه
بالاخير قالت امري لله خلني ارد
روان : نعم ؟
عادل : رواانو يا الهبله خلاص انا اسف والله ماكان قصدي ازعلج
روان : خير شتبي الحين ؟
عادل : كيفج ما تبين تروحين لبنان ؟
روان : لا ما ابي
عادل : خلاص كيفج يلا باي
روان : ........
عادل : شفيج روان ؟
روان : انت اللي شفيك معاي ؟
عادل : انتي ذبحتيني
روان : وانت اكثر
عادل : انزين ليش لبنان بالذات ؟ انا عندي لج مكان رووعه فيه كل شي تبينه
روان مالها خلق : وين ؟
عادل : قلبي
روان : مو وقته هالسوالف عادل .. موافق ولا لا
عادل : انتي كلش مو مال كلام رومنسي
روان : عشان تعرف بس اني ..
عادل : ادري .. انتي كل يوم تجيبيلي هالسيره ؟ خلاص فهمت انج ماخذتني غصب
روان : عادل شفيك انا مو قصدي اقولك جذي ؟ كنت بقول انـ ...
عادل يقاطعها : خلاص روان .. متى تبين تروحين لبنان
روان بفرحه : يا سلااااااااام .. خذني ع بلااد التلج .. خذني ع لبنان
عادل : حبيبتي شفيج مافي ثلج الحين ؟
روان : ادري بس اغني .. ما يصير ؟
عادل : إلا يصير ومليون يصير .. انزين متى تبين تروحين ؟
روان : قلت لك يا ليت الاسبوع الياي عشان يمديني وقت هناك وما استعيل
عادل : خلاص خير ان شاء الله
روان : تسلم عادل ما تقصر
عادل لا ارادياً : بعد عمري انت تامرين وانا انفذ
روان : مشكوور .. يلا بنزل اكلم امي .. بااي
عادل : بااي


هل راح تكون علاقة روان بـ عادل علاقة مميزة ؟

وبدر وشهد ؟ شنو اللي ممكن يهدد مصيرهم ؟
الجزء السابع



بدر : شهد اشفيج ؟
شهد : مادري !
بدر : شنو مادري ؟ نبرة صوتج فيها شي
شهد : لا ما فيها شي
بدر : امممممم .. مادري عنج والله
شهد : .......
بدر : شهد ليش تغيرتي علي ؟
شهد : أنا !!!
بدر : لا أمي
شهد : ما تغيرت ولا شي
بدر : الله الله .. كل هالجفا وتقوليلي ما تغيرت !
شهد : بدر .. ممكن تغير السالفة ؟ تعبانة شوي
بدر : خلاص .. اكلمج بعدين
شهد : بـاا ..
بدر يقاطعها : بس لما تكلميني مره ثانية عدلي اسلوبج شوي
شهد بإندهاش : انااا ...
قطع الاتصال عليها من دون ما ترد





بيت أبو ناصر

ام ناصر مستغربة : وليش بالله ؟
روان : يمه شنو ليش ؟ حابه اغير جو والبضاعه اللي هني مو شي هالأيام
ام ناصر : ما قلنا شي .. بس روحي جهزي للعرس مو للملكة !
روان : ليش يعني الملكة أي شي ؟!
ام ناصر : انا ما قلت جذي .. بـس ..
روان تقاطعها : يمه .. ليش معارضه طيب ؟
ام ناصر : اول شي للحين عادل خطيبج يعني بعد ما صار شي بينج وبينه عشان تسافرين معاه .. شنو يقولون علينا النـا ..
تقاطعها روان : يمه شفيج الله يسلمج ؟ اول شي بنتج واثقة وما يهمها كلام الناس .. وثاني شي .. انا ما راح اسافر وحدي انا وعادل . . راح اخذ معاي ريناد .. يعني لا تخافين ما راح يجمعنا هناك شي !
ام ناصر : الصراحة انا مو موافقة .. اذا تبين اروح معاج الشرقية ولا الكويت ولا دبي .. بس لبنان ما تروحين وحدج
روان : يمه شفيج ترى انا عمري 20 مو بزر
ام ناصر : ادري ..
روان : اف يمه .. وانا توقعت راح توافقين .. اصلاً توني كلمت عادل وقلت له
ام ناصر : محد قايل لج تكلمينه وانتي للحين مو قايله لأمج
روان : يمه اول مره تكونين قاسيه معاي جذي
ام ناصر : عشان مصلحتج
روان : مصلحتي اني اطلع حلوه بالملكه والبس شي ستايل .. ومصلحتي اني اروح لبنان طيب ؟
ام ناصر : مالي شغل انا .. قولي لأبوج وناصر
روان : يمه انتي شفيج ؟ ناصر اصلاً ما يدري عن نفسه .. اكثر الاوقات مسافر وقليل نشوفه
ام ناصر : خلاص طيب ابوج راد من الشغل الحين كلميه وقوليله
روان : انتي تعرفين ان ابوي يوافق على أي شي انتي موافقة فيه
ام ناصر : بس عاد روان عورتي راسي .. خلاص انا راح اقوله لما يرجع
روان تبوس راس امها : الله يحفظج لي .. كلها شهرين او ثلاث وما تشوفين رقعه ويهي بالبيت
ام ناصر : ان شاء الله
روان : افاااااا يمه
ام ناصر : روحي بس يلا
روان : ان شاء الله



شهد : الله الله .. يا الحيوانه بتروحين لبنان وتهديني هني!
ريناد : وجع ان شاء الله لا تغلطين اول شي .. وثاني شي .. انا رايحه مع مرت اخوي
شهد : الله ،، بهالسرعه صارت مرت اخوج .. المهم ما علينا .. وين تروحون وليش ومتى وشنو تسوون ؟
ريناد : شوي شوي علينا خلنا نجاوب
شهد : ههههههه قولي يلا
ريناد : بنروح انا وعادل ومرته .. تبي تجهز حق ملكتها من هناك .. كلمتني وقالت لي ابيج معاي
شهد : يعني أنا ما أسوى شي !!
ريناد : انتي شفيج غبية .. هي تبيني معاها لاني اخت زوجها .. تبينها تاخذج وكلكم اغراب هناك ؟!
شهد : تصدقين فاتتني هههههه
ريناد : مالت .. انزين شنو تسوين ؟
شهد : ما يصير آيي معاكم ؟
ريناد : نعم !!
شهد : شنو نعم ؟ يصير اروح معاكم ؟!
ريناد : شنو رايحين ألعاب احنا
شهد : انزين شفيها ؟؟ ما تبيني يعني ؟
ريناد : لا ابيج بس ما يحتاج تروحين
شهد : خلاص ماني رايحه .. بعرسي اروح فرنسا ولا ماليزيا واخليج تندمين على هاليوم
ريناد : عشتووو ،، انا اخر عمري اندم
شهد : يلا روحي بس مالت عليج انتي واخوج
ريناد : اخوي !!
شهد : بالغلط .. يالله باي
ريناد : بايات




روان بفـرحه : تسلم يبه والله يطول لي بعمرك
ابو ناصر : ولو حبيبتي .. هذي ملكتج .. بس لا تطولون هناك
روان : لا يبه ما نطول ان شاء الله .. اسبوع بالكثير .. لا تنسى ملكتي بعد اسبوع ونص تقريباً
ابو ناصر : خير ان شاء الله
روان تقوم من السرير : مشكور يبه مره ثانيه والله يطول لنا بعمرك
ابو ناصر: حبيبتي انتي ..

روان راحت بـ غرفتها وجلست على سريرها وهي تفكر

روان رغم اللي شالته بقلبها على أبوها لكنها نست كل اللي بقلبها لما قالها كلمة حبيبتي انتي .. حست بشعور أبوها تجاها .. وعرفت انه زواجها من عادل اكيد راح يكون من صالحها .. قعدت تفكر لو ظلت على طريق بدر راح تصير مشاكل عائلية كثيره وراح تتصارع مع شهد .. وهي متأكدة ان اللي راح يفوز بالحرب هي شهد لان بدر يبادلها نفس الشعور


عادل : هلا ..
روان : هلا عادل
عادل : هلا فيج ..
روان : اشفيك ؟
عادل : راسي يعورني والله
روان : سلامتك ما تشوف شر
عادل : الشر ما يجييج
روان : انزين حبيت اقولك ان اهلي وافقوا على السفره .. فالحين عاد انت تستلم الموضوع .. ضبط لنا حجز انا وانت وريناد
عادل : ان شاء الله
روان : روح نام ريـّح
عادل : ان شاء الله .. تامرين على شي بعد
روان : سلامتك
عادل : الله يسلمج



ريناد : احلللللللللللف
عادل : اكذب عليج يعني
ريناد : عدول شفيك ؟
عادل : راسي يعورني دايخ حدي
ريناد تبوسه على راسه : سلامتك ما تشوف شر
عادل : الشر ما ييجيج .. لما اقعد العصر ان شاء الله احجز
ريناد : خير ان شاء الله




راحت لـ غرفتها متمللة ما تدري شنو تسوي
فتحت المسنجر ، لقت إضافة جديدة .. قبلتها

ريناد : السلام عليكم
... : وعليكم السلام
ريناد : منو معاي ؟
... : انا بصراحه خذيت ايميلج من منتدى
ريناد : أي منتدى ؟!
... : منتدى .........
ريناد : أها .. طيب من معاي ؟
... : زياد
ريناد : اها .. هلا فيك
زياد : أدري مستغربه من اضافتي .. بس اعذريني
ريناد : ما فهمت ! شلون يعني اعذرك ؟!
زياد : انا الصراحه مُعجب فيج وباخلاقج وبذوقج .. يعني الصراحه كل شي فيج يعجبني
ريناد : تسلم من ذوقك
زياد : ممكن نتعرف
ريناد بقلبها : اف .. اتعرف عليه .. مالي خلقه والله
بعد فترة طويلة
زياد : ريناد وينج ؟ اذا ما تبين تتعرفين عادي
ريناد : سوري .. اوكي ما عندي مانع

ريناد وافقت على انها تتعرف عليه لان هو بعد اخلاقه حميدة ومعروف بالمنتدى اللي مشاركه فيه

زياد : معاج زياد وعمري 25 سنة .. محامي
ريناد : عاشت الاسامي والعمر كله
زياد : عاشت ايامج .. وانتي ؟
ريناد : ريناد ، عمري 19 .. للحين أول سنه جامعه
زياد : اها .. أي تخصص ؟
ريناد : علوم كمبيوتر
زياد : أها .. بالتوفيق
ريناد : مشكور وانت بعـد

قعدوا يسولفون لمدة طويلة

انتبهت ريناد ان الساعه 5 ونص

ريناد : تدري زياد .. ما حسيت بالوقت
زياد : تعرفين ليش ؟
ريناد : ليش !
زياد : لانج تكلمين زيوود اللي ما تمل منه الناس
ريناد : ههههههههههههههههههه
زياد : يمكن اذا تشوفيني تصدقين كلامي هذا
ريناد : امممممم .. يصير خير .. انا طالعه .. تآمر على شي ؟
زياد : سلامتج .. خلنا نشوفج بالليل
ريناد : بحاول .. مع السلامة
زياد : الله يسلمج



قعد العصر كلمها
بالمرة السابعة ردت

روان : هلا
عادل بعصبية : اشفيج ما تردين ؟
روان : يمه اخترعت !! اشفيك معصب صاير شي ؟ ودوك المستشفى ؟
عادل : شنو ودوني المستشفى ؟ انا اصلاً سويت حادث وانتي اخر الناس اللي يدرون
روان تفتح عيونها : لااااااااااااا ... شنو حادث !!
عادل : زوجتي وماتدري عني
روان بنبرة حزن : بأي مستشفى إنت ؟
عادل : مستشفى روان التخصصي
روان : ؟؟؟؟؟ عادل شفيك ؟؟؟؟؟؟؟
عادل : تعيشين وتاكلين غيرها خخخخ
روان : صج ما تستحي
عادل : أنااا !
روان : أي انت مو حرام عليك
عادل : تحبيني ؟
روان : مالت عليك وعلى سوالفك
عادل : آآآه يا رواان
روان : اشفيك بعد
عادل : فيني مرض ما ينتهي !
روان : ان شاء الله ما ينتهي
عادل : انتي ليش دائماً تدعين علي ؟
روان : لاني اعرفك مو جدي
عادل : خلاص عيل انا يدتج
روان : ما تضحك
عادل : ادري
روان : يا شين الثقة .. امم متى تحجز ؟
عادل : مادري .. يمكن بعد شوي اطلع ، راح أحاول احجز على الخميس
روان : الخميس مرة وحده !! اليوم احد ترى
عادل : انزين ليش مستعيله ؟
روان : انت ليش متأخر ؟
عادل : لاني أحب السفر يوم الخميس
روان : وانا ما أحب السفر يوم الخميس
عادل : وانتي بدوني ما تروحين !
روان : لا والله
عادل : تبين تقلبينها عناد يعني ؟
روان : انت تقهر .. تقهر .. تقهر .. والله تقهر
عادل : اقول .. خليني احجز الخميس ولا أهوّن أحسن ؟
روان : هوّن .. لان انا ابي اكشخ لك .. بس انت الظاهر ما تبي
عادل يفتح عينه : تتكشخين لي انا !!!
روان بقلبها ( افففف .. انا ليش قلت جذي ؟ صج غبية .. صج غبية ) : عادل .. اكلمك بعدين
عادل : أوك .. بااي


تم تسجيل دخول
][ اليومُ .. أصبحتُ مُلكهّا ! ][

زياد : السلام عليكم
ريناد : وعليكم السلام
زياد : شلونج ؟
ريناد : بخير .. انت شخبارك ؟
زياد : دووم .. انا تمام
ريناد : دووم
زياد : تدرين فيه شي غريب
ريناد : شنو ؟
زياد : إنج ما طلبتي تشوفين صورتي
ريناد : اممم .. عادي .. اذا تبي تحطها حطها
زيـاد : بحطـها .. ثواني

ريناد قعدت تناظر في الصورة الشخصية ومتأملة الشكل اللي راح يطلع بالصورة شكل زياد اللي كل المنتدى يحبه .. واللي يعتبر من الاعضاء المميزين ...
وأخيـراً .. طلعت الصورة
ريناد بقلبها (( كل هذا جمال !! ، والله إنك أحلى من علي ))

زياد : شرايج ؟
ريناد : عادي
زياد : شنو يعني عادي ؟ حلو ولا لا ؟
ريناد : حلو
زياد : الله الله .. خلاص ترى صدقت روحي
ريناد : لوووول
زياد : ممكن سؤال ؟
ريناد : هلا
زياد : ما عندج صوره ؟!
ريناد : انا ما اخلي صوري في اللاب توب اخاف تنسرق ولا شي
زياد : بس انا ما اعرف اسرق
ريناد : مو انت .. اقصد الهكرز
زياد : اها .. زين تسوين الصراحه
ريناد : ادري
زياد : يا الواثقة ،، المهم ممكن طلب ؟!
ريناد : تفضل
زياد : سولفيلي عن روحج ؟
ريناد ما فهمت : شلون يعني !
زياد : يعني سولفي عن حياتج .. شنو تسوين فيها ؟ شنو تحبين ؟ وشنو ما تحبين ؟ يعني افتحي لي قلبج
ريناد بقلبها ( الله .. من الحين وافتح لك قلبي ) : عادي .. العطله هذي ملل .. احتمال اسافر بعد كم يوم
زياد : اها .. وين ؟
ريناد : لبنان
زياد : مع الأهل
ريناد : مو كلهم .. مع اخوي وخطيبته اللي هي بنت عمي
زياد : اهاا .. زين شنو تسوون هناك ؟
ريناد : تبي تجهز حق الملكه من لبنان .. وراح تاخذني معاها لان ما يصير تروح مع اخوي بروحها
زياد : اها .. تروحون وتردون بالسلامه
ريناد : الله يسلمك
زياد : تطولون ؟
ريناد : ما اعتقد وايد .. كلها اسبوع
زياد : خيـر ان شاء الله .. زين للحين ما سولفتيلي عنج !
ريناد : انا بنوته حبوبه أموره خخخخ .. احب القراءة والانترنت ،، لاني الحين صرت مدمنه عليه تقريباً .. أحب السفر .. أحب الموضه والأزياء
زياد : اوصفيلي نفسج أكثر ..
ريناد : اممم .. انا مو طويله ولا قصيره .. يعني طولي حلو .. ووزني بعد مناسب لطولي .. بس
زياد : حلو ...
ريناد : اممم .. وانت ؟
في صباح اليوم التالي
شهد : ياربي منك .. ودي اعرف ليش كله تتصل الصبح وتقعدني ؟
بدر : اف اف كل هذا ! بدل ما تقولين صباح الخير ولا صباح العسل يا عسل
شهد : لانك صج مللتني ولا عمري نمت نومه طويله وتهنيت فيها .. خليني اتهنى بعطلتي ياخي
بدر بضيق : خلاص ما اتصلج بعد .. باي
شهد : انا اسفه
بدر : لما تقعدين كلميني
شهد : باي

شهد بقلبها ( والله اني احبك .. بس مو حزت النوم )


عادل : هلا والله
روان : صباح الخير
عادل : صباح الورد
روان : شلون صرت الحين
عادل : الحمد لله
روان : حجزت ؟
عادل : يس .. يوم الخميس ان شاء الله
روان : ان شاء الله .. رغم اني مو مقتنعه في يوم الخميس
عادل : ههههه .. عادي .. ما يهم تقتنعين او لا
روان : انت ليش جذي !
عادل : شنو بعد
روان : ليش كله تحب تفرض اوامرك
عادل : انا فرضت أوامري !!!
روان : خلاص غير الموضوع
عادل : أي صح كنت بكلمج بموضوع
روان : خير
عادل : بعد ما نملك ان شاء الله .. راح اسافر سنتين اكمل دراستي برا
روان : نعم نعم ؟؟ وانا منو لي
عادل : يعني تبيني ؟
روان لا أرادياً : اكييد
عادل : آآآآآآآآآآآآآآآه
روان : صج ؟
عادل : امزح لوووووول
روان : صج ماصخ
عادل : حطي ملح
روان : مليت منك ترى
عادل : وأنا اكثر
روان : خلاص عيل باي
عادل حب يقهرها : على فكره .. انتي اللي دقيتي مو انا
روان بقهر : مالت عليك وعلى اللي تكلمك بعد
عادل : ههههههه يلا فارقي
روان : انا افارق .. هيّن .. انا ما خليتك تتندم
عادل : انا وراك والزمن طويل يا حلو
روان : هيييييييي انت ! ما اسمح لك تغازل
عادل : ومنو غازلج اصلاً ؟
روان : تدري .. كلامك ما منه فايده .. بااي
عادل : باي


يوم الخميس الصبح

روان : يا سعااااااااادتي يا سعااادتي
ام ناصر : خلي بالج على روحج وخطيبج هناك
روان : ان شاء الله
ناصر : بنفتقدج يا دووبه
روان : خخخخخخخ .. زين قدرنا نشوفك يا نويصر
ناصر : خلاص والله شغلي تعبني وايد .. راح ارفض أي دورة تجيني .. تعبت وايد
ام ناصر : يبيلك تسافر يا يمه وترتاح شوي
ناصر : أي والله يمه
روان : يمه سلمي على ابوي وايد
ام ناصر : يوصل ان شاء الله
روان : انا بعد شوي يمرولي عادل وريناد
ناصر يبوس روان من راسها : تروحون وتردون بالسلامه ، لا تنسين تكلمينا اول ما توصلون
روان : تدري اول مرة احس بحنانك
ناصر : شفتي .. كله من شغلي الخايس
روان : هههههههههه .. ترى امي صاجه .. يبيلك تسافر عشان ترتاح شوي
ناصر : الله كريم ..

تلفون روان يرن
روان : يلا عادل وصل ..
روان تنادي الخداامه : ميري .. ميييري
ميري : يس مدام
روان : ودي الشنطه هاي برا
ميري : اوكي مدام

روان والدمعه تبي تنزل من عيونها : اول مره بفارقكم
ام ناصر ما قدرت تحبس دموعها : تروحين وتردين بالسلامه
روان : الله يسلمج .. مع السلامه .. باي نويصير
روان تطلع
روان : أي صج يمه .. سلمي على محمد بعد وخلي بالج عليه يمه تراه ما عنده غيرج
ام ناصر : ان شاء الله


روان طلعت
ريناد : تفضلي
روان استغربت : ليش نزلتي ؟
ريناد : بطلب من زوجج
روان بهمس : اف
ريناد : مالت عليج
روان : ههههه شغلي معاج بعدين

روان : السلام عليكم
عادل : وعليكم السلام .. شلونج روان
روان : بخير
روان بقمة الخجل لانها قاعده يم عادل وهالشي قهرها
ريناد : أي صج عادل سيارتك تبقى في المطار ؟
عادل : يس
ريناد : ليش ما خليت بدر ياخذها
عادل : ما يحتاج
ريناد : اممممممم

روان خايفه : عادل شفيك مسرع
عادل : لان الطياره باقي عليها 35 دقيقه بس
روان : طيب المطار قريب .. بليز خفف وراي طياره وما ابي ادوخ من الحين
عادل : ما اقدر يا روان تأخرنا ترى
روان : اففف .. عادل بليز امشي شوي شوي خل تفوتنا الطياره على الاقل نضمن سلامتنا
عادل : لا تخافين تراني محترف بالسياقه
روان : ترى بنزل والله
عادل : روان شفيج لا تخافين
روان : زين .. انا اعلمك بعدين
عادل : نشووف


شهد : للحين زعلان ؟
بدر : على شنو
شهد : اخر مره كلمتني فيها وهاوشتك هههههه
بدر : ههههههه لا
شهد : حدي متملله والله .. بيتكم فاضي الحين صح
بدر : أي .. يوصلون بالسلامه ان شاء الله
شهد : ان شاء الله .. قاعده افكر وين اجهز حق ملكتي
بدر : ترى مالها داعي سالفه روان
شهد : ليش بالله ؟ هذي موضه واستايل وكشخه
بدر : أي بس اللي هني حلو
شهد : انتوا ذوقكم غير واحنا غير
بدر : يمكن .. بس ترى انتي ما تسافرين
شهد : وليش بالله
بدر : كيفي
شهد : غصبن عنك بتخليني اسافر
بدر : ترى بعدين تندمين على هالكلمه
شهد : اف .. بدر شفيك
بدر : ولا شي
شهد : ليش تحب تلعب بأعصابي ؟
بدر : هواية
شهد : هواية بعينك
بدر : ههههههه الا اقول
شهد : خير
بدر : خاطري اطلع معاج
شهد : وبصفتك منو بالله ؟!
بدر : خطيبج
شهد : هههههههه للحين ما صار شي بيننا .. على الاقل روان واخوك خطبتهم رسميه
بدر : امممممممم .. متى نتزوج ؟
شهد : اكمل دراستي اول
بدر بعصبيه : احلاااااااامج
شهد : اشفيك
بدر : باقيلج 3 سنوات وتبيني انتظر
شهد : انا ما قلت لك انتظر .. نملك ولما اكمل دراستي نتزوج
بدر : لا حبيبتي
شهد : شنو لا !! هذي دراستي يا بدر
بدر : أي بس البنت تتزوج وتروح بيتها مو تقعد تكمل دراستها
شهد : افرض باجر لا سامح الله يبت عيال وانت توفيت منو يعيشهم اذا انا ما عندي شهاده
بدر : شنو هالتفاؤل هذا !
شهد : كلامي منطقي
بدر : اقول صكي السالفه .. تكملين دراسه مافي
شهد : خلاص ما ابي اتزوج
بدر : ههههههههههههههههههههههه
شهد : ما امزح
بدر : انتي طول عمرج تبين تسوين مشاكل ،، ولا مره كلمتج وما صكينا التلفون الا واحنا متهاوشين
شهد : قول لنفسك
بدر : حبيبتي .. كلها سنه او اقل من سنه ونتزوج .. انا ابي اضبط شغلي الحين واكون نفسي شوي ونتزوج
شهد : يعني قصدك اصلاً ما يحتاج اكمل سنه ثانيه
بدر : هذا شي راجع لج .. تبين تقعدين من الحين قعدي تبين تكملين كملي
شهد : اف .. والله انت تقهر
بدر : شهد شيلي من بالج اقعد انتظرج 3 سنوات مستحيل
شهد : ............
بدر : اشفيج ؟

ليش سكتت شهد ؟
وشنو مصيرها مع بدر ؟
الجزء الثامن
الساعة 12 ونص مساءً

روان : تعبت والله
ريناد : مالت اشدعوه كلها ساعتين وشوي
عادل : بلا هالقرقره وحمد لله على السلامه
ريناد وروان : الله يسلمك
روان : يلا نروح السوق
ريناد : ويعه للحين ما شفنا فندق حتى !!
عادل : روان ياهل والله مادري شلون بتكون زوجتي
ريناد : اشدراني عنك مادري شلون خطبتني
عادل : يلا نروح
ريناد : اف لحظه وشنطتي وين
عادل بعصبيه : انا مو قلت كل وحده تشوف شنطتها ؟
ريناد : اشدراني نسيت والله
عادل : خلكم هني لا تتحركون اروح اشوفها

** بالبحرين ، وتحديداً بـ كورنيش الملك فيصل **

بدر : غريبه .. شفيه الحبيب اليوم متذكرنا
ناصر : والله العظيم مو ناسيك يا بديّر بس تعرف ظروف شغلي
بدر : انا لو منك صراحه اقعد ولا اشتغل
ناصر : الصراحه اي بس ما قدر تعودت على العلاقات والسفر والدورات
بدر : اي بس شغلك ارهااق !!
ناصر : شنسوي .. امم باساافر ان شاء الله
بدر : وين ؟
ناصر : اي مكان .. بس المهم اغير جو وابتعد عن طقوس الشغل
بدر : زين تسوي .. عاد اروح معاك ولا لا
ناصر : هههههههههه ياخي ابي ارتاح ما يحتاج تتعب نفسك
بدر : مالت عليك وانا اللي ابي اخليك تستانس هناك
ناصر : امزح .. حياك طبعاً .. وافكر بشي ثاني بعد
بدر : شنو
ناصر : الزواج
بدر : امممممم .. فيه بنت معينه في بالك
ناصر : نو .. بس بكلم الوالده تخطب لي .. مليت من العزوبيه
بدر : امممممممم
ناصر : وانت شنو سويت مع شهد
بدر : ما سويت شي والله .. امس تهاوشت معاها تقولي ابي اكمل دراستي بالجامعه وبعدين نتزوج .. تخيل هي الحين في السنه الثانيه يعني باقي لها سنتين وتبيني انتظر
ناصر : زين املك عليها وتزوجوا بعد سنتين
بدر : لا
ناصر : ليش ؟
بدر : من صجك انتظر سنتين
ناصر : ما تنتظر خلاص اذا بتملك بتصير زوجتك
بدر : شالفايده لا اعيش معاها ولا شي
ناصر : هالقد تحبها ؟
بدر : آه يا ناصـــر .. وأكـــثر .. شهد الدم اللي يمشي في وريدي
ناصر : الله ع الرومنسيه .. خلها تكمل دراستها حرام عليك
بدر : ما ادري والله
ناصر : مثل ما قلت لك .. سوو الملكه وخلها تكمل دراستها وبعد سنتين تزوجوا
بدر : افـــكر .. يبيلها تفكير عدل
ناصر : مادري عنك والله
بدر : وشخبارك بعد
ناصر : لا جديد .. ضايق خلقي وبس
بدر : يبيلك تسافر عيل
ناصر : امممم تدري افكر اروح القاهره
بدر : يبه روح اوروبا استانس اطلع من الوطن العربي كله
ناصر : ههههههه لا بس لان تعودت عليها .. اكثر دوراتي فيها
بدر : اممممم .. مادري عنك
ناصر : تدري ان امي تبي ريناد لي
بدر : ههههههه احلف
ناصر : والله
بدر : ريناد ويه زواج !!
ناصر : انا اصلاً اعتبرها اخت لا اكثر ولا أقل .. ومستحيل افكر اتزوجها
بدر : زين تسوي .. اصلاً رينادووه ياهل وما تدبر الحياه الزوجيه
ناصر : هههههه حرام عليك مو جذي عاد

** في بيروت الساعه 2 الظهر بالفندق **

ريناد : يا سلااااااام .. هيك الجو .. ولا بلا
روان : شفيها اللبنانيه
ريناد : هههههه وايد حلو الجو والله .. ما توقعت صيف لبنان هم حلو
روان : ههههه صج مالت .. المهم سمعي متى نروح السوق
ريناد : اسئلي زوجج انا شنو
روان : اف روحي سئليه انتي
ريناد : ما يحتاج .. اخوي لما يسافر لازم لما يرد ينام
روان : يعني بالليل
ريناد : يس
روان : احسن .. انا بعد ابي انام تعبانه
ريناد : وانا بعد
روان : يلا عيل تصبحين على سوق بيروت
ريناد : ههههه وانتي من اهله

** البحرين - بيت ابو عادل **

بدر يحاول يتصل بـ شهد ولـ المره الرابعه ردت
شهد بـ برود : هلا
بدر : زين رديتي
شهد : شسويلك صايره ماحب اكلمك لانك تهاوشني
بدر : هههههه هالقد انا عصبي
شهد : اشتبي ؟
بدر : اشدعوه عااد
شهد : بدر اخلص عندي شغل
بدر : حبيت اقولج انج راح تكملين دراستج
شهد : احلــــــــــــــــــــــــــــــــــف
بدر : والله
شهد : وااااااااو والله ماصدق !
بدر : صدقي وليش ما تصدقين
شهد : مشكووووووووور بدووور
بدر : انزين ما قلتيلي شلون ؟
شهد : شلون ؟
بدر : نفس ما قلتي .. نملك الحين ولما تكملين دراستج نتزوج
شهد : وااااااااااو يا سلاااااااام .. هيك الكلام ولا بلا
بدر : ههههه يلا اخليج .. بس لحظة متى نملك ؟
شهد : وي حدك مستعيل !!
بدر : واكثر .. شرايج مع عادل وروان
شهد : لا طبعاً .. ابي يوم لي بس
بدر : هههههههه طيب روحي كملي شغلج
شهد : لا ما عندي شغل بس ما كنت ابي اكلمك
بدر : ههههه زين يا شهد انا اعلمج خلنا نملك بس
شهد : هههههههه اي صح شخبار ريناد
بدر : مادري عنها والله تصدقين ولا طرشت مسج حتى
شهد : اعرفها هذي الخايسه حتى لي ما طرشت
بدر : اكيد لما وصلوا ناموا
شهد : زين الحين صج اخليك لان امي تناديني
بدر : زين
شهد : يلا بااي
بدر : بايات


** بيروت **

صحت من النوم
وروان في سابع نومه من التعب
ياربي شسوي .. ما اعرف احد .. وين اروح ؟!!
قاعده تتأمل في الغرفه وطريقه حيطانها الغريبه
لمحت كيبل ونقطه مال شنو ..
تقربت عليها أكثر .. وااااااو انترنت
راحت لـ شنطتها وطلعت اللاب توب
شبكت
قعدت تقرا رسائلها

"
السلام عليكم
حبيت اقولج تروحين وتردين بالسلامه
ويا ليت لما توصلين تطرشيلي ايميل عشان اتطمن عليج
زياد
"
معقوله .. هالقد يبي يتطمن !! شنو آنا بالنسبه له عشان يتطمن علي
في بحر أفكارها ..

تم تسجيل دخول
][ اليومُ .. أصبحتُ مُلكهّا ! ][

زياد : واااااااااااااااو .. حمد لله على السلامه
ريناد : الله يسلمك .. ثانكس على الميل .. توني قريته
زياد : ولو .. متى وصلتي
ريناد : ساعه 12 ونص تقريباً بس كنت نايمه
زياد : صح النوم يا حلوه .. شلون بيروت
ريناد : للحين ما شفت شي منها من المطار ع الفندق وبس
زياد : اهاا .. عسى مستانسه بس
ريناد : وااااايد .. الجوو رووعه
زياد : عسى دوم يارب
ريناد : معاك ان شاء الله
زياد : يارب .. وشخبارج بعد
ريناد : بخير الحمد لله انت شلونك
زياد : وحشتيني
ريناد (( ياربي .. معقوله !! يبي يتطمن عليّ .. ووحشته !! ))

لقد أرسل لك ][ اليومُ .. أصبحتُ مُلكهّا ! ][ لتوه إشارة تنبيه .

ريناد : معاك
زياد : وحشتيييييييييييني
ريناد : اشدعوووه امس مكلمتك
زياد : يعني ما وحشتج ؟
ريناد : زياد غيّر الموضوع
زياد : امرنا لله

بعد دقيقتين
زياد : يلا انا استئذن
ريناد : اف وين تروح
زياد : شفيج
ريناد : متملله بروحي والتلفزيون ماعرف اشغله مادري شفيه
زياد : تبيني ابقى معاج
ريناد : اي
زياد : يا بعد عمري .. خلاص مابروح
ريناد : مشكوور
زياد : العفوو .. بقولج سر خطير
ريناد : هههه قول
زياد : يمكن تلاحظين اني اقولج يا بعد عمري وتلاحظين انه كلامي معاج رومنسي صح ؟
ريناد : اي ..؟؟
زياد : لانج غير يا ريناد ، يمكن صار لنا فتره قليله لما اتعرفنا على بعض بس صج انتي غير .. كل البنات اللي عرفتهم من اول مسنجر بيننا تبي الصوره .. ولما تشوف الصوره تسوي روحها تذوب فيني عشان اغازل وشوي شوي تبي رقمي .. انتي غير .. يكفي انج ما طلبتي تشوفين صورتي .. فانا يا ريناد ابي علاقتنا تتطوّر
ريناد : اممممم .. اول شي مشكور وكلك ذوق .. وثاني شي شلون يعني تتطوّر
زياد : انا الصراحـه ما يكفيني اني اتعرف عليج بالمسنجر
ريناد : من الآخـر يا زيـاد
زياد : ابي رقمج
ريناد : كنت متوقعه هذا .. على العموم اسفه ما اقدر اعطي رقمي .. ولازم اطلع الحين .. باي

" لا يمكنك إرسال أو تلقي أية رسائل من ][ اليومُ .. أصبحتُ مُلكهّا ! ][ للتواجد في قائمة المنع .

عطته بلوك .. وصكت اللاب توب وقامت

** البحرين **

شهد : لا تكلميني
ريناد : هههههههههه اشفيج
شهد : وصلتوا ساعه 12 ونص ولا فكرتي تطرشين مسج !!
ريناد : سوري شهد ما قدرت وتعبت واول ما وصلنا الفندق نمنا
شهد : مالت عليج .. ما بقولج الحمد لله ع السلامه
ريناد : ههههههههه لا تقولينها ما ابيها منج
شهد : المهم شلون بيروت ؟؟ الصبايا حلوين ولا احنا احلى
ريناد : لا يبه شنو حلوين .. احنا احلى يكفي ان فينا نكهه خليجيه
شهد : اممممم .. انزين روان نايمه للحين
ريناد : يس .. وعادل في غرفته نايم بعد .. وانا بروحي .. حتى التي في مادري شفيه ماعرف اشغله
شهد : ههههههههه
ريناد : لا تضحكين صج مادري شفيه
شهد : يا ليتني معاكم والله متملله بروحي
ريناد : مره ثانيه ان شاء الله ولا تصيرين ياهل وتحنين
شهد : ههههههه زين يا الغبيه اتصلي في امج ولا طرشي مسج خليهم يطمنون علـ ...
ريناد تقاطعها : ويعه بس فهمنا اصلاً طرشت قبل ما اكلمج
شهد : الله الله يعني انا اول شخص تكلميه !!
ريناد : هههههههه يااص
شهد : فديتني معشوقه الجماهير
ريناد : يا شين الثقه .. اقول
شهد : هلا
ريناد : انا خلاص صج تمللت وبروح اشوف عادل واقعد هالبقره اللي يمي
روان تشيل المخده وتضربها على راسها
يطيح التلفون
شهد : رينادوو وينج .. الووو .. هل انتم هنا ؟؟
ريناد : انا اعلمج يا الدفشه خلني اخلص بس
شهد : الحمد لله والشكر حاله جنون صابت ريناد
ريناد : انتي الثانيه ويعه بسج
شهد : ههههههههه اشصاار
ريناد : ههههه لاني قلت على روان بقره ضربتني في المخده وطاح تلفوني
شهد : ههههههههه تستاهلين
روان : سلمي على شهد
ريناد : يوصل .. تسلم عليج روانو البقره .. زوجه اخوي اللي ماعرف يختار
روان : بسج ترى الحين مخده ثانيه
شهد : عليكم السلام وبسج هذره انتي الثانيه يلا صكي انا بروح .. بس بقولج شي قبل لاروح
ريناد : هلا
شهد : تدرين انج غبيه
ريناد : يا قليله الذوق ليش ؟!!!
شهد : فيه احد ببيروت ويقعد بالفندق
ريناد تبي تقهرها من قلب : ومنو قالج بنقعد بالفندق انا اصلاً رايحه اقعد عادلو من النوم ونروح السوق ونشتري ملابس وناكل ايس كريم ومشويات لبنانيه على البحر المتوسط بالجو الرووعه
شهد : مع السلامه روحي عساج ما تردين
ريناد : ههههههههههههههههه مسكينه انقهرت
شهد : انا انقهر !! نو وي !! اصلاً يا حبيبتي انا كلها سنتين واتزوج واروح فرنسا مع زوجي حبيبي مو مثلج
ريناد : سنتين ؟؟ اشصاار
شهد : بعدين تعرفين
ريناد : لا يكون تهاوشتوا
شهد : نو .. بالعكس صار شي حلو .. يلا بااي
ريناد : بااي

ريناد : يلا ترى مليت انا ابي اطلع
روان : شفيه التلفزيون هذا
ريناد : اشدراني عنه حاولت معاه ما يشتغل
روان : يلا عيل روحي قعدي اخوج خلنا نروح
ريناد : اممم زين .. بس انا نسيت غرفته وين
روان : يم غرفتنا بالضبط
ريناد : يمين ولا يسار
روان : يمين
ريناد : زين بروح


ريناد تطق باب الغرفه
مره ومرتين وثلاث !! ماكو رد

تبي ترجع لـ الغرفه
عادل : هلا
ريناد : اف وين رحت
عادل : نزلت الكافيه ليش ؟
ريناد : شنو ليش يلا ما نطلع
عادل : انا ما عندي مانع وجاهز وانتوا تجهزتوا ؟
ريناد : لا طبعاً
عادل : هههههههه عيل ليش يايه ؟
ريناد : قلت بقولك عشان انت بعد تحضر نفسك .. عبالي نايم
عادل : المهم روحي تجهزي ولما تكملون تعالوا غرفتي
ريناد : زين

** البحرين **

شوق : هلا زياد .. بغيت شي ؟
زياد : وينج ساعه وانا اناديج
شوق : سوري كنت اسمع اغاني في غرفتي .. خير ؟
زياد : ابيج في موضوع
شوق : قول
زياد : انا تعرفت على وحده في المسنجر وتعلقت فيها وآيد .. قلت لها ابي رقمج والظاهر سوت لي بلوك !
شوق : يا كثر البنات اللي عرفتهم
زياد : لا جد هالبنت غير وانا ابي اتزوجها
شوق : معقوله !!
زياد : وليش مو معقوله ؟ ما تتخيلين اشكثر استانس لما اكلمها والله .. سحرتني من اول اسبوع كلمتني فيه .. هذي ملاك
شوق : شفت صورتها ؟
زياد : لأ
شوق : كل هذا الوصف وانت مو شايف صورتها !!!!
زياد : ما تهمني الصوره قد ما تهمني الاخلاق
شوق : عيل لو شفتها وطلعت حلوه شنو بتقول عليها
زياد : انا متأكد انها حلوه .. طريقه كلامها حلو وكل شي فيها حلو
شوق : زين .. المطلوب مني الحين شنو ؟!
زياد : ساعديني .. ابيها تفك البلوك !! شلون !!
شوق : زين انت شدراك سوت لك بلوك
زياد : اممممم .. تدرين ما تأكدت .. عندي برنامج يكشف البلوك تعالي معاي نشوف


** بيروت **
روان : واااو يا ربي .. شهالزين
ريناد : ما اشوف وايد فرق بين بضاعه البحرين وهني
روان : الماركات تختلف
ريناد : امممم .. زين شرايج في هذا ؟

عادل يتقرب عليهم : اذا تلبسه روان اذووووووب
روان : .......
ريناد : مو وقت الرومنسيه .. لو سمحت روح نبي ناخذ راحتنا
روان : يا ليت يعني
عادل : بل .. هالكثر انا ثقيل دم .. زين يبه نروح بنفسنا احسن

روان : صج ثقيل دم .. زين شوفي هذا
ريناد : حلو بس الوانه صارخه
روان : احب الالوان الصارخه
ريناد : هههههههههههه
روان : شفيج ؟!
ريناد : اول مره اشوف بنت تحب الوان صارخه
روان : روان
ريناد : ههههههه زين .. انا عن نفسي مو عاجبني
روان : امممممم زين امشي نشوف المحل الثاني
ريناد : يلا


شوق : مستحييييييييل .. لحظة اصبر
زياد : شفيج ؟
شوق : هذا الايميل مو غريب علي .. لحظة شوي افتح مسنجري
زياد : معقوووول يعني وحده من رفيجاتج ؟
شوق : هالايميل مار عليّ .. لحظه بس خله يفتح .. ليش بطيء النت اليوم
زياد : مادري
شوق : عاد الحين شلون الاقيه
زياد : تعبي نفسج حبيبتي عشاني بس
شوق : زين .. اففف لحظـــه ...
شوق قاعده تركز على كل ايميل
شوق : مستحيييييييييييييييل
زياد بخرعه : شنووووووووو
شوق : هذي ريناد صح ؟
زياد : ايييييي .. تكلمي شفيها ؟
شوق : مو خوش بنت واخلاقها زفت
زياد : لااااااااااااااااااااااااا .. حلفي
شوق : شنو اكذب يعني
زياد : والله حرام باذبح روحي .. البنت اخلاقها حلوه وما غلطت بأي شي قدامي
شوق : تعلمني فيها هذي في الجامعه معاااي
زياد بضيق : عن اذنج .. خلاص والله العظيم مليت ابي اتزوج .. حتى البنت اللي تعلقت فيها راحت مني

ويروح لـ غرفته وهو متضايق

** بيروت **

عند الكاشير
باتي وهي تعطيهم أكياس الملابس : تفضلوا
عادل : مشكوره
البائعة : كرمال عيونك
عادل يبي يقهر روان : تسلمين يا الغاليه كلج ذوق
البائعة : ولو
روان بـ همس : يا شينج .. ويا شين اللي يطالعج
عادل ماقدر يكتم ضحكته : ههههههههههههههههه
روان : يلا ريناد
ريناد : مالت على اليهاال
روان : صدقتي
عادل : هي احترمي
روان : قول لنفسك اول تغازل خلق الله وزوجتك قدامك
عادل : انتي من صجج تغارين ؟
روان : وليش ماغار ؟
عادل : واااااااو .. يا سلاااااام .. زوجتي تغار عليّ .. شنو ابي بعد ؟
روان : لا تصدق روحك بس
عادل : انزين .. خلصتي ولا بعد ؟
روان : اي خلصت بس لا تعيدها مره ثانيه هالحركه السخيفه
عادل : ما توقعت تزعلين .. بس ولا يهمج . . ما راح اعيدها لـ عيونج
ريناد : هي انت وياها .. نحنُ هنا !!
عادل : يلا نتعشى
روان وريناد : يلا


**

تدخل لـ غرفته
شوق : شفيك
زياد : شفيني يعني .. من بعد اللي سمعته على ريناد وتقوليلي شفيني .. يا ليتني ما قلت لج .. خليني اعيش بـ وهم .. خلينـ ...
شوق تقاطعه : ياخي لا وهم ولا شي .. انا اصلاً كنت امزح معاك .. ريناد مؤدبه ومن افضل صديقاتي
زياد يقوم ويستعد عشان يمسكها ويضربها
تركض وهو يركض وراها مثل الأطفال
تنزل من الدرج للصاله وتلف البيت كله ليما وصلت للمطبخ
قررت الإستسلام لان مافي مكان تهرب منه
زياد : كم مره اقولج ما احب هالمزح
شوق : آآآآآي عوف شعري خلاص توبه والله مامزح معاك
زياد : آخر مره ؟
شوق : اخررررر مره بس هد شعررررررررري بلييييز
زياد يهد شعرها : والله ان مزحتي معاي هالمزحه مره ثانيه تشوفين يا ريناد
شوق : ريناد شنو .. ياخي انا اسمي شوق
زياد : اللي يكون .. فاهمه ؟
شوق ماده بوز : انزين
تعالي نكمل كلامنا في الصاله



** بيروت - تحديداً بمطعم من المطاعم المطله على البحر المتوسط **

ريناد : يا سلام .. كل شي في لبنان حلو
روان : اي والله
عادل : عاد اهم شي الملابس
روان : طبعاً .. انا اصلا لو ما الملابس مو هني
ريناد : هههههه .. بس الصراحه روان عندها ذوق بالملابس
عادل : طبعاً .. هذي زوجتي مو اي وحده
روان : احــم ..!
ريناد : وحشتني البحرين
روان : وانا اكثـر .. كلها يومين ثلاث ورادين
عادل : تعرفين يا روان .. المفروض السفره هذي تكون حق الزواج
روان : ومنو قالك ما بسافر عشان احضر حق الزواج
عادل : حلفي بس
روان : والله .. اشدعوه ما يسوى علي يعني
عادل : إلا .. بس شنو ما تشبعين
روان : لأ
ريناد : هههههههه زين جهزي من الحين حق العرس بعد
روان : مادري .. يمكن اسمن بالعرس هههههههه
عادل : ما باخذج طبعاً .. انتي الحين اصلاً يبيلج ريجيم لان جسمج مو عاجبني
روان : امممممممم
عادل : يلا نقوم
ريناد : لا عاد تونا ما صار لنا
عادل : نتمشى مو نروح
روان : زين يلا

[مرو]

** البحرين **


زياد : كلميني أكثر عنها
شوق : شلون يعني ؟
زياد : يعني تصرفاتها طبايعها
شوق : مثل ما قلت لك طيبه وحبوبه واحلى مافيها جمالها البسيط لكنه حلو
زياد : امممممم انتي عندج رقمها صح
شوق تقوم : احلم يا بابا
زياد : ما قلت ابي رقمها
شوق : عيل ؟
زياد : اتصلي فيها .. ابي اسمع صوتها
شوق : نوو
زياد بـ أسلوب طفولي : بليييز
شوق : نووو وي
زياد : يلا عاد شوق تكفين
شوق : اممممم افكر
زياد : يلا حبووبه .. عشان اطلعج اليوم
شوق : احلف
زياد : والله .. والمكان اللي تبينه بعد
شوق : زين .. خلني اشوف تلفوني وين

**

شهد : تفضل
علي : هااي
شهد : هايات .. خير شعندك اليوم ؟
علي : ما يصير اسلم على اختي يعني
شهد : ما قلنا .. بس اكيد وراك شي
علي : ههههههههه .. ابد .. بس متملل والله .. شخبارج
شهد : بخير الحمد لله
علي : دووم مو يووم
شهد : معااك ان شاء الله
علي : امممم شخبار ريناد
شهد : ماتدري عنها ؟
علي : شنو مادري عنها ؟ شايفتني كلوز معاها يعني
شهد : لا .. بس هي مسافره
علي : صج والله ؟ وين
شهد : لبنان
علي : اها .. انزين ليش ؟
شهد : راحت مع اخوها عادل وروان لان روان تبي تجهز حق ملكتها
علي : امممممم
شهد : امممم ودي أسئلك .. انت لـ الحيـ..
علي : عارف .. لا تكملين .. الصراحه انا انعجبت بـ ريناد بس مو وايد
شهد : يعني ما تحس بـ أي مشاعر تجاها ؟
علي : نو .. يمكن مستقبلاً .. بس انتي ليش وايد مهتمه
شهد : لان احس انت مخلوق لـ ريناد وريناد مخلوقه لك .. احساس
علي : مادري والله !! زين ريناد حاطه عينها علي او تتكلم عني مثلاً ؟
شهد : اي بس مثلك ما اعتقد في شعور
علي : اممممم مادري .. اخطبها يعني
شهد : مادري ..!!
علي : حااير والله .. اففففف
شهد : اقول .. شرايك نطلع ؟
علي : وين
شهد : اي مكان .. انا بعد متملله وانت اكيد متملل
علي : امممممم فكره
شهد : يلااا
علي : يلااا يا ست شهد
شهد : خخخخخ



**

شوق : غريبه .. الدقه مال التلفون تغيرت
زياد : لانها يا غبيه في لبنان مو في البحرين
شوق : احــلـ.. هلا ريناد
ريناد : هلا والله يا القاطعه
شوق : هلا فيج شخبارج
ريناد : الحمد لله بخير انتي شلونج
شوق : الحمد لله .. الا صج انتي في لبنان ؟
ريناد : اشدراج !!
شوق توهقت وخصوصاً لما شافت زياد يأشر لها بان ما تقول لها : أأ .. من تغيير الدقه
ريناد : اهااااا .. شخبارج بعد
شوق : ماشي الحمد لله .. متى ترجعين ؟
ريناد : والله مادري بعد 3 ايام او 4
شوق : يلا ترجعين بالسلامه .. حبيت اشوف اخبارج بس
ريناد : حبيبتي والله .. عاد لما ارجع خلينا نشوفج في ملكه اخوي
شوق : اي ان شاء الله .. يلا مع السلامه
ريناد : بآآي


زياد يسوي نفسه ميت
شوق : هي انت .. لا تمثل علينا
زياد : اسلوبها حلو .. صوتها حلو .. يا ربي هالبنت ملاك
شوق : انا اقدر الحين اتحكم بـ اعصابك تصدق ؟
زياد : شلون يعني
شوق : يا بعد قلبي شنو رايك اذا اقولك ان عندي صورتها ؟
زياد يقوم من مكانه وبفرحه : حلفــــــــــــــــــــــي
شوق : والله .. احلم .. احلم .. احلم يا حبيبي احلم
زياد : حرام عليج يلا عاد والله ماتحمل
شوق : في الدنيا هذي مافي شي مجاناً .. قدّم لي عرض يلا
زياد : اللي تبين انتي اختاري .. اطلعج ؟
شوق : اممم نو .. ابي شي اكبر
زياد : اف .. شتبين عاد شسويلج
شوق : نروح قطر ؟
زياد يفكر : رغم ان عندي شغل هالاسبوع بس مو مشكله نروح
شوق : خلاص عيــــــّــل .. لما نروح في الطريق اشوفك الصور لان اعرفك تقص عليّ
زياد : قسم بالله ما اكذب وذبحيني اذا قصيت عليج
شوق : ما صدق !! ياما حلفت
زياد : واذا اقولج عشان امي وابوي الله يرحمهم ؟
شوق بـ حزن : انت ليش دائماً تحلفني فيهم والله حرام عليك ما عندك احساس انت

وتقوم تروح لـ غرفتها


يركض وراها وهو خايف عليها

زياد : حبيبتي والله مو قصدي
شوق : ......
زياد : خلاص آخر مره
شوق : اكيد ؟؟
زياد : اكيد
شوق : زين
زياد : يلا وين الصور ؟
شوق : ههههههه يعني لحقتني عشان الصور ولا عشان تراضيني
زياد : الاثنين
شوق : قوي عين والله
زياد : هههههههه يلا عاد حرام عليج لا تعذبيني
شوق : زين .. خلني اشوف وين حطيتهم عاد
زياد : زين

**

بيروت - الساعه 7 ونص

روان : اف .. انا تعبت خلاص لازم نرجع
عادل : وانا بعد .. يلا
ريناد : يلا


بالتاكسي

ريناد : ياربي شنو هالمناظر الحلوه
روان : يا حبيبتي فيه الاحلى بس المشكله ما ندل شي
ريناد : ودي نطوّل بلبنان ونلف بيروت كلها
روان : وانا بعد
ريناد : اممممممم ودي أسئلج
روان : هلا
ريناد : انتي ليش كنتي تكرهينا انا وشهد وخصوصاً انا !!
روان : اناااااااااا اكرهكم !!!
ريناد : اي .. تصرفاتج كانت ابد ما توحي انج تحبينا ولا تواطنينا بعيشه الله
روان : ههههههههههه .. هالموضوع بعدين اقولج .. انا الحين ابي انساه
ريناد : حيرتيني في أمرج
روان : بعدين بتعرفين كل شي

عادل يلتفت لهم : انتوا شقاعدين تقولون ؟
ريناد : مو شغلك
عادل : انا اعلمج .. خلنا نوصل بس
ريناد : هع .. خفت وايد


** نرجع لـ البحرين **

شوق : توقع اي وحده فيهم عاد .. انا ما راح اقول
زياد : امممم .. المشكله وايد بنات
زياد يفكر : اممممممم
زياد يأشر على بنت من البنات اللي واقفين في الصوره : هذي ؟
شوق : مستحيييييييييييل .. انت اكيد تعرفها وما تقولي
زياد : قولي والله هذي
شوق : والله العظيم .. قول والله انك ما تعرفها
زياد : لو اعرفها ليش ما اقولج يعني .. يااااربي ملااااااااااااااك وربي ملااااااك .. خلاص انا لازم اخطب ما اقدر اتحمل
شوق : هههههههههه اشدعوه هالقد مستعيل
زياد : اي .. انا خلاص راح امووووووووت راح اذووووووب في هوا ريناد .. انا لازم ارسل لها ايميل واصارحها .. بس ما راح اقولها اني اخوج
شوق : كيفك

صعد بـ غرفته عشان يرسل لها إيميل

**

بعد رجوعهم لـ الفندق :

روان : انتي من صجج صكيتي الدريشه .. فتحيها يلا شوفي الجو شحلاته
ريناد : ههههههههههه نسيت .. تعودت على جو البحرين
روان : ههههههههههههه
ريناد : اف الحين شسوي .. مالي غير هاللاب توب
روان : ويع ماحبه ولا احب الانترنت
ريناد : احسن
روان : صج انتي شنو تسوين بالنت ؟
ريناد : كل شي .. اتعرف .. مسنجر .. بحوث .. وكل شي يخص دراستي
روان : اها .. عاد تتعرفين على شباب
ريناد : اي بس بـ حد معقول يعني ما اقط ميانه معاهم
روان : اها
ريناد : بس صراحه ودي اقولج شي ابيج تساعديني فيه
روان : هلا
ريناد : انا تعرفت على شاب قبل اسبوع تقريباً .. اسمه زياد .. محامي وعمره 25 سنه
روان تفتح الثلاجه تطلع عصير : انزين
ريناد : مادري حسيت براحه لما كلمته وهو بعد ارتاح لي .. وامس طلب رقمي
روان : لا يكون عطيتيه بس
ريناد : لا طبعاً .. سويت له بلوك على طول بالمسنجر
روان : اها .. زين للحين ماعرفت شالمطلوب مني ؟!
ريناد : مادري يعني تشوفين انه المفروض اعطيه لاني ارتحت له
روان : اممممم .. مادري والله يا ريناد .. هو شلون اخلاقه وتصرفاته ؟
ريناد : وايد خلوق وتصرفاته واسلوبه حلو وما غلط معاي بأي كلمه .. يعني تقدرين تقولين معجبه فيه .. بس انا خايفه اعطيه رقمي
روان : ليش ؟!
ريناد : مادري يعني اخاف ينصب عليّ او يحاول يقضي وقته معاي وبعدين يهدني
روان : انزين انتي شفتيه ؟
ريناد : شوفني صورته
روان : حلو ؟
ريناد : ههههههه اي
روان : بس ما اعتقد ينصب .. من كلامه محامي وعمره 25 يعني مو ياهل
ريناد : انا بعد اقول جذي .. تندمت اني عطيته بلوك تصدقين
روان : امممممم
ريناد : خلني افتح المسنجر يمكن الاقيه
روان : اوك .. انا بسوي اوردر لان تعرفين
ريناد : هههههههه يا كثر ما تاكلين ترى كلها اسبوع وشوي ملكتج يا حلوه وجسمج صراحه ويييع
روان : حرام عليج وزني 59 بس !!
ريناد : هههههه


**

زياد ينادي شوق بصوت عالي : شووووووووووووووووق لحقي علي
شوق صعدت لغرفته تركض وخايفه على اخوها : خير شفيك ؟
زياد : شالت البلوك يااااااااااا شووووووق
شوق : صج ما تستحي خفت عليك مالت بس عليك وعليها
زياد : هي احترمي نفسج ولا تغلطين على زوجتي
شوق : هههههه انزين شسويلك يعني ؟
زياد : اكلمها
شوق : نو .. خلها هي اللي تبادر .. اكيد ندمت على البلوك
زياد : ما اتحمل .. خلاص لازم ادخل

زياد : السلام عليكم
ريناد : وعليكم السلام
زياد : شلونج
ريناد : بخير الحمد لله .. انت شخبارك ؟
زياد : الحمد لله
ريناد : زياد انا اسفه على اللي سويته
زياد يكلم شوق : يا بعد عمري قاعده تعتذر لي

زياد يرد عليها : لا عادي .. انا اللي آسف اني طلبت الرقم
ريناد : لا عادي .. المهم انت كنت تبي رقمي صح
زياد : لا خلاص اذا يضايقج هالشي مابيه .. بس ابي اقولج شي واحد
ريناد : هلا
زياد : لا تفكرين في لحظه اني افكر اخدعج ولا انصب عليج .. واذا تبين تعرفين ليش ابي رقمج انا حاضر
ريناد : يا ليت تقولي ليش
زياد : الصراحه انا ناوي اتزوج وابي اخطبج
ريناد تنادي روان اللي دخلت الحمام تاخذ شاور : روااااانو بسرعه طلعي ابيج
روان : خير اشصاير ؟
ريناد : بسرررعه ابيج في شغله
روان : زين كاني طالعه

زياد : روان وينج ؟ كلامي فيه شي غلط ؟
ريناد : لا .. مادري !!
زياد : على العموم انا طالع الحين وابيج تفكرين واشوفج بالليل .. بآي
ريناد ما ردت !!


**

شوق : انت من صجك ؟!
زياد : ايه
شوق : وانا ؟!!!
زياد : انتي شنو ؟
زياد : تخليني بروحي ؟
زياد : يا حبيبتي يا شوق شفيج ؟ اول شي انتي مو ياهل .. وثاني شي انا راح اكون معاج .. كل اللي يصير ان نصير 3 بدل 2
شوق : والبيت اللي خلاه لك ابوي الله يرحمه ؟
زياد : ما ابيه .. راح ابيعه
شوق تركض وتحضن اخوها : احــــــلف
زياد : ههههههههه .. والله
شوق : الله يخليك لي ولا يحرمني منك يارب
زياد : ولا منج يا اغلى اخت في هالدنيا

شوق بنت طيبه وقلبها أطيب شي فيها .. ما عندها غير اخوها زياد .. ابوها وامها توفوا في حادث بالسياره من 5 سنوات تقريباً .. كانت قريبه حيل من امها .. ما تسوي شي الا لما تاخذ رايها قبل .. كانت بالنسبه لها الأم والصديقه والأخت وكل شي لها في الدنيا .. أبوها ما كانت متعلقه فيه وايد .. لانه طلق امها لكنهم رجعوا لـ بعض بعد سنتين من الطلاق .. طلق امها وابتعد عنها وهي في أمس الحاجه له .. يمكن هذا السبب اللي خلاها ما تحبه وايد .. بس هذا ما يمنع ان هي تحبه وتتمنى يرجع لها هو وامها وينورون حياتها .. زياد الحين تعتبره اخوها وحبيبها وابوها وامها وكل شي لها في الدنيا .. هو الوحيد اللي يسعدها وهو الوحيد اللي بقى في الدنيا .. ما عندها خالات ولا خيلان .. وعندها عم واحد لكنه سافر هو وعائلته من زمان لبريطانيا وابتعد عن البحرين .. وماتدري شي عنه لا هي ولا اخوها زياد


**

بيروت

**

روان : معقوله ؟!!
ريناد : شنو قاعده امزح يعني
روان : عيل خلاص اكيد صج يبيج .. انا اقولج شنو تسوين
ريناد : قولي .. لانه قال بالليل انتظر ردج
البحرين

**

شهد : هلا
بدر : وينج يا القاطعه ليش ما تردين ؟
شهد : سوري كنت بالصاله والتلفون بغرفتي
بدر : شخبارج ؟
شهد : بخير .. انت شلونك
بدر : الحمد لله .. مشتآق يا نآس !
شهد : هههههههههه وشسويلك يعني
بدر : اممممممم .. مو مشتآقه لي ؟
شهد : لا
بدر : يا السباله
شهد : هههههههههههه
بدر : مليت منج
شهد : وانا اكثر
بدر : صج
شهد تغير الموضوع : تدري ان بعد شهر يبتدي كورسي
بدر : اي ..
شهد : شلون تدري
بدر : يا حياتي انا حافظ كل شي فيج
شهد : اممممم
بدر : الا نسيييييييييت
شهد : شنوو ؟
بدر : مو جنه عيد ميلادج ؟
شهد : هههههههه يس يس
بدر : وليش ما سويتيه ؟
شهد : ما ادري .. احس كبرت ههههههه
بدر : هههههههه من صجج ؟
شهد : والله .. ما حبيت اسويه هالسنه مالي مزاج احس فيني شي تغير
بدر : ههههههه صج غريبه
شهد : بس أحسن صح ؟
بدر : اي .. انا من زمان قلت لج هذي سوالف يهالوو
شهد : يلا انا اروح .. تبي شي ؟
بدر : لا سلامتج
شهد : بااي
بدر : بايات


تروح لـ غرفه علي وتهجم عليه بقوه
علي : شفيج خرعتيني شهالادب هذا
شهد : وين الطلعه ؟
علي : أي طلعه ؟
شهد : يا سلام على اللي يوعدون وما يفون بوعدهم
علي : يلا نروح الحين
شهد : الحين ساعه 9 !!
علي : انزين شفيها ؟ انتي مع اخوج
شهد : اممممم .. اوك .. اروح اغير ملابسي بس ياويلك اذا هربت مني
علي : هههههه يلا روحي زين

**

قاعد يقرا بالإيميل اللي وصله منها
" اذا انت صادق .. هذا عنواني بالبحرين ..
............
..........
......
اثبت لي .. وانا بانتظارك "

زياد : ههههههه هذي يمكن عبالها قاعد انصب عليها انا
شوق : انزين الحين شنو بتسوي ؟
زياد : بروح اخطب ؟
شوق : بس هي مسافره
زياد : ولو .. لما ترجع اكيد اهلها بيخبروها
شوق : امممم مادري .. انزين متى ناوي تخطب ؟
زياد : باجر
شوق : مو جنك مستعيل ؟
زياد : لا .. وابيج انتي اللي تخطبين لي
شوق : اممممم .. رغم اني صغيره بس بحاول ههههههه
زياد : هههههههه .. قولي لي مبروك ابي اسمعها منج
شوق : للحين ما وافقوا !! ولا كلمناهم اصلاً
زياد : اي مو ابيج تتصلين بامها
شوق : انزين ليش ما تتصل بأخوها ؟
زياد : فكره .. بس انتي احسن
شوق : لا .. انت احسن .. اتصل له وقوله
زياد : خلاص راح اتصله
شوق : عندك رقمه
زياد : لا .. راح احاول احصله من الدليل .. او احصل رقم البيت .. عطيني اسمها الكامل
شوق : طيب لحظه اجيب دفتري

***

قاعده بالبلكونه وتفكر
شعرها يتطاير بنسمات الهواء الطلق الجميل
وتغني
" حبيته بيني وبين نفسي ، ومقلتلوش ع اللي بنفسي ، ماعرفش ايه بيحصلي ، لما بشوف عينيه
ما بقتش عارفه اقوله ايه ، ماعرفش ليه خبيت عليه ، بضعف اوي وانا جنبه ، وبسلم عليه
كل حب الدنيا ديه بقلبي ليه ، دنتا أغلى الناس عليه روحي فيك
دنتا لو قدام عينيا اشتاق اليك
على بالي ولا انت داري باللي جرالي
والليالي سنين طويله .. سبتهالي
يا انشغالي بكل كلمه قلتهالي
على بالي ولا انت داري .. باللي جرالي
والليالي سنين طويله .. سبتهالي
يا انشغالي بكل كلمه قلتهالي "

روان : يا سلام شهالصوت الحلوو .. انصحج بستار اكاديمي
ريناد : هههههههههه
روان : لا يكون هالكلام لزياد
ريناد : هههه لا .. مجرد اغنيه ودشت مزاجي .. تفتكرين راح يخطبني
روان : انا اقول اي .. وان شاء الله الايام راح تخلينا بالصوره الواضحه
ريناد : تدرين لو سواها صج .. يكبر بنظري وايد
روان : اكيد .. بس تعالي .. شلون راح يخطبج وهو للحين مو شايف صورتج ؟
ريناد : مو هذا اللي محيرني .. غريبه والله .. انزين اذا طلعت جيكره شيسوي بالله
روان : ههههههههه ينتحر .. لا اكيد الريال شهم وعنده الاخلاق اهم شي .. بعدين انا اعتقد وراء الموضوع سالفه او شي .. ولا مستحيل يخطبج وما يعرف عنج
ريناد : مادري !! شلون يعني
روان : يعني مثلاً يمكن يكون اخو رفيجه لج .. او شخص معاج بالجامعه !! بس اي صح هو عمره 25 .. مادري صراحه .. خطبه غريبه من نوعها .. وان شاء الله تكمن بالنصيب
ريناد : آمين
روان : تحبيه
ريناد : اكذب عليج لو قلت لج ما ارتاح لما اكلمه .. بس ما حبيته للحين
روان سرحانه : امممممممم حلو البنت لما تتزوج شخص تحبه .. مو مثل حظي
ريناد : نعم ؟؟! انتي مغصوبه على عادل ؟
روان : ها .. لأ .. اي .. امممم .. لا لا هههه كنت اخربط بس
ريناد : روان صارحيني ..!
روان : ما تخبرين عادل ؟
ريناد : وعـد ،،
روان : الصراحه اي
ريناد : غريبه .. يعني عمي غصبج
روان : اي
ريناد : اهااااااااا .. وانتي ما تحبيه
روان : الصراحه لا .. واعتبره مثل اخوي وما عندي اي شعور تجاهه .. بس شسوي
ريناد : اممممم زين ليش ما تحاولين تحبينه
روان : انتي تتذكرين الصراع اللي كان بيني وبين شهد
ريناد : اي .. عشان بدر صح ؟!
روان : اي .. عشان جذي انا كنت حاطه في بالي ان بدر مصيره بيكون لي .. بس الظاهر الواقع غير .. ما راح تصدقيني اذا قلت لج اني احب بدر اكثر من شهد .. بس المشكله الحب من طرف واحد ما ينفع
ريناد : زين انج قلتيها بنفسج .. عادل انسان طيب .. ما امدحه عشانه اخوي .. بس امدحه عشانه عادل ويستاهلج يا روان .. بس لا تكونين جافه معاه .. حاولي تنسين بدر .. بالاول والاخير بدر مجرد سراب !
روان : ..............
ريناد : زين .. نطلع من هـ الموضوع
روان : هلا
ريناد : ابي انزل اتمشى
روان : هههههههههه تبين اخوج يذبحنا الحين
ريناد : هههههه شوفي المنظر بس والله يشجع
روان : انزين قوليله يمكن يرضى
ريناد : رغم اني متأكده انه ما راح يرضى .. بس بحاول
روان : Good Luck

ريناد تروح غرفه عادل
عادل : خير ؟
ريناد : ممكن طلب ياخوي الغالي ؟
عادل : خلصي .. شتبين ؟
ريناد : ممكن ننزل نتمشى .. شوف المنظر بس والجو والله روووعه
عادل : نو .. شوفي الساعه 10 ونص
ريناد : ولو شنو يعني ؟
عادل : رينادو يلا على غرفتج باجر لاحقين
ريناد : يلا عاد بلييز
عادل : نوووو وي .. يلا باي
ريناد : اف

روان : بشري ؟
ريناد : ما رضى .. حاولي معاه انتي
روان : اف .. اذل نفسي عشانه .. ما راح يرضى بالاول والاخير
ريناد : حاولي زين
روان : امممممممم طيب .. بس انا راح ادق على غرفته
ريناد : زين

يا ترى شنو راح يصير بين زياد وريناد ؟

هل راح تتم خطبتهم على خير ؟ ولا فيه شي راح يعكر طريقهم ؟

روان وعادل .. شنو نهايتهم ؟

شهد وبدر ..؟ والغموض الواضح من شهد ؟

[مرو]

الجزء التاسع

يوم الأحد

(( بيروت ))

عادل يدق باب الغرفه : ريناد .. ريناد وينج ؟
روان تفتح الباب : روان نزلت
عادل : وين ؟!
روان : مادري بس قالت بتمشى تحت
عادل : نعم ..!! تتمشى بروحها ؟
روان : عاد مادري والله هي قالت لي جذي
عادل : اف .. وين راحت هذي الحين ؟
روان : لحظه أدق عليها

روان تدخل الغرفه وتدور على موبايلها
ريناد : هلا ..
روان : هلا .. وينج ؟
ريناد : تحت قاعده بالكافيه
روان : لا والله .. حلفي بس ..؟! اقول اصعدي بسرعه ترى اذا تأخرتي اخوج بيقلّب الدنيا على راسنا فاهمه
ريناد : طيب .. ما بتأخر .. أكمل الكابتشينو واصعد
روان : اوك .. بااي

عادل يدخل : شنو قالت ؟
روان : اصلاً ما طلعت هي .. بالكافيه تحت .. تخلص وتصعد ..؟
عادل : اممم .. وانتي كملتي تجهيزاتج ؟
روان : اي .. اعتقد خلصت .. حتى خذيت للعرس بعد
عادل : يعني ما بتسافرين مره ثانيه ؟
روان : امم .. ما اعتقد .. خلاص شنو كل يوم
عادل يبتسم : تعجبيني
روان : ......
عادل : يلا تبين شي ؟
روان : اي .. شنو تبي من ريناد ؟
عادل : ابي اكلمها في موضوع .. لما تصعد قولي لها تمر لي غرفتي
روان : طيب

**

(( البحرين ))

شهد : خلصت ؟
بدر : اي خلصت ..
شهد : الحمد لله
بدر : للحين ما خذيت منج جواب ؟
شهد : بدر مافيني شي .. والله مافيني شي !!
بدر : امبلا فيج شي .. تعلميني فيج يعني
شهد : يووووووه بدر خلاص قلت لك مافيني شي
بدر : انتي لازم تتغيرين .. حالج مو عاجبني
شهد : وشلون اتغير بالله
بدر : مادري .. انتي ما كنتي جذي اول .. صايره بارده .. جافه معاي بالكلام .. يادوب اسمع منج كلمه حلوه .. شفيج ؟ اذا في خاطرج شي قوليلي ؟
شهد : ...........
بدر : شفيج ما تردين بعد ؟ قاعد اكلم حايط آنا ؟
شهد : بدر بلييز .. ما ابي اتكلم
بدر : نعم ؟؟!!
شهد : ممكن اكلمك بعدين ؟
بدر : ......
شهد : مع السلامه
صكت المكالمه بدون ما تسمع رده
قفلت التلفون وقطته على السرير ونزلت

**

(( بيروت ))

عادل : وانتي شلون تنزلين بروحج ؟
ريناد : اشدعوه عاد ما سويت شي كل اللي سويته نزلت اشرب كابتشينو !! كفرت ؟
عادل : ما قلنا كفرتي .. بس المفروض تقوليلي
ريناد : انت كنت نايم وما حبيت ادق عليك وازعجك
عادل : المهم .. انا كنت حاب اكلمج بـ موضوع ..
ريناد : هلا
عادل : بدر كلمني الصبح وقالي ان فيه شخص تقدم لج
ريناد تسوي روحها غبيه : ما فهمت ؟!!
عادل : شنو ما فهمتي ؟ سباله انتي ؟ فيه شخص يبي يخطبج !!
ريناد : ......
عادل : اشفيج ؟
ريناد : منو الشخص ؟
عادل : يقول انه اسمه زياد .. وعمره 25 سنه
ريناد لفت الدنيا بـ راسها ، مستحيل !! أنا في واقع ؟ ولا في حلم ؟ أفرح ؟ ولا أرقص ؟ ولا اغمض عيوني وافتحها مره ثانيه وأتاكد ؟!!!!
عادل : ريناااااااااد .. نحن هنااااا
ريناد : ...........
عادل : رينااادو وصمخ قاعد احاجيج ؟!!!!!
ريناد : ............
عادل : ياربي .. شفيج ؟!!!
ريناد : .........

طالع على يمينه لمح كوب الماي
قام وكبه في وجه ريناد
ريناد بعصبية : شفييييييييييييييك
عادل : انا اللي شفيني ولا انتي ؟!
ريناد : منو اللي خطبني ؟
عادل : انتي شفيج ينيتي ؟ اقولج شخص اسمه زياد
ريناد : ...........
عادل : راح اذبحج ..


روان بـ غرفتها
يرن تلفونها
" مسج "

( روان بليز تعالي غرفتي بسرعه .. ريناد غبيه وباذبحها )

روان تفتح عيونها : نعـم !!

تروح الغرفه

روان تدخل : خير ؟
عادل : شوفيها مادري شفيها ؟!
روان : شفيج ريناد ؟
ريناد : مافيني شي !!
عادل : الحين عرفتي تتكلمين لما يات روان يعني ؟!
روان : اشصاير ؟
ريناد : طيب .. المطلوب مني ؟
عادل : ياربي انا عمري ما شفت انسان بالغباء هذا !!
ريناد : عادل شفيك انت قاهرني اليوم
عادل : انتي اللي قاهرتني ..
روان : ريناد .. قومي نروح غرفتنا
ريناد (( نقذتيني يا روان !! )) : يلا


عادل وقف ومصدوم من شكل ريناد
جنه قال لها بيذبحوها مو بيزوجوها
عادل يكلم روحه : صج زياد غبي .. ياخذ ياهل مثل هذي !! الحمد لله والشكر


**


أم عادل : هلا حبيبتي شلونج ؟
ريناد : بخير يمه انتي شخبارج
ام عادل : البيت من دونج ما يسوى يا يمه
ريناد : ادري ..
ام عادل : هههههههه .. وشخباركم ان شاء الله مستانسين ؟
ريناد : الحمد لله .. انتوا شلونكم ؟ ابوي شخباره وبدر ؟
ام عادل : كلهم بخير ويسلمون عليج .. خبرج عادل ؟
ريناد : اي يمـه .. توه قايلي ،،
ام عادل : طيب .. حبيت اتطمن عليج .. متى تردون ؟
ريناد : بـاجر ان شاء الله
ام عادل : ان شاء الله .. يلا سلمي على روان وخلي بالج على نفسج
ريناد : يوصل .. مع السلامه
ام عادل : الله يسلمج ..


روان : انا للحين مادري شنو صاير ؟ فهميني !!

ريناد تقوم بكل فخر وسعادة : صدقتي يا روان .. ما نصّب ..!
روان مو فاهمه شي : نعم ؟؟ شقاعده تقولين انتي ؟
ريناد ببساطة : زياد خطبني
روان مو مصدقه : صـج والله !!!!
ريناد : والله .. ما تشوفيني ما كنت مستوعبه !!
روان : ههههه طيب المفروض تفرحين مو ما تستوعبين
ريناد : مو انا من فرحتي ما استوعبت
روان : هههههه انزين .. وما رديتي على عادل
ريناد : نوو .. خلني اصلي بالأول .. بصراحه تفاجأت .. ما توقعت زياد صج يخطبني .. كل الشباب اللي تعرفت عليهم بالنت نصابين ويتعرفون على البنت عشان يقضون وقت فراغهم وينصبون عليهم وبس !! أما هذا زياد صج امره غريب
روان : الحمد لله انه الريال محترم وما خان وعده لج
ريناد : بجد انا تايهة .. مادري شسوي يا روان !! جد مادري شسوي
روان : اممم .. صلي استخاره .. ووافقي .. بس طبعاً خل اخوانج يسألون عليه اول يشوفون اخلاقه طبايعه

ويكملون كلامهم ،، إلاّ .......
ريناد : اف .. هذا اكيد عادل .. جد استحي مادري شنو اقوله
روان تقوم عشان تفتح الباب : ههههههههه عن الدلع يا حلوه

عادل : مرحبا
روان : هلا
عادل : ريناد ؟؟ شفيج ؟ حيرتيني معاج ؟
ريناد : مافيني شي
عادل : كل هذا خجل يعني ؟!
ريناد : اممممممم
عادل : طيب .. على فكره ... انتي تعرفينه
ريناد اخترعت وتناظر ريناد : اعرررررررررفه !!
عادل : اي .. شفيج اخترعتي ؟
ريناد : انا اعرفه !! شلون ؟
عادل : مادري بس سمعت من بدر ان زياد اخو رفيجتج
رينـاد وعلامات التعجب والاستفهام على وجهها : نعــم !!
عادل : انتي شفيج اليوم ؟
ريناد : عادي ادري اني مزعجه بس انا ما عندي علم !!
عادل : يعني ما تعرفين رفيجه لج عندها اخو اسمه زياد ؟
ريناد : لأ !!
عادل : غريبه !!
روان : وليش غريبه ؟ طيب يمكن اخت زياد تعرف ريناد وريناد تعرفها بعد بس ما تعرف اخوها زياد !
ريناد تفكر في قلبها (( طيب يمكن مو زياد اللي عرفته ؟؟ ايييييييه .. تذكرت انه محامي ))
ريناد : طيب .. شنو يشتغل ؟
عادل : بدر يقول انه محامي
ريناد فزت : محـ ـ ـ ـامـ ـ ـي !!
روان ابتسمت وعرفت ان هو : خلاص عيل .. مثل ما قلت .. الظاهر ريناد تعرف صاحبتها لكن ما تعرف اخوها .. عادي .. !!
ريناد ما حبت توتر اخوها : خلاص عادل انا راح اصلي استخاره وان شاء الله خير
عادل : على فكره .. الأخ زياد مستعجل
ريناد : نعم ؟؟ مستعجل !! عليّ أنا مستعجل ؟!! .. أمره غريب صراحه
عادل : خلاص .. انتي صلي وان شاء الله خير .. وخبريني بـ جوابج .. لان مثل ما قلت .. الأخ مستعجل
ريناد : .................
روان تأشر لـ عادل عشان يطلع
عادل يغمز لها : طيب .. انا استأذن .. مع السلامه
روان تروح وراه عشان تسكر الباب : باي ..





**

علي : نعـم ؟؟!!
شهد : خلنا نطلع مره ثانيه بلييز
علي : لحظه لحظه .. لا يكون عطيتج فيس هذاك اليوم معناها كل يوم اطلعج !
شهد : افــا .. مو اخوي يعني !!
علي : اخوج .. بس مو كل يوم اطلعج
شهد : بليز علي صج ضايق خلقي والله
علي : والله تعبان
شهد : البحر بينسيك همومك
علي لما سمع كلمه البحر فرح : يلا نقوم
شهد : صج والله
علي : خلاص قعدي
شهد : هههههههههه لا خلاص .. يلا اروح اغير ملابسي
علي : انتظرج في السياره
شهد : اوكي


**

ريناد قاعده تلعب في خصال شعرها .. وبالها بعيد .. بالها بعالم ثاني
عالم " زياد " .. معقوله اسبوع ونص .. بعدها زواج !
تطلع من عالم افكارها وتلف على روان اللي كانت تقرا مجله
ريناد : انا اللي محيرني شي واحد
روان : شنو
ريناد : معقوله ما شافني ؟
روان : هههههه .. انتي صج غبيه .. ياختي هذا اخو رفيجتج .. يعني اكيد شاف صورتج عندها
ريناد : اشدراج ؟
روان : يعني تبين تقوليلي ان رفيجاتج ما عندهم صورتج ؟
ريناد : مادري الصراحه .. انا صليت
روان : اشصار معاج ؟
ريناد : الحمد لله .. ارتحت
روان : الحمد لله .. عيل خلاص ما يحتاج تأخرين السالفه .. احم احم .. الأخ زياد يبيج بسرعه
ريناد : ههههههههههههه
روان : اممم .. انا متأكده انج راح تعيشين معاه قصه حب ولا روميو وجوليت
ريناد : ههههههههه .. آي دونت نو
روان : اقولج .. اشرايج تجهزين حقج بعد ؟
ريناد : تصدقيـــــــن فكـره !
روان : هههه .. يس يس انا ام الافكار اصلاً
ريناد : قومي ننزل
روان : ههههههههه من صجج .. ما اعتقد عادل راح يرضى !
ريناد : اممم .. راح اقوله اني موافقه .. وبهذا راح يرضى اكيد
روان : خلاص عيل اذا وافق ننزل


يوم الإثنين
ساعة 11 الصبح

شوق وزياد بـطريقهم لـ قطر
شوق : اف تعبت
زياد : ما بقى شي
شوق : اشصار على ريناد
زياد : وافقت
شوق : وافقت ولا تقولي يا الخايس
زياد : ههههههه نسيت
شوق : انزين .. وشنو ناوي تسوي ؟
زياد : اتفقنا ان الملكه تكون بعد اسبوعين
شوق : اها .. وريناد وافقت على الاسبوعين ؟
زياد : الظآهر .. مو المفروض اكلمها بالتلفون ؟
شوق : مادري .. البنت مؤدبه وخلوقه ..
زياد : انزين شنو يعني ما بقول لها شي بس بكلمها بأمور الزواج والملكه يعني كلام عادي
شوق : انزين انا شكو ؟ تبي رقمها اطلبه منها
زياد : مادري .. خلنا نوصل الفندق بكلمها بالمسن
شوق : اممممم .. بتصير معرس وافتك منك
زياد : ههههههه افا .. تفتكين مني
شوق : اي .. بس الاحلى ان ريناد بتكون معاي بالبيت
زياد : فديتها .. بتكون معاي انا مو انتي
شوق : خخخخخخخ .. الاثنين
زياد : مشتآق لها وايد .. اتخيل شكلها بالواقع .. وايد احلى من الصوره صح
شوق : صح
زياد : كلها ايام وتكون مرتي .. رغم ان الاسبوعين وايد
شوق : الله يعين الحبايب
زياد : خخخخ
شوق : اف تعبت والله .. كل مره الطريق اسهل .. شفيه هالمره صار طويل ؟
زياد : ههههههههه شنو يعني تغير
شوق : مادري احس
زياد : لا يبه .. كلها نص ساعه ونوصل
شوق : ان شاء الله


**

بيروت

**

ريناد تفز من النوم : لاااااااااااااااااااااااااااااااااااا .. زيااد لا تموت .. لا تخليني زيااااااااااااااااااااااااااااااااااااااااد

روان تفز معاها : ريناد شفيج ؟!!!
ريناد : اعوذ بالله من الشيطان الرجيم .. حلم
روان : شنو ؟
ريناد تشرب ماي وتكمل : حلمت ان زياد مات
روان : ههههههههههههههه هذا وانتي ما تزوجتيه
ريناد : صج خفت .. ياربي يكون مجرد حلم وما يتحقق
روان : آمين .. انزين حلمتي انج تزوجتوا ولا بس شفتيه قاعد يموت
ريناد : لا حلمت متزوجين ههههههه
روان : ههههههههه .. انزين يلا ترى ساعه 11 الصبح
ريناد : اي ادري .. كان ودي اقعد من وقت لان هذي اخر صباحيه
روان : ههههههههه اي ..
ريناد : تدرين اني ما كملت shopping للحين
روان : كل اللي شريتيه امس وما كملتي !!
ريناد : اي .. بس مو مشكله .. اكمل من البحرين
روان : ان شاء الله ..

ريناد تدق على شهد
مغلق !! شفيها هذي

روان : شفيج تفكرين
ريناد : تلفون شهد مغلق .. اول مره !!
روان : امممم
ريناد : انا حاسه انه صار شي بينها وبين بدر
روان بقلبها (( من بعد ما تزوجت !! )) : لا ان شاء الله ماكو إلا الخير
ريناد : انتي سويتي شي بينهم ؟
روان : هههههههههه .. هالقد انا خبيثه يعني
ريناد : لا صج مامزح
روان : مالت عليج .. لا ما سويت .. بدر ما يهمني .. اذا تزوج شهد الله يوفقه ويوفقها معاه .. واذا ما تزوجوا بعد كيفه .. انا الحين لـ عادل وبس !
ريناد : الله الله .. شهالتغيير اللي مره وحده
روان : ما تغيرت .. بس أحاول اصحى من النوم !!
ريناد : اممممممم
روان : على فكره عندي تفسير حق حلمج مال اليوم
ريناد : صج ؟ شنو ؟ فسريلي يا شيخه
روان : ههههههه .. انا اللي اعرفه ان اذا شخص حلم في واحد انه مات .. معناها عمره طويل
ريناد : الله يسمع منج .. ريحتيني
روان : ما كلمج زياد ؟
ريناد : وين بالمسن ؟
روان : اي ..؟!
ريناد : لا .. من خطبني وانا ما فتحت النت .. خلني افتح الحين .. يمكن اشوفه
روان : اوكي .. غريبه عادل طوّل بنومه اليوم
ريناد : اي .. دقي عليه شوفيه
روان : انااا !!
ريناد : ههه .. اي انتي .. فيها شي ؟
روان : لا !
ريناد : خلاص عيل دقي
روان : اوكي ...


** قطـر **

شوق : اف .. اخيراً وصلنا .. الحمد لله
زياد : حمد لله على السلامه
شوق : بس على فكره سياقتك كانت وايد بطيئة
زياد : ادري .. من حادث ابوي وامي الله يرحمهم وانا ما قمت اسرع بالسياقه .. تعرفين ليش ؟
شوق : ليش ؟
زياد : عشان ابقى لج انتي وريناد
شوق : ههههههه زين انت ما عرفت ريناد الا من اسبوعين !!
زياد : ادري .. بس جني اعرفها قبل
شوق : الله يوفقكم
زياد : آمين
شوق : يلا الحين عاد شوي سرع نبي نروح الفندق صج تعبت
زياد : وصلنا خلاص
شوق تنتبه للطريق : هههههه .. ماكنت منتبهة

ينزلون من السياره لـ فندق الشيراتون

**

عادل : لحظه لحظه !! داقه علي !!!!
روان : خير شنو يعني ماكنت ادق عليك بالبحرين
عادل : مره وحده لما طلبتي نسافر
روان : ههههههههههههههه
عادل : فديت هالضحكه
روان : ..........
عادل : ياربيييييييي على هالبرود ... كل هذا خجل .. ما توقعتج تستحين
روان : قصدك انا ماستحي !!!
عادل : ههههههه .. نو .. اقصد ما كنت متوقع كل هالخجل
روان : المهم .. متى طيارتنا ؟
عادل : ساعه 4
روان : وقت مناسب .. كملت اغراضك ؟
عادل : يس
روان : وانا بعد .. ابي اقعد في لبنان .. صج رووعه
عادل : وانا بعد .. على فكره .. ابي الملكه يوم الخميس .. ممكن ؟
روان : نعم !! يعني بعد 3 ايام !!!!
عادل : انتي مو كملتي ؟
روان : اي .. بس مادري مو مستعده
عادل : هههههههههه .. اللي يسمعج يقول باخطفج
روان : ههههههه .. زين ليش يوم الخميس
عادل : لان شوفي لو بتكون بعد اسبوع مو حلو بتكون يوم الثلاثاء صح
روان : صح .. انزين انخليها الخميس اللي بعد الثلاثاء الياي
عادل : ههههههه وليش ؟
روان : مادري !!
عادل : لا .. الخميس هذا
روان : اممممم
عادل : اذا على البطاقات .. اليوم لما ارد اسويهم واوزعهم على الكل
روان : مادري .. سو اللي يريحك
عادل : فديت الزوجه اللي تطيع ريلها
روان : هههههههههههه
عادل : شخبارج بعد
روان : بخير
عادل : دوم مب يوم
روان : معاك ان شاء الله
عادل : اي اكيد معاي كلها 3 ايام وتكونين معاي
روان : ههههه 3 ايام على الملكه مو الزواج
عادل : هههه .. اي صح نسيت .. صج ما سألتج متى تبين الزواج ؟
روان : يعني لو قلت لك بتوافق ؟
عادل : خلني اشوف اول
روان : بعطلة الربيع
عادل : بـــــــــــل !! يعني بعد 5 شهور مادري 6 !!
روان : انزين ليش مستعيل ؟ الصيف حار
عادل : لا روان وايد .. بس انا اقول بعد رمضان ؟ شرايج
روان : لا عاد ودي يكون بعطله الربيع .. ولما يزفونا تنقط علينا قطرات المطر
عادل : هههههههههههههه .. بس عشان جذي
روان : اي !! شفت فيلم وزفتهم كانت هاللون .. قطرات المطر تنزل عليهم وجو رومانتك وايد !!
عادل : هههههههههههههه .. مادري .. الله كريم !!
روان : يلا تبي شي
عادل : سلامتج
روان : الله يسلمك .. بآي
عادل : باي


روان تلتفت لـ ريناد اللي سرحانه
روان : نحن هنا
ريناد : هلا
روان : هههههه .. موجود ؟
ريناد : لا .. مسافر قطر مع اخته اللي هي صاحبتي وللحين ما اعرفها
روان : هههههههه .. وشنو قالج بعد ؟
ريناد : لحظه .. شوفي راح اقرا لج رسالته :
" حبيبتي ريناد .. اول شي حبيت اقولج مبروك .. ومشكوره انج وافقتي علي
وثاني شي حبيت اقولج اني مسافر قطر مع اختي .. يومين ثلاث ونرد
حظري روحج للملكه يا رينادي ،،
وعندي طلب صغير واتمنى ماترديني
هذا رقمي .. واتمنى تدقين علي او حتى تدزيلي مسج
المخلص :: زياد "

روان : يا سلام على الرومنسيه
ريناد : ..............
روان : ويا سلام على اللي يسرحون في الرومنسيه
ريناد : ههههههههههه .. بسج عاد
روان : راح تتصليله
ريناد : من الذوق اني اتصله .. بس ماني متصله
روان : هههههههه وليش بالله ؟
ريناد : ابيه يتولع فيني .. ابيه يذبح روحه عشان يسمع صوتي
روان : ليش تعذبين الريال حرام عليج .. وترى على فكره اهوا يقدر يتصل فيج
ريناد : ادري .. من صاحبتي ؟ خله يتصل !!
روان : امممم .. مادري شقولج .. عنيده وراسج يابس
ريناد : ههههههههههه ... رآح يمل مني بعدين
روان : اشدراج .. اصلاً الريال هيمان فيج
ريناد : امممممممممم .. متى طيارتنا ؟
روان : ساعه 4
ريناد : وي .. عبالي بالليل .. اقوم احضر نفسي وشنطتي افضل
روان : انزين
ريناد : خلنا نتغذا برا اليوم
روان : تصدقين فكره
ريناد : يلا دقي على ريلج طلبي منه
روان : شنو كل شوي داقه عليه
ريناد : ههههههه يلا عاد دقي لان انا متأكده انه ما راح يوافق اذا انا اتصلت .. ومصيرنا نقعد هني يا الغبيه واليوم آخر يوم
روان : امرنا لله !!

[مرو]

قطر
**

شوق : نعم ؟؟! يعني تبيني اقعد في الفندق
زياد : يا شوق كلها ساعتين ابي انام ارتاح ولما اقعد نطلع .. خلج طيوبه وبسج عنآد
شوق : اف .. طيب نام .. كلها ساعتين .. لو ماقعدت ياويلك
زياد : انزين .. تصبحين على خير .. وانتي بعد نامي رقدي .. عقربه انتي حتى نوم ماتعرفين تنامين
شوق : بس بس .. خلاص انا بعد بناآم
زياد : عيل نامي يلا

**
بيروت // على طاوله الغذاء
وبالجو الحلو .. على البحر المتوسط
وبنسمات الهواء اللبنانية
التي تجعل الإنسان يتحول من الحزن إلى السعادة

ريناد : ياااي .. ماصدق بنرد البحرين .. بس بعد ودي اقعد في لبنان اكثر
روان : اي صراحه لبنان رووعه ..
عادل : صدقتي
روان : الحين في الصيف والجو رووعه شلون بعطلة الربيع ؟!
عادل : راح تشوفين الجو في عطله الربيع شلون
روان : ما فهمت !
عادل : باخذج في عطله الربيع ونروح للثلج
روان : ياااااااااااي .. ونآسه .. هع ريناد بتقعد في البيت
ريناد : لا يبه انا بعد بتزوج ونروح اوروبا بعد مو لبنان
روان : ههههههههه .. اي صح تذكرت
عادل : اشوفج مستعيله على الزواج يا رينادو
ريناد تبلع ريقها : ليش الزواج حرام بعد
عادل : انا ما قلت جذي .. بس مادري
ريناد : شنو اللي ماتدري عنه ؟!
عادل : جنج تعرفين زياد
روان تحاول تغير السالفه : انزين عادل يلا نقوم ماباقي شي ع الطياره
عادل : اي صح .. خذتنا السوالف .. يلا نقوم


**
قطر
الشيراتون

زياد : شوق .. شوق .. ويعه .. ما تبين تطلعين ؟
شوق : اف خلني اناام
زياد بصوت عالي : شوق نحن في قطر
شوق تقوم من فراشها : وييييييييييي .. يلا نطلع
زياد : ههههههههههههه .. امحق ياهل
شوق : هههههههه .. ماخذيت شاور ؟
زياد : امبلا .. ما قدرت انام .. يلا قومي خذي شاور عشان نطلع .. وين تبين نروح اول شي ؟
شوق : امم .. اول شي فيلاجيو .. وبعدين نلف الدنيا .. بس اهم شي اول شي فيلاجيو وحشني
زياد : هههههههه .. انزين قومي اخذي شاور يلا
شوق : ان شاء الله


ساعة 6 ونص العصر
مطار البحرين الدولي
(( داخل الطائرة ))

روان : رينااد .. رينادووه وثول .. قومي .. وصلنا البحرين
ريناد : صج .. ماااااااا حسيت
روان : اي لانج غبيه .. مادري شفيج اليوم هذا وانتي قاعده ساعه 11 الصبح
ريناد : اشدرااني
روان : يلا ننزل
عادل : يلا


**
قطر
تحديداً في العزيزيه - فيلاجيو مول

شوق : لحظه زياد شفيك مستعيل
زياد : يلا صار لنا اكثر من ساعتين في فيلاجيو ما مليتي
شوق : انزين اصبر باقي جم شغله ابي اشتريها
زياد : يلا بسرعه .. ورآنا مشآوير ثانيه
شوق : ان شاء الله
زياد : على فكره نسيت اقولج
شوق : هلا
زياد : ابيج تشتريلي هدايا حلوه على ذوقج اعطيها ريناد يوم الملكه
شوق : امم .. مثل شنو
زياد : مادري .. ذهب .. الماس .. هدايا بنوتيه .. شي رومنسي يعني
شوق : عشتوا .. ان شاء الله
زياد : فديتها .. ماقدر على فراقها
شوق : يعني انت شفتها عشان تفارقها
زياد : اي
شوق تفتح عيونها : نعم نعم ؟ وين
زياد : في قلبي
شوق : ههههههههههههههههههه
زياد : تضحكين هاا
شوق : تدري يا زياد .. اتمنى ان الاقي شخص يحبني مثل ما انت تحب ريناد
زياد : ان شاء الله تلاقين اللي يستآهلج
شوق : آمــيين


** البحرين **

ام ناصر : حمد لله على السلامه .. تو ما نور البيت
روان : النور نوركم يا يمه .. شلون ابوي وناصر ومحمد
ام ناصر : كلهم بخير الحمد لله
روان : إلاّ وينهم ؟ البيت فاضي !
ام ناصر : محمد عند ربعه
روان : وابوي وناصر
ام ناصر : ناصر مادري وينه .. وابوج نايم
روان : بروح اصحيه بنفسي .. كل هذا نووم !! ما يشبع ابوي
ام ناصر : ههههههه .. اشوفج مستآنسه
روان : اي يا يمه لبنان تاخذ العقل
ام ناصر : المهم انج استانستي .. شلون عادل وريناد
روان : يسلمون عليج .. يلا اروح اصحي ابوي فديته وحشني
ام ناصر : زين


ننتقل لـ بيت بو عادل
بدر : وحشتيني يا الخايسه
ريناد : وانت اكثر .. شلون شهد
بدر تغيرت نظراته من سعادة إلى حزن : مادري شقولج والله
ريناد : خير ؟ شصاير ؟!!
بدر : مادري .. تغيرت علي فجأه .. تلفونها مقفول
ريناد : معقوله !!
بدر : اي .. مادري شاللي غيرها عليّ .. طلبت مني انها تكمل دراستها وبعدين نتزوج وافقت .. شاللي تبيه بعد !!
ريناد : اممم .. يبيلي اكلمها عيل
بدر : على فكره .. مبروك .. زوجج ما شاء الله ما تبدليه بكنوز الدنيا
ريناد تذكرت زياد : احلف
بدر : والله .. ما شاء الله رجال عليه اخلاق كل الديره تتكلم عنها .. ومحآمي أد الدوونيا .. ووسيم ورزين يعني كل شي فيه مواصفات الرجل الصالح لـ ريناد
ريناد : هع .. بس ودي اعرف منو تكون اخته
بدر : مادري .. ليش ما تعرفيها ؟
ريناد : اهو قالك اسمها ؟ ولا بس قالك ان اختي رفيجتها ؟
بدر : لا بس قالي انج رفيجه اخته .. بس ما قالي منو بالضبط
ريناد : انزين ليش ما سألته ؟ الصراحه انا محتاره
بدر : اممم .. مادري !!
ريناد : شخبآرك بعد ؟!
بدر : بخير الحمد لله
ريناد : انزين تقدر اليوم توديني حق شهد
بدر : اممم .. اوكي
ريناد : خلاص عيل
بدر : ما تنامين ؟
ريناد : لا .. صحيت ساعه 11 الصبح .. وبالطائرة نمت بعد
بدر : اهاا .. عموماً الحمد لله على سلامتج .. متى تحبين تروحين ؟
ريناد : الله يسلمك .. الحين
بدر : الحين !!
ريناد : اي .. وحشتني الخآيسه !!
بدر : هههههه .. خلاص عيل قومي
ريناد : يلا


**

قطر
لاند مارك

شوق : شرايك في هالهديه ؟
زياد : واااو .. بصرآحة رووعه
شوق : امم .. على فكره ريناد تحب اللون الأحمر
زياد : اشدراج ؟!
شوق : اكثر ملابسها حمره
زياد : هههههههههه
شوق : انزين ها شرايك فيه ؟ ناخذه
زياد : اي اكيد ..

كانت الهديه عباره عن قلب باللون الأحمر
مرصع بلون ذهبي لامع ومكتوب فوقه
I Love You
ومن اليسار ورده حمرا مكتوب عليها
To My Rose ..!




**

بيت بو ماجد

ام ماجد : حمد لله على السلامه يابنتي
ريناد : الله يسلمج خالتي .. وين شهد ؟
ام ماجد : في غرفتها
ريناد : خلاص عيل بطلع لها

تصعد ريناد لـ غرفه شهد
تكمل درجاتها وتتوجه على اليسار
.... : شهالقمر اللي عندنا اليوم
ريناد اخترعت : علي !!!
علي : اي علي .. حمد لله على السلآمه .. منور بيتنا اليوم
ريناد : الله .. يسـ ـ ـ لمــ ـ ك .. وين شهد
علي : اشفيج خآيفه وآيد ومتوتره ؟!
ريناد : مافيني شي .. وين شهد
علي : في غرفتها يا حلوه
ريناد : ..........
علي : شفيج سرحآنه ؟ ما تدلين الغرفه ؟!
ريناد : امبلا .. خلاص مشكور
علي : العفو .. ما سوينا شي


ريناد تدق الباب على شهد
شهد : تفضل
ريناد : هااااااااااااااي

شهد تركض من فراشها وتحضنها : هايات ياقلبي .. متى وصلتي
ريناد : ههههههه شوي شوي علي .. توني .. من سآعه
شهد : حمد لله على سلامتج .. بس شكلج ما يطمن .. صآير شي ؟!
ريناد : ابد ... ما يصير نزورج يعني ؟
شهد : إلاّ يصير .. شخبارج بعد
ريناد : الحمد لله بخير .. شفيه تلفونج مغلق يا السباله
شهد تذكرت بدر : ها .. لا بس .. اممم .. مادري عنه الظاهر البطاريه خلصت شحن
ريناد : متأكدة ؟!
شهد (( شفيها هذي !! )) : اي متأكده .. ليش ؟
ريناد : لا .. بس صاير شي بينج وبين بدر ؟!
شهد : ريناد شفيج ؟ لا ما صار شي
ريناد : رغم اني عارفه اللي صآر .. بس كان ودي اسمع منج
شهد : ............
ريناد : المهم .. يا غبيه انخطبت
شهد : حلفييييييييي ؟
ريناد : والله .. اول ما انخطبت دقيت عليج بس تلفونج مغلق
شهد : مبروك يا الدووبه .. منو قليل الذوق هذا ؟
ريناد : هي ما اسمح لج .. قصدج حبيبي اللي عمري ما شفته
شهد : ههههههههههههه .. شسآلفه ؟
ريناد : يقول انه اخو رفيجتي .. بس اي رفيجه .. مآدري !!
شهد : هههههههههه .. وشلون وافقتي
ريناد : اقولج السآلفه بالضبط
شهد : كلنا أذان صاغية !

بعد دقائق
شهد : يعني من الانترنت !!!!!!
ريناد : اي .. بس ياحبيبتي هذا غير .. اخوي يقول ريال ونعم الريآآل ..
شهد : الله يوفقكم !!
ريناد : فيه شي ؟!
شهد : لا
ريناد : فيه شي ؟!!!!
شهد : شفيج ريناد
ريناد : فيه شي ؟!!!
شهد : اف .. ماقدر عليج .. كنت اتمنى ان علي ياخذج
ريناد تتذكر الموقف اللي صار لها مع علي : وليش ؟
شهد : مادري .. علي ما بيحصل افضل منج
ريناد : ان شاء الله يحصل اللي افضل مني وتستآهله
شهد : أتمنى ..


***

يوم الخميس
(( اليوم المنتظر ! ))

***

شهد : روآن يا الخايسه ما توقعت تطلعين حلوه جذي
روان : مالت عليج .. ليش الجمال وايد علي
شهد : ههههههههههه ..
ريناد : اليوم اخوي بيموت
روان : هههههههه وليش ؟
ريناد : ياختي ما طالعتي روحج بالمرايه !!
روان : امبلا .. بس عادي
شهد : على فكره .. الفستان رووعه .. يبيلنا لبنان عيل
روان : الا صج .. شخبار بدر ؟!
شهد بقلبها (( نعم !! هذي للحين تتذكره )) .. كانت تبي تتكلم بس
روان تقاطعها : لا تخافين .. بدر مجرد اخو !!!


ام ناصر تفتح الباب عليهم : روان ما كملتي ؟
روان : الا كملت .. ليش يمه ؟
ام ناصر : يلا كل المعازيم وصلوا متى تنزلين ؟!
روان : كاني نازله خلاص .. يمه خآيفه !!
شهد : دلع بنآت بس .. يبه لا تخافين .. بعدين تقعدين تضحكين على هاليوم
روان : هههههههه .. بآحاول .. يلا ننزل .. توكلت على ربي !!



بعد دقائق

كل اللي يسولفون تجمدت عيونهم !
كل اللي سرحانين .. وقفوا سرحانهم لـ مدة ثواني !
كل اللي ما شاف الجمال .. شافه الحين !
كل العيون تناظر روان ومذهولة من شكلها
ما توقعوا جمالها بريء لـ هذي الدرجه


وصوت الزغاريط يوصل لآخر الشارع
النسوان : الف الصلاااة والسلام عليك يا حبيب الله محمد


بعد ساعتين

ناصر : يلا روان .. عادل يبيج
روان تسوي نفسها هبله : نعم ؟ شنو يبي ..؟ قوله مشغوله بعدين ؟
ناصر : هههههههههههههههههه .. روان يا السباله قومي برضاتج احسن
روان : شنو قصدك يا السخيف
ناصر : اشرايج اشيلج واوديج له ؟
روان : ما تقدر
ناصر : روان لا تتحديني .. ترى تخسرين
روان : هع .. شوف من اللي تكلم
ناصر : اوكي عيل
ناصر مد يده اليسرى على ريولها ويده اليمين على ظهرها وشالها
روان : لااااااااااااااااع ... نزلني .. تكفى نزلني شنو يقولون علينا الناس
ناصر : ما احب اللي يعاندوني .. وانتي اللي بديتي
روان : خلاص سامحني آخر مره نزلني لااااااااااااااع بلييييييز
ناصر : نو وي !!
روان شوي وتصيح : بليييز عاد ماودي عادل يشوفني
ناصر يقاطعها : اصلاً بخليه يضحك ضحك ما صااااااااااار
روان بترجي : نااااااااااااااصر لااااااااع بليييييييييز نزلني اخر مره ترى صج ما بسامحك
ناصر : مو لازم
روان : ناااااااااااااااااااااااااااااااااااصر
ناصر : يا خشمه
روان تصرخ : نزلنييييييييييييييييييييييييي
ناصر : نووووووو

يتقربون على الباب وناصر فتحه
عادل انتبه ما قدر يمسك ضحكته : ههههههههههههههههههههههههههههههههه
ناصر يتقرب عليه ويقط روان بالكنباية اللي يم عادل
روان : اثنينكم سخيفين
ناصر : يلا ... انا مهمتي خلصت .. بآيوو
عادل : ما قصرت يا نويصير
روان تناظره بطرف عيونها : مالت عليك انت وياه
عادل : فديت رواني

ناصر : هي ترى انا هني للحين ما طلعت
عادل : اقول اطلع لو سمحت
ناصر : هههههههه .. عشتوا .. يلا سلاآآم
عادل : مع السلامه

عادل : روان
روان : ................
عادل : افااا .. زعلتي !!
روان : اي زعلت
عادل : افااا .. ما نقدر على زعل الحبايب
روان بـ برائة : ليش ضحكت ؟
عادل : لان صج موقف يضحك وشكلج كان ....
روان تقاطعه : وتبيني مازعل !
عادل : خلاص حقج علي .. يلا عاد اليوم احلى يوم عندي
روان : ..............
عادل ياخذ يد روان ويبوسها : فديتج يا احلى زوجه بالعالم .. خلاص انا اسف
روان : آخر مره !!
عادل : آخر مره
روان : نشووف !!
عادل : طالعه قمر اليوم
روان : اكيد .. عيل رحت لبنان عشان شنو
عادل : ههههههههه .. بس تدرين .. القمر احلى منج
روان : اي ادري ..
عادل : ههههههههههه .. اشرايج نطلع ؟!
روان : وين !!
عادل : مادري .. نتعشى برا ؟
روان : لأ ..!
عادل : ليش ؟
روان : خلها يوم ثاني .. كله اليوم .. ليش مستعيل
عادل : حد يشوف قدامه ملاك وما يستعيل
روان : .............
عادل : اف .. ذبحني برودج .. قولي مبروك على الأقل
روان : وانت قلت لي يعني
عادل : يؤيؤيؤيؤ .. ما انتبهت والله .. مبروك يا احلى زوجه بالعالم كله
روان : الله يبارك فيك
عادل : وانا ؟
روان : انت شنو ؟
عادل : مافي مبروك لي يعني ؟!
روان : مبروك عليك انا !!!
عادل : مالت عليج .. جاملي على الاقل
روان : هههههههههه
عادل : فديت هالضحكه
روان : عادل خلاص بليز تعرفني خجوله
عادل : خلاص نغيّر السالفه ..

**

ريناد : هههههههههههههههه .. شهد شفتي شلون ناصر شال روان و وداها لعادل ؟
شهد : هههههههههههههههه .. لا .. متى ؟
ريناد : قبل شوي ..
شهد : ههههههه .. ياحليلها .. تدرين .. أحس روان تغيرت وايد
ريناد : I think so ...
يقطع محور حديثهم تلفون ريناد
شهد : منو ؟
ريناد : مادري !

ريناد تطلع الحديقه عشان تتكلم

ريناد : الووو
... : السلام عليكم
ريناد : وعليكم السلام .. منو معآي ؟
... : زيــآد
ريناد : ............
زياد : ريناد
ريناد : هلا
زياد : شخبارج
ريناد : بـ ـ ـ ـ خـ ـ ير الـ ـ حـ ـ مد لله
زياد : شفيج يا ريناد .. كل هذا عشان كلمتج ؟
ريناد : ............
زياد : ريناد قلبي .. كلها إسبوع ونملك !!
ريناد : ..........
زياد : ريناد ذبحتيني .. تكلمي .. ابي اسمع صوتج
ريناد : زياد
زياد : يا عيونه
ريناد : ممكن اكلمك بالليل ؟
زياد : انتي وين ؟
ريناد : انت نسيت اليوم ملكه اخوي
زياد : اهاا .. سوري اذا ضايقتج
ريناد : عادي .. اكلمك بالليل
زياد : بس اذا ما كلمتيني يا ويلج
ريناد : ان شاء الله
زياد : يلا مع السلامه
ريناد : باي


**

راحت المطبخ تشرب ماء
شربت .. وخلصت ..
وطلعت
سمعت صوته

بدر : لحظــــــــــــه ..!




شنو يبي بدر ؟

[مرو]

الجزء العاشر

راحت المطبخ تشرب ماء
شربت .. وخلصت ..
وطلعت
سمعت صوته

بدر : لحظــــــــــــه ..!

سمعت صوته ..! إرتجفت !! حست الأرض تبي تنفتح وتبلعها !! قالت بقلبها (( ياربي .. مابي منك غير تخلصني من هالموقف !! )) ..
حاولت تتخلص من الموقف
طلعت من المطبخ وسوت نفسها ما تسمع !!
لحقها وبسرعه صار قدامها .. ما قدرت تسوي شي أكثر
بدر : ما سمعتيني يعني ؟
شهد ترجع ورا شوي : بدر .. موقفنا مو حلو .. عن إذنك
تبي تروح .. مسك إيدها : أخلص كلامي .. وساعتها روحي
شهد : ........
بدر بكل جدية : إنتي شنو اللي تبينه بالضبط ؟!
شهد : .......
بدر : قلبي .. وعطيتج .. دراسه .. وبخليج تكملين دراستج ... شاللي تبينه أكثر ودي أفهم
شهد : ......
بدر : ما عندج جواب .. أعرف .. أصلاً مافي سبب يبرر لج !! إنتي ما تبيني صح !
شهد لف العالم حولها .. ما عرفت شنو ترد
بدر بإبتسامه لكنها مو من قلب : أبشرج .. أنا راح اختفي من حياتج كلها !! بس كل اللي بقوله لج شي واحد .. إنسيني .. وأنا بحآول انساج .. ما بوعدج .. بس الله كريم !!!!


من جهة ثآنيه
روان : يلا .. آنا بطلع
عادل : ما طوّلـنا !!
روان : وقت ثاني ..
عادل : براحتج ..
روان : يلا .. بآي ..
عادل : بآيات ....

تبي تفتح الباب عشان تطلع
عادل : لحظه روان
روان تلفت له بجمالها الساحر : هلا
عادل يغني : قرّبي ليّا .. خوذّي عينيا ..
منتّي اللي ليّا .. في الدُنيا ديــه !!

صوته كان حلو
ردت عليه بإبتسامة : إن شاء الله ..

طلعت .. وقف يتأمل .. يتأمل إبتسامه منها .. توحي له بإن حياته راح تكون سعيده .. وفي يوم على الأقل ... تقدر حُبه لها .. أو على الأقل ما تكون جافه معاه

حس بإيد على كتفه
ناصر : نحن هنا !!!!
عادل : طيب شسويلك ؟ آرقص يعني ؟!
ناصر : لو سمحت ...
عادل : هههههههه .. يلا نروح للمجلس
ناصر : قدامي يلا
عادل : عطني سطآر يلااا
ناصر : هييي تراك ماخذ اختي
عادل : اللي هي زوجتي
ناصر : بس انا لي صله فيها أكثر منك !!!
عادل : احلف بس
ناصر : والله !!
عادل : يا حليلك .. اقول فآرق من ويهي أفضل لك
ناصر : إن شاء الله عمي عادل
عادل : ههههههههههه .. يلا نروح


في صالة فيلا بو ناصر
اللي كانت مملوئة بالنساء ..

روان تكلم امها على خفيف : يمه وين محمد ؟؟
ام ناصر : ما تدرين عنه يعني !! كالعاده مع ربعه
روان : والغبي هذا ما يعرف يسلم عليّ على الأقل ويبارك لي
ام ناصر : انتي قلتيها .. غبي
روان : لا عاد انا بذبحه اليوم والله .. شنو هذا صج يآهل .. عمره 14 سنه بس للحين ما يعرف شي ..!! راح اكلمه واغصبه يرد البيت الحين !!
ام ناصر : شوفيه وينه هالغبي على قولتج



***

دوّرت عليها بكل مكان .. ما لقتها
آخر ما توقعته إنها تلاقيها بالصالة اللي بالطابق الثاني
انصدمت من المنظر !! المصابيح كلها مطفيّه
ظلام سائد .. ما ينسمع منه إلاّ الأصوات المزعجه من تحت
شافت خيالها

ريناد فتحت المصابيح : إنتي هني وانا ادور عليج
شهد : ............
ريناد : شهد ..! شفيج متضايقه ؟
شهد بضيقه : ولا شي ..
ريناد : شنو ولا شي !! المصابيح مسكره وقاعده بروحج ..! شلون ولا شي ؟!
شهد : ريناد قلت لج مافي شي خلاص
ريناد : خلاص على راحتج .. يلا ننزل .. ولا بتقعدين بروحج ؟!
شهد : لا خلاص نازله ..

قاعدين ينزلون بالدرج
وبنفس الوقت ناصر وبدر كانوا صاعدين

بدر : انزين اسمع .. انا راح ... .... ... ... !!!
قطع صوته لما شافها قاعده تنزل مع ريناد
وهي بعد نفس الشي .. كل اللي سوته انها سرحت كالعاده
حقرها وفات من يمها ولا كأنه شايفها
انقهرت من حركته

ريناد : أها .. الحين فهمت !! شصاير بينكم ؟!
شهد ما عطتها ويه ونزلت بسرعه عشان ما تسألها أكثر


***

قطر
وتحديداً بالمول
بعد خروجهم من السينما

شوق : بصراحه ما عجبني الفيلم
زياد : أوووه .. ليش بالله ؟
شوق : لانه رومنسي
زياد : انزين شفيها الرومنسيه مو حلوه ؟
شوق : لا .. بس حلوه للي شسمونه
زياد : ههههههههههههههه
شوق : كلمتها ؟
زياد : ايه .. بس ما قدرت تكلمني .. اليوم ملكه اخوها على بنت عمها صح ؟
شوق : ايييي نسيت .. تتذكر لما كلمتها قالت لي خلنا نشوفج في ملكه أخوي
زياد : خلاص راح تشوفج في ملكتها
شوق : ههههههههه ان شاء الله
زياد : صوتها عذاب
شوق : احم
زياد : احمين !! فيهآ شي .. كلها إسبوع وتصير زوجتي
شوق : ان شاء الله
زياد : وين ودج تروحين بعد ؟
شوق تحط إيدها على بوزها وتفكر : اممممممممممممممممم .. ما رحنا سيلين
زياد : باجر بنروحه
شوق : انزين خلنا نروح الستي سنتر
زياد : يلا


**

نرجع لفيلا بو ناصر

روان تصرخ : وينك إنت ؟!
محمد : طالع مع ربعي .. شتبين
روان : شنو شتبين !! انت ما تدري اليوم ملجتي ؟
محمد : امبلااا !!!
روان : وتدري بعد ؟!!
محمد : إشفيج ؟؟؟!!!
روان : ليش ما ييت ؟ ولا ما عندك اخت تبارك لها
محمد : اف روان انا مشغول
روان : مشغول ؟ شوف ان رجعت للبيت باذبحك .. نصيحه لا ترد
محمد : لا والله ؟؟
روان : محمد انت قهرتني من قلب .. فيه احد ما يحضر ملجه اخته ؟
محمد : انزين سوري خلاص .. لما ارد البيت اييب لج هديه .. انزين ؟
روان : مابي هديه يا الغبي ابي اشوف رقعه ويهك بالبيت
محمد : ماقدر ارد الحين
روان : وليش ؟
محمد : منو يرجعني البيت بالله ؟!!
روان : اتصلت بنااصر ؟
محمد : لا
روان : طيب إتصل له
محمد : قوليله انتي كاهو يمج
روان : انزين بقوله .. إنت وين ؟
محمد : Fun Land
روان : انزين بقوله وبتصل لك .. وياويلك ان ما ييت
محمد : انزين

***

قطر
السيتي سنتر

زياد : ابي اشتري لرنووشتي مجوهرات
شوق : عشتوا !! رنوشتي شنو !! احنا البنات ما نقول لها رنوشتي
زياد : ههههههههه .. وانا شكو فيكم ؟
شوق : من وين تشتري لها ؟
زياد : اممم .. خلنا نروح مجوهرات السليمان
شوق : اممم .. داماس أحلى
زياد : خلاص إنتي أدرى .. يلا على داماس
شوق : بس لحظه !!! وآنا !!!!!
زياد : نعم ؟؟
شوق : انا ما تشتريلي مجوهرات ؟
زياد : وانتي شكو بالله ؟
شوق : افااااا .. انا مو اختك يعني ؟
زياد : ما قلنا شي .. بس الحين حق ريناد بس .. انتي بعدين
شوق : بعدين !!! شنو بعدين !! لو ما تشتريلي ماروح معاك
زياد : شوق لا تصيريلي ياهل
شوق : يلا عاد حرام عليك
زياد : خلاص .. بس مجوهرات ريناد تكون احلى منج .. اتفقنا ؟!!!
شوق تصرخ عليه شوي وتطقه : الله الله !!!!! ولييييييييييش ؟!!!!!!!
زياد : ههههههه امزح .. اقصد يعني باشتري لها اكثر منج
شوق : عادي .. مو مرتك ؟
زياد : عشتوا .. ما تغارين ؟
شوق : لا .. بس اعرفك تبي تقهرني .. وانا ذكيه ما انقهر منك هع
زياد : هههههههههههه .. اقول امشي بس
شوق : يالله ..


***

البحرين
فيلا بو ناصر

ناصر : قلت لج لا
روان : شنو لا !! عشان خاطري
ناصر : روحي يلاااااا
روان : افاا ناصر !! اليوم ملجتي !!!!!
ناصر : انتي مو قلتي ماكلمك ؟ شكو تكلميني بالله ؟!
روان : تدري .. انا الغلطانه اني كلمت واحد مثل اشكالك
ناصر : مع السلامه
روان : هيّن يا ناصر .. مو مشكله
ناصر : برااا يلاااا
روان : خلاص طالعه انزين

فكرت .. شنو تسوي ؟؟
تبي تشوف أخوها محمد
كلهم موجودين في الحلفه إلا هو
" عادل " .. تكرر هالإسم ببالها ..
ياربي .. ليش ماقوله ؟ اهوا مو ريلي ؟!!

راحت تبي تقوله .. بس شلون تدخل له !!!
" لازم أتصله " .....!


عادل استغرب
روان داقه ؟؟
شتبي !!

عادل : هلا روان
روان : عادل .. اطلع شوي ابيك
عادل : وين إنتي ؟
روان : بالحديقه
عادل : إنـزين .... ثواني و اطلع ..



كانت تشم الورود اللي في حديقتهم
كان لونهم وردي وأصفر
لونهم لامع جداً .. لان الخدامه قبل الملجه سقتهم كلهم

عادل : انا هني
روان : خرعتني
عادل : صج ؟
روان : المهم .. عندي طلب ممكن ؟
عادل : آمري
روان : ابيك .. بصرآحه .. شسمه ...
عادل : شفيج روان ؟ شتبين ؟
روان : بصراحه ابيك تجيب أخوي محمد من الـ Fun Land
عادل : الحين ؟!
روان بخجل : اي
عادل : انـزين
روان بفرحة : صج ؟
عادل : ههههههههه امزح معاج يعني ؟
روان : مشكووووووور
عادل : بس ؟
روان : شنو بس !!!
عادل : قولي حبيبي قولي عدول ياختي هو كلام بس لاكثر ولا اقل
روان بطرف عين : عااااااااادل
عادل : خلاص خلاص .. انزين قوليله اني بمر له
روان : باتصل له الحين ..
عادل : خلاص عيل
روان : انزين


***
قـــطــر
تحديداً في لاند مارك
داماس

شوق : شوف هذا وايد حلو
زياد : امممم .. انا ما عجبني
شوق : انا ما قلت حق ريناد !! هذا لي !!!
زياد : لا والله حلفي بس ؟ انا ياي اشتري حق زوجتي ولا لج ؟!
شوق تسوي زعلانه : خلاص .. انا طالعه اتمشى .. وخل ريناد تشوف ذوقك الخايس .. عشان تنتحر في اول يوم تشوف المجوهرات
زياد : ههههههههههههههه .. خلاص يبه خلاص تعالي
شوق تأشر على القطعه اللي بيده : يلا لو سمحت للكاشير
زياد : ههههههههههههه انتي شفيج يعني بشرد آنا ؟ خلنا نكمل اول
شوق : انزين يلا خلصنا ساعه وانا اختار لك وتقولي مو حلوين
زياد : اشدراني عنج اول مره اشوف بنت ذوقها مو حلو في المجوهرات
شوق : خلاص والله العظيم ماني مختاره لك شي مره ثانيه
زياد : احسن .. انا بختار لها
شوق : خلاص اختار عساك تحتار
زياد : ههههههههههههه
شوق : ما يضحك
زياد : خلاص فارجي يلا شلون ماني مشتري اليوم ؟
شوق بغرور : خلاص زين مالت

قاعد يختار كم قطعه مجوهرات
شوق : لو سمحت يلا يوعانه
زياد : لا حول الله !! ما خليتيني خمس دقايق حتى !!
شوق : انزين انا الحين قلت لك وحشتني بالله ؟ قلت لك يوعااانه
زياد : شتبين يعني ؟ تاكليني ؟!
شوق : لا .. ابي اروح الكارافان .. وحشني ..
زياد : خلاص خلنا نكمل اول ونروح .. اشفيج بزر تبين تنامين من وقت ؟
شوق : يلا طيّب .. عنبووووووو كل هذا وما خلصت
زياد : ههههههههه شوي واخلص .. وانتي عطيتيني مجال حتى
شوق : خلاص يبه يلا بسرعه .. هذي آخر مره اسافر معاك جد ذبحتني
زياد : ومنو قالج انا اللي مسافر معاج ؟؟ خلاص يبه كلها اسبوع وملجتي وبعدها الزواج وانتي تضلين بروحج
شوق خافت : صج !!
زياد : اي صج .. أمزح معاج يعني ؟!
شوق : وين تروح ؟
زياد : باشرد انا وزوجتي .. حرام ؟
شوق ببرائة : انت من صجك ولا تبي تقهرني
زياد : ههههههههه .. اقول .. ممكن تخليني اعرف اشتري ؟
شوق : خلااااااااااص رايحه انزين

***
في البحرين
بالـ Fun Land

محمد يصعد السياره : هاااااااي
عادل : هايات .. الناس تسلم مو تقول هاي
محمد : حراام يعني !!
عادل : انا قلت حرام ؟ بس السلام تحية الإسلام !!
محمد : خلاص ياخي بتلقي علي محاضره ؟
عادل : هييييي احترم انا ريل اختك !!
محمد : انزين يلا ودني البيت
عادل : وين موديك يعني السعوديه ؟
محمد : ههههههههه
عادل : ما قلت شي يضحك
محمد : اف .. الله يعين اختي عليك
عادل : لا والله !!!! اشوفك مصختها ؟؟!! ولا تبي طراق حلو ؟
محمد : ما تسويها ؟؟
عادل : تتحدى يعني ؟؟
محمد : ههههههههههه خلاص انزين ودني البيت
عادل : عيل اسكت ولا ...
محمد يقاطعه : خلاص سكتنا

بعد خمس دقايق تقريباً
محمد : ممكن سؤال ؟!
عادل : قول
محمد : انت وين بتروح مع اختي في شهر العسل ؟
عادل : وإنت شكو !!!
محمد : حرام أسئل يعني ؟
عادل : وليش تسأل ؟
محمد : بصراحه أبي اسافر معاكم
عادل من كل قلبه يضحك : ههههههههههههههههههههههههههههه
محمد : قلت شي يضحك ؟
عادل : انت من صجك ولا تمزح ؟!
محمد : من صجي والله
عادل : وتحلف بعد !! اقول اسكت احسن ترى ماني طايقك
محمد : مشكوور ما تقصر


***

كانت مندمجه بين البنات تسولف وتضحك
رن تلفونها مسج
" اخوج ذبحني "
روان : ههههههههههههههه
ريناد : يــه !! شفيهم الميانين يضحكون من روحهم
روان : وانتي شكو !!!
ريناد : منو اللي طرش لج مسج ؟!
روان : وانتي شكو !!!
ريناد : انتي شفيج اليوم يبيلج طراق ترى
روان : هههههههههههههههه حلفي بس
ريناد : اقول .. ابي اروح لبنان
روان : وشسويلج يعني ؟ أوديج مثلاً ؟!!
ريناد : انتي مينونه اليوم !! او اخوي مسوي فيج شي
روان : صح !!
ريناد : شنو اللي صح !!
روان : وانتي شكو ؟!!!!
ريناد : انتي شفيج اليوم ما عندج غير " وانتي شكو " ؟!!
روان تأشر على شهد : شفيها اليوم ؟ مو على بعضها
ريناد : مثلي مثلج !! مادري
روان : غريبه !!

لمحت روان عادل ومحمد داخلين من الباب
لان الصاله مطله على الحديقه والمسبح

قامت لهم وفتحت الباب
روان تضرب محمد على كتفه : زين قدرت اشوفك يا الدووب
عادل : وانا ؟؟
روان : هههههههه اي صح شفيه اخوي اللي ذبحك ؟ حرام عليك حموود ما يذبح
عادل : تخيلي يقولي ابي اسافر معاكم في شهر العسل !!!
روان : هههههههههههههههههههههههههه
محمد : انتي شفيج يا السفيهــه لا تضحكين
روان : انت من صجك ولا تتمسخر ؟
محمد : لا ما اتمسخر !! ومن صجي !!
روان : أقول عادل .. خلاص تقدر تاخذ راحتك .. وما عليك من هالغبي اللي قدامك
محمد : مشكوره .. الشرهه مو عليج .. عليّ انا اللي هديت ربعي وييت هني !!
عادل : عن اذنكم
روان : مشكوور عادل
عادل : العفو حبيبتي

حست بشعور غريب لما قال لها كلمة " حبيبتي "
لكن !! تناست بسرعة ...!
روان : يا الغبي جم يوم وانا مو شايفه رقعه ويهك ؟
محمد : اي تصدقين حتى انا ما شفت ويهج يا السباله ؟
روان : انا سباله يا ..!!!!
ترفع راسها فوق تسوي مغروره : ما قلت لي مبروك
محمد : مو لازم !!!!!!
روان : انت اليوم كلك على بعضك تقهر ..
تمسك إذنه بالغصب : قول مبروك يا الحقير
روان : مبروك يا الحقيره !!!
روان تعطيه كف خفيف : اذا غلطت مره ثانيه يا ويلك
محمد : لا ولله !! خلنا نشوف بس
تمسكه من إيده : يلا ندخل ... الجو حر !!
***
في قطر
مطعم كارافان

شوق : اقول ... ما كلمتك ريناد ؟
زياد : نو ...
شوق : اها .. اكيد انشغلت .. كنت اتمنى اشوفها .. وحشتني الدووبه
زياد : وانا بعد !!
شوق بطرف عين : وانت شفتها اصلاً !!!
زياد : امممممممم
شوق تناظر فيه وتتأمله
زياد يأشر : نحن هنااا !!!
شوق : أدري
زياد : اشفيج تتأمليني !! أدري حلو يبه أدري !!
شوق : يا زين اللي بتاخذك
زياد : هههههههههههه اشدعوه ترى باصير مغرور
شوق : صير يبه صير منو قدك .. انزين اسمع بسألك
زياد : هلا
شوق : لما ريناد شافت صورتك .. شنو قالت ؟!
زياد : ولا شي ..! قلت لها حلو ولا لا .. قالت حلو
شوق : اهيا خجوله وآيد ..
زياد : اي ادري .. بس الخجل اذا زاد عن حده مو حلو ..
شوق : بس يمكن الخجل يروح بعد الملجه ...
زياد : ان شاء الله ..


***

بعد مرور 3 أيام

***

كانت قاعده بغرفتها
ترتب أغراضها وكتبها
رن تلفونها
" مسج "

" كنت أحبها وهي تحبني
والعشق لايق علينا .. والعشق لايق علينا
كانت تسميني حبيبي ..
وآنا أسميها الحنينه .. آنا أسميها الحنينه "

المُرسل :
بدر

سرحت بعالم ثاني ..
عالم مجهول .. عالم ما تدري شنو نهايته !!

صارت جريئة .. وردت عليه
" تبقى أغلى الحبايب
مهما تبعد يا غايب
إنت كل الهوى
مين قلك بنسى حبك ؟
حبيبي كتير بحبك
لازم نرجع سوى "


بعد قراءته للمسج
طآر من الفرحه
لكن رد عليها وقال

" أبداً .. مش ممكن أنا أحبك
وإنت بقسوة قلبك
مش تارك عندي حنان
ولا بقدر فكر فيك
تبعد بتجافيني
ترجع بتراضيني
انا عمري بقربك ضاع
وكأنه ما بيعنيك "


استغربت من رده
شنو يبي هذا !!!


اتصل فيها
مرة
مرتين
ثلاث
ما ردت
بالمره الرابعه قررت ترد
شهد : .........
بدر : .........

ظل الصمت يسود عليهم لمدة 5 دقايق
بدر بصوت رجولي : شلون يعني ما بتتكلمين ؟
شهد بصوت ناعم : شلون يعني ما بتتكلم ؟
بدر : شهــد
شهد : بـدر
بدر : ليش تعذبيني ؟
شهد : ليش تعذبني ؟
بدر : انا عمري ما عذبتج
شهد : وانا بعد عمري ما عذبتك
بدر : شنو تسمين التصرفات اللي قاعده تسويها عيل
شهد : حكاية عشق ..!!
بدر : نعم ؟؟؟
شهد : من كثر حبي لك .. قاعده اسوي هالسوالف
بدر : واللي يحب شخص يجرحه ويقسى عليه ؟
شهد : ابي اعذبك
بدر : حرام عليج
شهد : لا مو حرام .. شايف لما القلب يعشق الروح ؟ هذا انت يا بدر
بدر : انتي متأكده ان الكلام هذا من قلبج ؟ ولا قدامج دفتر أشعار وقاعده تنقلين كلام منه ؟
شهد : لا تستهزء !
بدر : شسويتي فيني ؟
شهد : شسويت فيني إنت ؟!
بدر : ليتني ما عرفتج
شهد : أتمنى ..!
بدر : على الأقل قلبي يرتاح
شهد : وآنــا بعد
بدر : أحبج
شهد : أمووت فيك
بدر : الدليل ....؟!
شهد : الدليل 181
بدر : هههههههههههه ابي دليل
شهد : اتصل على 181
بدر : شهد بلا مزح ..
شهد : بدر
بدر : يا عيونه
شهد : ليش اتصلت ؟
بدر : وحشتيني
شهد : بس ؟
بدر : امممم .. تقدرين تقولين ما قدرت أنساج
شهد : آآآآه يا بدر .. انا اللي قدرت أنساك يعني !
بدر : عيل ليش سويتي اللي سويتيه ؟
شهد : من كثر حبي لك .. تهوّرت شوي ...!
بدر : يا سلااام ... بس انا لو ما دزيت لج مسج قبل شوي كان للحين احنا ما نكلم بعض
شهد : ومنو قآل ؟!
بدر : اممم ؟
شهد : كنت ناويه أكلمك بالليل ...
بدر : يعني القلوب عند بعضها
شهد : يـــــــــــــــــس
بدر : عارفه هالشي لو تكرر مره ثانيه شسوي فيج ؟
شهد : شنو تسوي ؟
بدر : اقل شي اذبحج
شهد : هههههههههههههه ... وأهون عليك يعني ؟
بدر : اي تهونين .. لو تعذبين قلبي .. حزتها تهونين والقلب ما يبيج
شهد : هههههههههههههههههه
بدر : فديت هالضحكه
شهد : مو جني كلمتك وآيد اليوم ؟!
بدر : اف .. ردت حليمه لعادتها القديمه .. مستخسره عليّ هالمكالمه يعني ؟
شهد : يلا بدر بروح ..
بدر : روحي عساج
شهد تقاطعه : عساني شنو ؟
بدر : عساج تحبيني أكثر
شهد : ههههههههههه
بدر : وحشتيني والله
شهد : وانت أكثر .. بس لازم أروح .. أمي تناديني والله
بدر : يلا عيل .. روحي ..
شهد : يالله باي
بدر : مع السلامه


***
ردوا من قطر قبل ساعتين تقريباً

شوق : انا تعبانه .. بروح انام .. تبي شي ؟
زياد : سلامتج
شوق : الله يسلمك .. يلا تصبح على خير
زياد : وإنتي من أهله


راح لغرفته
تذكرها
وتذكر ان هي وعدته انها تكلمه يوم الخميس بالليل بعد ملجه اخوها
كلمها


ريناد : الووووو
زياد : السلام عليكم
ريناد : وعليكم السلام .. منو معاي ..؟!
زياد : ما عرفتيني ؟
ريناد : لا .. منو ؟
زياد : انا شخص .. إسمه نفس إسمج .. لكن حطي نقطه على الراء وحذفي النون
ريناد قعدت تفكر
لما عرفته سكرت التلفون

قالت بقلبها " يا ربي انا شسويت !! بس والله استحي " !!!!
كلمها مره ثانيه .. استسلمت له .. وردت

زياد : كل هذا خجل ؟
ريناد : ..................
زياد : ريناد شدعوه .. تراج ذبحتيني !!
ريناد : انا ذبحتك ؟!!!!!
زياد : اي .. كل هذا خجل يعني ..؟ انتي بالمسن كنتي عادي .. شفيج الحين ؟
ريناد : زيـــاد
زياد : قلب زياد
ريناد : انت ناوي تذبحني ؟
زياد : انا !!!!
ريناد : إي انت ..
زياد : اذبح عمري ولا اذبحج
ريناد : ليش كلمتني عيل
زياد : ما يصير ؟
ريناد : اي ما يصير .. بعد الملجه أقدر أكلمك
زياد : عيل ليش وعدتيني انج تكلميني يوم الخميس بالليل وما إتصلتي ؟
ريناد : .................
زياد : ههههههههههه لازم يعني اخليج في موقف محرج ؟

ضحكته كانت حلوه .. سحرتها .. خلتها تفكر فيه
تتخيل شكله وهو قاعد يكلمها

زياد : ممكن اكلمج فيديو ؟
ريناد انفعلت : صج ما تستحي
زياد : افاااا .. انــــــا !!!!
ريناد : إي انت ويه ويهك .. شنو فيديو .. انت للحين ولا شي بالنسبه لي ترى
زياد : ..............
ريناد : اقصد يعني ما صار بيننا شي
زياد : الخميس بيصير ان شاء الله
ريناد : إن شاء الله .. بعد الخميس تقدر تكلمني فيديو
زياد : ماتحمل !!!
ريناد : شنو اللي ما تتحمله ؟
زياد : 4 أيام !!!!
ريناد : هههههههههههه
زياد : حلوه ضحكتج
ريناد [ بقلبها ] : وانت بعد
زياد : رنوشتي
ريناد : عشتوا .. منو رنوشتي ؟
زياد : انتي
ريناد : نعم نعم ؟؟؟ انا ريناد مو رنوشتي .. ولو سمحت لا تقولي رنوشتي مره ثانيه
زياد : عيل بناديج بإسم ثاني
ريناد : شنو ؟
زياد : حبيبتي
ريناد : .........................
زياد : ريناد تراج ذبحتيني .. Take It Easy .. ولا مسويه تستحين ؟
ريناد : يابو الإيزي .. ممكن تكلمني يوم الخميس الياي ؟
زياد : ما يحتاج .. اصلاً بكون يمج يوم الخميس .. شـله أكلمج بعد ؟
ريناد : اي صج نسيت
زياد : ههههههههههههههه
ريناد : خلاص يلا روح
زياد : صج ما تستحين
ريناد : انااا !!!!
زياد : تطرديني يعني !! وانا اللي مكلمج بعد
ريناد : لا صج زياد يلا مع السلامه واشوفك يوم الخميس
زياد : لحظه بقول لج شي
ريناد : هلا
زياد : يوم الخميس .. بعد الملجه .. ابي اطلع معاج
ريناد : نعم !!! وشله مستعيل ؟
زياد : ليش بعد ؟ لا تسويلي فيها تستحين
ريناد : ما قلنا شي بس مو في نفس يوم الملجه
زياد : والله انا قلت لج وانتي عليج التنفيذ وبس
ريناد : إحلف ..!!! إنت من صجك ؟
زياد : والله .. نملج .. وبعدها بخليج ساعتين مع المعازيم .. وبعدها اخذج ونطلع .. بوديج مكان أحبه وايد
ريناد خافت : وين ؟
زياد : مفاجأه
ريناد : شكلك ما يطمن !!! انزين خلاص ان شاء الله
زياد : فديت الزوجه المطيعه اناااااااا
ريناد : خلاص مع السلامه
زياد : هههههههه راح تدفعين ثمن هالإهانات في يوم الملجه .. بااااي

ما خلاها تكمل وسكره
ريناد بقلبها " يا حليله والله .. فديته وفديت صوته الحلو هذا .. ربي يقدرني واقدر اسعده .. اف نسيت .. ليش ما قلت له منو اختك !

[مرو]

بعدين بكملها