هنا نرحل سوياً

[ميلاد اليماني]

بسم الله


أخواني الاعزاء



لكل منا بلده وقريته وبيئته



من مختلف البلدان نلتقي




فلنرحل معكم عبر خيال الصور




وليمتعنا كل واحد منكم عن أجمل مناطق دولته أو مدينته



ولنسبح معه في بحر الخيال



اتمنى ان نرى صور مدنكم الحضريه والتاريخيه هنا



لا تبخلوا علينا




تحياتي




ميـــــــــــــــــــلاد

[مسافر بلا عنوان]

هلا اليوم راح انا ابتدى بمعالم بلدى

يلا تبعونى



منطقة الشوف منطقة كتير بحبها



بيعجبني فيها منظر الجبال العالية بين جبالها بتحس حالك بين الطبيعة الخالبة بعيد عن الناس بجو ساحر بتنسا حالك












الشوف بتوقع الجانب الجنوبي للعاصمة بيروت






يعني بتقدر تروح على هيدي المنطقة من الاتجاه الجنوبي للبنان

وانا وبطريق على جبال الشوف راح تمر في منطقة سياحية ومصيف بنفس الوقت اسمها

ملتقى النهرين. وسميت ملتقى النهرين لان فيها نهرين على جانب الطرفين من الطريق
وعلى ضفاف النهر في منتزهات ومطاعم اكثر العائلات اللبنانية بيروحو عليه ليقضو عطلة اخر الاسبوع

والحلو انك بتقدر تاخد اكلك ولحمة وكل شي معك من البيت وبتشوي على ضفة النهر وبالنهر هيدا مناسب كتير للعائلات لان اولادهم بيقدرو يلعبو ويمرحو بحرية مطلقة خصوصا العائلات الي ساكنة بالشقق الصغيرة

وهيدى رابط صورة لجبال الشوف

http://q8iz.com/vb/attachment.php?attachmentid=2400&d=1072243009

[مسافر بلا عنوان]

وهيدى قصر بيت الدين





قصر بيت الدين قصر اثري وقديم كتير

وبيجي عليه سنويا سواح كتير

اقيم فيه كثير من المهرجنات

والسست فيروز عملت فيه حفلات كبيرة كتير وغيرها وغيرها من الفنانيين العالمية والعربية

وصورو فيه افلام ومسلسلات تاريخية كتيرة كمان


وانا اكتر شي بيعجبني بهيدا القصر نبع الماي الباردة يالي في

امممممممممم كتير طيبة
وهيدي رابط صورة لممر داخل القصر


http://q8iz.com/vb/attachment.php?attachmentid=2402&d=1072243917

[مسافر بلا عنوان]

وبعد ما اطلعنا على القصر راح نزور قصر تاني ومشهور كتير

على نفس خط طريقنا

ونحنا بطريقنا رايحين على القصر التاني راح نشوف هيدي المناظر القرى

القديمة

وهيدى رابط صور القرى القديمه

http://q8iz.com/vb/attachment.php?attachmentid=2406&d=1072245874

[مسافر بلا عنوان]

وهلا وصلنا على قصر موسى الشهير


بيقول صاحب القصر انو كان يضل يحلم انو يكون عندو قصر من وهو عمرو عشر سنين

ومرة من المرات كان بالمدرسة والمدرسة عم يشرح الدرس وموسى

ما كان مركز بالدرس قام اجا الاستاذ لعندو وقالو ليه مش عم تدرس متل رفقاتك

قالو موسى انا عم بعمل شي اهم من الدرس ! عم برسم قصري

قالو الاستاذ شو عم ترسم قصرك يا شحاد ؟ ليه انت من وين الك قصر انت فقير وبيك فقير

قام هون موسى صار عندو إرادة وعزم انو بس يكبر يبني القصر هيدا

وبالفعل هيدا يالي صار موسى كبر وبنا القصر وساعدو في بناء القصر مرتو واصحابو المقربين

وليكون عمل موسى عبرة لناس عملو قصر سياحي تزورو كل العالم

وهيدى رابط صورة قصر موسى

http://q8iz.com/vb/attachment.php?attachmentid=2407&d=1072246301

[مسافر بلا عنوان]

وهيدى صورة ممر داخل القصر

http://q8iz.com/vb/attachment.php?attachmentid=2404&d=1072244591


وكل يوم احد المدارس والجامعات بيعملو رحلات على القصر هيدي وبيخدو معهم الطبل والمزمار وبيعملو حفلات طلاب

وبيرقصو الرقصة اللبنانية المشهورة : الدبكة اللبنانية على اغاني الميجانه والدلعونا

وعلى فكرة موسى ما اكتفى بانو يبني القصر وبس

وكمان طور في كتير من الداخل والخارج

وعمل متحف فلكلوري من دمى الشمع داخل القصر بتمثل

العوائل اللبنانية القديمة ورجال الدين والسياسة

وكمان الدمى هيدي من صنع ايد موسى

وبتتحرك هيدي الدمى على الماي

هيدي رابط صورة دمى الشمع بتمثل احدى العائلات اللبنانية

http://q8iz.com/vb/attachment.php?attachmentid=2408&d=1072246651

[مسافر بلا عنوان]

وبالاضافة كمان عامل داخل القصر متحف خاص لصلاح القديم كتير



وهيدي رابط صورة لسيدة قروية بتطحن بالطاحونة قمح


وعلى فكرة هيدي بتتحرك على الماي وهية عم تطحن




http://q8iz.com/vb/attachment.php?attachmentid=2409&d=1072246850

[مسافر بلا عنوان]

وعلى فكرة موسى ومرتو لهلا بعدهم عايشين

وبيستقبلو الزوار والسواح على باب القصر

وكمان موسى عامل كتاب عن قصة حياتو وكيف بنا القصر

فيك تشتري وتحصل على توقيعه الشخصي على الكتاب


وهيدي كمان رابط صورة لدمى الشمع بتمثل رجال الدين من

كل الطوائف اللبنانية

http://q8iz.com/vb/attachment.php?attachmentid=2410&d=1072247087

[مسافر بلا عنوان]

يالله شباب بنات انشاء الله تكون عجبتكم الرحلة http://q8iz.com/vb/images/smilies/001.gif وانبسطو كتير

اليوم لحد هون وبيكفي راح نكمل مشوارنا في المانطق اللبنانية بعدين

في رحلة تانية وراح قولكم باي باي هلا لاني تعبت من المشوار http://q8iz.com/vb/images/smilies/016.gif




وهيدي صورة دمى شمع بتمثل احد رجال الدين المسيحيين

راكب على الحمار لانو قبل ما كان في فراري ورولز رايس

http://q8iz.com/vb/attachment.php?attachmentid=2411&d=1072247379

[مسافر بلا عنوان]

لى تكمله


ببلدى لبنان

ومكان اقانتى مصر

انتظروووووووووونى

[طوق الياسمين]

موضوع قمة استاذ ميلاد

كل شخص يكلمنا عن بلده او مدينته بالصور
تفعيل الموضوع

ولي عودة

ارجو